Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Utom 26;1-32

26  Agrippa+ ọdọhọ Paul ete: “Ẹnọ fi unyịme nditịn̄ ikọ mban̄a idemfo.” Ekem Paul anyanade+ ubọk onyụn̄ ọtọn̄ọ nditịn̄ ikọ n̄kan̄ idem ete:+  “Edidem Agrippa, kaban̄a kpukpru n̄kpọ eke mme Jew ẹdoride+ mi, mbat nte edi n̄kpọ inemesịt ọnọ mi nditịn̄ ikọ n̄kan̄ idem mi ke iso fo mfịn emi,  akpan akpan koro afo etịmde ọfiọk kpukpru ido+ edinam ye eneni eke ẹdude ke otu mme Jew. Ntre mmeben̄e fi nte enyene ime akpan̄ utọn̄ ọnọ mi.  “Amaedi nte n̄kodude uwem+ toto ke uyen, ke ini n̄kodụn̄de ke otu mbio obio mi ye ke Jerusalem, kpukpru mme Jew  emi ẹkediọn̄ọde mi toto ke editọn̄ọ, ẹfiọk, edieke mmọ ẹmade ndidi ntiense, ẹte ke n̄kodu uwem nte Pharisee+ ekekem ye n̄ka+ ido ukpono nnyịn.  Ndien nda ke ikpe ke emi sia nnyenede idotenyịn+ ke un̄wọn̄ọ+ oro Abasi ọkọn̄wọn̄ọde ọnọ mme ete ete nnyịn;  ke adan̄aemi mme esien nnyịn duopeba ẹdoride enyịn un̄wọn̄ọ emi ndisu mmọ ke idem ebe ke ndisịn ifịk nnam edisana utom nnọ enye okoneyo ye uwemeyo.+ Kaban̄a idotenyịn emi ke mme Jew ẹdori+ mi ikọ, O edidem.  “Ntak emi ọsọn̄de mbufo ndinịm ke akpanikọ nte ke Abasi anam mme akpan̄kpa ẹset?+  Ami n̄kenen̄ede n̄kere ke akpana nnam ediwak n̄kpọ mbiọn̄ọ enyịn̄ Jesus eyen Nazareth; 10  ke akpanikọ, mma nnam ntem ke Jerusalem, nnyụn̄ n̄kọbi ediwak ndisana owo ke ufọk-n̄kpọkọbi,+ sia mma n̄kọbọ odudu nto mbọn̄ oku;+ ndien ke ini ẹyomde ndiwot mmọ, nnyịme nte ẹwot mmọ. 11  Ndien ebede ke ndinọ mmọ ufen ediwak ini ke kpukpru mme synagogue+ mma ndomo ndinyịk mmọ ẹkan̄ mbuọtidem; ndien sia n̄kenen̄erede ndama idat ye mmọ, mma n̄kọbọ mmọ tutu esịm mme obio en̄wen. 12  “Ke adan̄aemi nsịnde ofụri ukeme emi, nte nnamde isan̄ n̄ka Damascus+ ke mma n̄kọbọ odudu ye uyo nto mbọn̄ oku, 13  ke ufọt uwemeyo, O edidem, nte n̄kade ke usụn̄ mma n̄kụt un̄wana emi akande uyama utịn nte otode enyọn̄ ayama akan mi okụk ye mbon oro ẹsan̄ade ye ami.+ 14  Ndien ke ini kpukpru nnyịn ima ikọduọn̄ọ ke isọn̄, n̄kop uyo nte ọdọhọde mi ke usem Hebrew ete, ‘Saul, Saul, ntak emi afo ọkọbọde mi? Afo ndika iso ntịgha ukịm-enan̄ ananam n̄kpọ ọsọn̄ ye afo.’+ 15  Edi ndọhọ nte, ‘Afo edi anie, Ọbọn̄?’ Ndien Ọbọn̄ ọdọhọ ete, ‘Ami ndi Jesus, emi afo ọkọbọde.+ 16  Edi, daha ke enyọn̄ nyụn̄ dada ke ukot.