Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Utom 22;1-30

22  “Nditọete+ ye mme ete, ẹkop ikọ unyan̄a+ idem mi emi ntịn̄de nnọ mbufo ke emi.”  (Edi, ke ini mmọ ẹkopde nte enye etịn̄de ikọ ọnọ mmọ ke usem Hebrew,+ mmọ ẹnen̄ede ẹdobo, ndien enye ọdọhọ ete:)  “Ami ndi eyen Jew,+ n̄kamana ke Tarsus ke Cilicia,+ edi n̄kọbọ ukpep ke obio emi ke ukot Gamaliel,+ ẹteme mi nditiene Ibet mme ete ete ketket,+ mmenyene ifịk+ mban̄a Abasi kpa nte kpukpru mbufo ẹnyenede mfịn emi.  Mma nnyụn̄ n̄kọbọ Usụn̄ emi nsịm n̄kpa,+ mbọp iren ye iban nyak nnọ ẹkedọn̄ ke ufọk-n̄kpọkọbi,+  nte akwa oku ye kpukpru n̄ka mbiowo+ ẹkemede ndidi ntiense mi. Mma mbọ mmọ leta+ n̄ko ndida nsọk nditọete ke Damascus, mma nnyụn̄ nsan̄a n̄ka ndikọkọbi mmọ emi ẹdude do nda ndi Jerusalem man ẹnọ ufen.  “Edi nte n̄kosụk n̄kade nnyụn̄ nsan̄ade n̄kpere Damascus, ke ekperede ufọt uwemeyo, ke mbuari ọkpọsọn̄ un̄wana oto enyọn̄ asiaha ayama akan mi okụk,+  ndien nduọ ke isọn̄ nnyụn̄ n̄kop uyo nte ọdọhọde mi ete, ‘Saul, Saul, ntak emi afo ọkọbọde mi?’+  Mma mbọrọ nte, ‘Afo edi anie, Ọbọn̄?’ Ndien enye ọdọhọ mi ete, ‘Ami ndi Jesus eyen Nazareth, emi afo ọkọbọde.’+  Edi, ke akpanikọ, mbon oro ẹkedude ye ami+ ẹma ẹkụt un̄wana oro edi ikokopke uyo owo eke etịn̄de ikọ ye ami.+ 10  Ndien mbụp nte, ‘Nnyene ndinam nso,+ Ọbọn̄?’ Ọbọn̄ ọdọhọ mi ete, ‘Daha ke enyọn̄, dụk Damascus, ndien do ẹyesian fi kpukpru n̄kpọ eke ẹmekde ẹnịm ẹte anam.’+ 11  Edi sia mmen̄kekemeke ndikụt usụn̄ ọnọ uyama un̄wana oro, mbon oro ẹkesan̄ade ye ami ẹkemomụm mi ubọk tutu n̄kesịm Damascus.+ 12  “Edi Ananias, owo kiet emi abakde Abasi nte Ibet etemede, emi kpukpru mme Jew emi ẹdụn̄de do ẹnyụn̄ ẹtịn̄de eti ikọ ẹban̄a+ enye, 13  edi ebịne mi, ada mi ke n̄kan̄, ọdọhọ mi ete, ‘Saul, eyenete, fiak kụt usụn̄!’+ Ndien mmenede enyịn n̄kụt enye kpa ke hour oro. 14  Enye ọdọhọ ete, ‘Abasi mme ete ete+ nnyịn ememek fi+ ete edifiọk uduak imọ onyụn̄ okụt+ Enye emi edide edinen+ onyụn̄ okop ikọ eke otode enye ke inua,+ 15  koro afo enyene nditịn̄ ikọ ntiense mban̄a enye nnọ kpukpru owo ke mme n̄kpọ emi afo okokụtde onyụn̄ okopde.