Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Utom 23;1-35

23  Paul owụk enyịn ese Sanhedrin, onyụn̄ ọdọhọ ete: “Nditọete, nda esịt+ eke mîbiomke mi ke baba n̄kpọ kiet ndu uwem ke iso Abasi tutu esịm emi.”  Edi Ananias akwa oku ọdọhọ mmọ emi ẹdade ẹkpere enye ete ẹyịbi+ enye ke inua.  Ndien Paul ọdọhọ enye ete: “Abasi eyeyịbi fi, afo emi ebietde ibibene eke ẹyetde ndom.+ Nte afo etie mi ada Ibet+ ekpe ikpe ọnọ mi ndien, ke ukem ini oro, abiat Ibet,+ ke ndinọ uyo ete ẹyịbi mi?”  Mbon oro ẹdade ẹkpere ẹdọhọ ẹte: “Nte afo osụn̄i akwa oku Abasi?”  Ndien Paul ọbọrọ ete: “Nditọete, n̄kọfiọkke nte enye edi akwa oku. Koro ẹwet ẹte, ‘Kûtịn̄ idiọk udian andikara mbio obio mbufo.’”+  Edi ke ini Paul ọfiọkde ete ubak kiet edi mme Sadducee+ ubak eken edi mme Pharisee, enye ofiori ke Sanhedrin ete: “Nditọete, ami ndi Pharisee,+ eyen Pharisee. Ẹkot mi ikpe+ ẹban̄a idotenyịn ediset+ mme akpan̄kpa.”  Ke enye nditịn̄ ntem, utọk+ etịbe ke ufọt mme Pharisee ye mme Sadducee, otuowo ẹnyụn̄ ẹbahade.  Koro mme Sadducee+ ẹdọhọde ẹte ediset ke n̄kpa+ idụhe, angel m̀mê spirit inyụn̄ idụhe, edi mme Pharisee ẹtan̄a an̄wan̄wa ẹte mmọ kpukpru ẹdu.  Ntre ke ọkpọsọn̄ mfiori+ ọtọn̄ọ, ndien ndusụk ke otu mme scribe* n̄ka mme Pharisee ẹdaha ke enyọn̄ ẹtọn̄ọ ndineni ọkpọsọn̄ ọkpọsọn̄, ẹte: “Nnyịn ikwe idiọk ndomokiet ke idem owo emi;+ edi edieke edide spirit m̀mê angel ama etịn̄ ikọ ọnọ enye,+—.” 10  Edi ke ini utọk okponde, ndịk anam etubom ekọn̄ nte ke mmọ ẹyewai Paul mbai mbai, enye onyụn̄ owụk mbonekọn̄+ ete ẹsụhọde ẹkewamade enye ẹsio mmọ ke ubọk ẹnyụn̄ ẹda enye ẹdụk ẹdi itieidụn̄ mbonekọn̄.+ 11  Edi ke okoneyo oro etienede, Ọbọn̄ edida enye+ ke n̄kan̄ onyụn̄ ọdọhọ ete: “Nen̄ede nyene uko!+ Koro kpa nte afo ọkọnọde ọyọhọ ikọ ntiense+ ke mme n̄kpọ oro ẹban̄ade mi ke Jerusalem, ntre ke ana afo ọnọ ikọ ntiense n̄ko ke Rome.”+ 12  Edikem ke ini eyo esierede, mme Jew ẹdụk odu+ ẹnyụn̄ ẹda un̄wọn̄ọ+ ẹwụk idemmọ, ẹte mmimọ ididiaha udia idinyụn̄ in̄wọn̄ke n̄kpọ tutu mmimọ iwot Paul.+ 13  Mbon emi ẹkedụkde odu ẹda un̄wọn̄ọ emi ẹma ẹbe owo aba; 14  ndien mmọ ẹdaha ẹtiene mbọn̄+ oku ye mbiowo ẹnyụn̄ ẹkedọhọ ẹte: “Nnyịn imada ọkpọsọn̄ un̄wọn̄ọ iwụk idem nnyịn ite iditabike udia tutu nnyịn iwot Paul. 15  Ntre, mbufo ye Sanhedrin ẹdọhọ etubom ekọn̄ ada enye osụhọde ọsọk mbufo nte n̄kpọ eke mbufo ẹduakde ndidụn̄ọde mfiọk mme n̄kpọ ẹban̄ade enye ata nnennen nnennen.+ Edi mbemiso enye asan̄ade ekpere, nnyịn iyeben̄e idem ndiwot enye.”