+ Koro emi esịn nnam afo okụt mi, man mmek fi nte asan̄autom ye ntiense+ n̄kpọ emi afo okụtde ye mme n̄kpọ emi ndinamde fi okụt aban̄a mi; 17  ke adan̄aemi nnyan̄ade fi nsio ke ubọk mbio obio emi ye ke ubọk mme idụt, emi ndidọn̄de fi aka ebịne mmọ,+ 18  nte atat mmọ enyịn,+ ọwọn̄ọde mmọ ọkpọn̄ ekịm+ esịn ke un̄wana+ onyụn̄ anam mmọ ẹwọn̄ọde ẹkpọn̄ odudu Satan+ ẹtiene Abasi, man mmọ ẹbọ edifen mme idiọkn̄kpọ+ ye udeme+ ke otu mmọ emi ẹnamde ẹsana*+ oto ke mmọ ndibuọt idem ye ami.’ 19  “Ntre, Edidem Agrippa, n̄kọsọn̄ke ibuot ye n̄kukụt emi otode enyọn̄,+ 20  edi mma mbem iso nda etop nsọk mmọ emi ẹdude ke Damascus+ ye mmọ emi ẹdude ke Jerusalem,+ ye ke ofụri idụt Judea, ye mme idụt+ eken nte mmọ ẹkabade esịt ẹwọn̄ọde ẹtiene Abasi ke ndinam mme utom eke ẹdotde edikabade esịt.+ 21  Ke ntak emi mme Jew ẹmụm mi ke temple ẹnyụn̄ ẹdomo ndiwot mi.+ 22  Nte ededi, sia mbọde un̄wam+ emi otode Abasi, mmaka iso ntịn̄ ikọ ntiense nnọ n̄kpri ye ikpọ tutu esịm mfịn emi, edi ntịn̄ke n̄kpọ ndomokiet ke mîbọhọke mme n̄kpọ emi mme Prọfet+ ọkọrọ ye Moses+ ẹkedọhọde ẹte ẹyeda itie, 23  nte ke Christ enyene ndikụt ukụt,+ ndien nte akpa owo ndiset+ ke otu mme akpan̄kpa, enye enyene ndikwọrọ un̄wana+ nnọ mbio obio emi ye mme idụt.”+ 24  Ekem nte enye etịn̄de mme n̄kpọ emi ndikan̄ idem, Festus ọdọhọ ke ọkpọsọn̄ uyo ete: “Paul, afo amadama idat!+ Ọkpọsọn̄ ukpep anam fi ọdọn̄ọ idat!” 25  Edi Paul ọdọhọ ete: “Ndamake idat, Ata Eti Festus, edi ntịn̄ ikọ akpanikọ ye eke eti ibuot. 26  Ke akpanikọ, edidem emi ndade ifụre utịn̄ikọ ntịn̄ ikọ nnọ etịm ọfiọk aban̄a mme n̄kpọ emi; koro mmenịm ke akpanikọ nte ndomo n̄kpọ emi kiet idịbeke enye, koro owo mîkanamke n̄kpọ emi ke ndịbe.+ 27  Edidem Agrippa, nte afo emenịm ikọ mme Prọfet ke akpanikọ? Mmọfiọk nte emenịm.”+ 28  Edi Agrippa ọdọhọ Paul ete: “Ke ekpri ini afo ayanam mi n̄kabade ndi Christian.” 29  Ndien Paul ọdọhọ ete: “Mben̄e Abasi nte edide ke ekpri ini m̀mê ke anyan ini, yak okûdi afo ikpọn̄, edi n̄ko yak kpukpru mmọ emi ẹkopde ikọ mi mfịn emi ẹkabade ẹdi utọ owo emi ami ndide, ke ẹsiode n̄kpọkọbi emi ẹfep.”   30  Ekem edidem adaha ke enyọn̄, ọkọrọ ye andikara ye Bernice ye mmọ emi ẹtiede ye mmọ. 31  Edi nte mmọ ẹnyọn̄de mmọ ẹneme ye kiet eken, ẹte: “Owo emi inamke n̄kpọ eke odotde n̄kpa+ m̀mê n̄kpọkọbi.” 32  Akan oro, Agrippa ọdọhọ Festus ete: “Ẹkpesana owo emi ẹyak edieke enye mîkpekeben̄eke+ ite ẹnọ imọ ẹsọk Caesar.”

Mme Ikọ Idakisọn̄

M̀mê, “ẹdian̄arede ẹnịm ẹnọ Abasi.”