+ 16  Ndien ke emi, ntak anamde ubịghi? Daha ke enyọn̄, kana baptism+ nyụn̄ yet+ mme idiọkn̄kpọ fo fep ke afo ndiseme n̄kot enyịn̄ esie.’+ 17  “Edi ke mma n̄kafiak nnyọn̄ Jerusalem+ nnyụn̄ mbọn̄ akam ke temple, ami n̄kụt ke n̄kukụt+ 18  nte enye ọdọhọde mi ete, ‘Wara wọrọ ke Jerusalem iwiwa, koro mmọ mîdinyịmeke+ ikọ ntiense eke afo editịn̄de aban̄a mi.’ 19  Ndien ndọhọ nte, ‘Ọbọn̄, mmọ ẹtịm ẹfiọk ẹte mma nsịn mmọ emi ẹnịmde fi ke akpanikọ ke ufọk-n̄kpọkọbi+ nnyụn̄ mmia mmọ ke kpukpru synagogue;+ 20  ndien ke ini ẹkeduọkde iyịp Stephen+ ntiense fo, ami mma nda do nnọ unyịme+ nnyụn̄ n̄kpeme ewụra mmọ emi ẹwotde enye.’ 21  Edi enye ọdọhọ mi ete, ‘Daha ka, koro nyọdọn̄ fi aka ebịne mme idụt emi ẹdude anyan usụn̄.’”+ 22  Edi mmọ ẹkpan̄ utọn̄ ẹnọ enye tutu esịm ini emi enye etịn̄de ikọ emi, ndien mmọ ẹmenede uyo, ẹdọhọ ẹte: “Ẹmen orụk owo emi ẹfep ke isọn̄, koro enye mîdotke ndidu uwem!”+ 23  Ndien sia mmọ ẹfioride ntem ẹnyụn̄ ẹtopde ewụra mmọ ẹsan̄a ẹnyụn̄ ẹtopde ntan ke enyọn̄,+ 24  etubom ekọn̄ owụk ete ẹda enye ẹdụk itieidụn̄ mbonekọn̄ onyụn̄ ọdọhọ ete ẹmia enye nte ẹsụk ẹbụpde enye mbụme, man imọ itịm ifiọk ntak eke mmọ ẹfioride+ enye ntem. 25  Edi ke ini mmọ ẹma ẹkenyanade enye ẹnịm ndimia, Paul obụp akwa owoekọn̄ emi adade do ete: “Nte ibet enyịme mbufo ẹmia eyen Rome+ emi ikpe mîbiomke?” 26  Edi, ke ini akwa owoekọn̄ oro okopde emi, enye aka ebịne etubom ekọn̄ ọkọtọt, ete: “Nso ke afo aduak ndinam? Kamse, owo emi edi eyen Rome.” 27  Ntre ke etubom ekọn̄ asan̄a ekpere onyụn̄ obụp enye ete: “Sian mi, Nte afo edi eyen Rome?”+ Enye ọdọhọ ete: “Ih.” 28  Etubom ekọn̄ oro ọbọrọ ete: “N̄kada ediwak okụk ndep unen itie eyenisọn̄ emi.” Paul ọdọhọ ete: “Edi ami n̄kakam ndada mmana.”+ 29  Kpa idaha oro, mbon oro ẹkeyomde nditụhọde enye nte ẹsụk ẹbụpde enye mbụme ẹdaha ẹkpọn̄ enye; ndịk onyụn̄ anam etubom ekọn̄ ke odụn̄ọrede ọfiọk ete enye edi eyen Rome+ ye nte ke imọ ima ikọbi enye. 30  Ntre, ke ndan̄nsiere, sia enye oyomde ndifiọk akpan ntak emi esịnde mme Jew ẹdori enye ikọ, enye atat enye onyụn̄ owụk mbọn̄ oku ye ofụri Sanhedrin ete ẹsop idem. Ndien enye ada Paul osụhọde edi onyụn̄ edinam enye ada ke ufọt mmọ.+

Mme Ikọ Idakisọn̄