+ 16  Nte ededi, eyen eyeneka Paul an̄wan okop ete mmọ ke ẹdịbe ẹbet,+ ndien enye edi edidụk itieidụn̄ mbonekọn̄ onyụn̄ emen ikọ emi etịn̄ ọnọ Paul. 17  Ntre Paul okot akwa owoekọn̄ kiet edi onyụn̄ ọdọhọ ete: “Da akparawa emi sọk etubom ekọn̄, koro enye enyene n̄kpọ nditịn̄ nnọ enye.” 18  Ntre owo emi ada enye ọsọk etubom ekọn̄ onyụn̄ ọkọdọhọ ete: “Owo-n̄kpọkọbi emi ekerede Paul okokot mi ndi onyụn̄ eben̄e mi ete nda akparawa emi nsọk fi, koro enye enyenede n̄kpọ nditịn̄ nnọ fi.” 19  Etubom ekọn̄ oro omụm enye+ ke ubọk esịk ada onyụn̄ obụp enye ke ndịbe ete: “Nso ke afo enyene nditịn̄ nnọ mi?” 20  Enye ọbọrọ ete: “Mme Jew ẹdiomi ndiben̄e fi ada Paul osụhọde edi Sanhedrin n̄kpọn̄ nte n̄kpọ eke ẹduakde ndidụn̄ọde mfiọk mme n̄kpọ emi ẹban̄ade enye ata nnennen nnennen.+ 21  Ntem kûnyịme unọ mmọ, koro se ibede owo aba ke otu mmọ ke ẹdịbe ẹbet+ enye, mmọ ẹma ẹnyụn̄ ẹda un̄wọn̄ọ ẹwụk idemmọ ẹte ididiaha udia idinyụn̄ in̄wọn̄ke n̄kpọ tutu mmimọ iwot enye;+ ndien ke emi mmọ ẹnyụn̄ ẹben̄e idem, ẹbet fi ọnọ unyịme.” 22  Ntre etubom ekọn̄ ayak akparawa oro ọnyọn̄ ke ama okowụk enye ete: “Kûtịn̄ unọ baba owo kiet ete ke ima isian mi n̄kpọ emi.” 23  Ndien enye okot owo iba ke otu ikpọ mbonekọn̄ ọdọhọ ete: “Ẹnam mbonekọn̄ ikie iba ẹben̄e idem ndika Caesarea, ọkọrọ ye mme awat enan̄-mbakara ata ye duop ye mbon eduat ikie iba, ke ọyọhọ hour ita* ke okoneyo. 24  N̄ko, ẹda mme unam mbiomo ẹdi man Paul odoro ẹnyụn̄ ẹmen enye ke ifụre ẹsọk Felix andikara.” 25  Ndien enye ewet leta emi akade ntem: 26  “Claudius Lysias ewet ọnọ ẹsọk Ata Eti Felix andikara:+ Ekọm do! 27  Mme Jew ẹkemụm owo emi ẹnyụn̄ ẹyom ndiwot enye, edi mma nsọsọp nda mbonekọn̄ n̄ka n̄kanyan̄a enye,+ sia n̄kopde nte enye edi eyen Rome.+ 28  Ndien sia nyomde ndidụn̄ọde mfiọk ntak eke mmọ ẹdoride enye ikọ, nda enye nsụhọde n̄ka Sanhedrin+ mmọ. 29  N̄kụt ke ẹdori enye ikọ ẹban̄a Ibet+ mmọ, edi owo idorike enye ikọ ke baba n̄kpọ kiet eke odotde n̄kpa m̀mê n̄kpọkọbi.+ 30  Edi sia edide ẹtịn̄ ẹnọ mi ẹte ke ẹdụk ediomi+ ndiwot owo emi, ami nnọ enye ẹsọk fi iwiwa, nnyụn̄ n̄wụk mme andidori enye ikọ nte ẹditịn̄ ikọ ẹdian enye ke iso fo.”+ 31  Ntre mbonekọn̄+ emi ẹda Paul ke okoneyo ẹdi Antipatris nte ekemde ye ewụhọ emi ẹnọde mmọ. 32  Ke ndan̄nsiere mmọ ẹyak mme awat enan̄-mbakara ẹda enye ẹka, mmọ ẹnyụn̄ ẹfiak ẹnyọn̄ ẹka itieidụn̄ mbonekọn̄. 33  Mme awat enan̄-mbakara ẹdụk Caesarea+ ẹnyụn̄ ẹmen leta oro ẹnọ andikara ẹnyụn̄ ẹyak Paul n̄ko ẹnọ enye. 34  Ntre enye okot leta oro onyụn̄ obụp mbahade obio ukara eke enye otode, onyụn̄ odụn̄ọde ọfiọk+ ete enye oto Cilicia.+ 35  Enye ọdọhọ ete, “Nyetịm n̄kpan̄ utọn̄ nnọ fi ke ini mme andidori fi ikọ ẹma ẹdisịm n̄ko.”+ Ndien enye owụk ete ẹkpeme enye ke akwa ufọk ubọn̄ Herod.

Mme Ikọ Idakisọn̄

Se ik. id. Ut 4:5.
“Ọyọhọ hour ita,” oro edi, n̄kpọ nte n̄kanika usụkkiet okoneyo.