Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Utom 21;1-40

21  Ekem ke ima ikan̄wana ikpọn̄ mmọ inyụn̄ isio, nnyịn iwat nnennen idisịm Cos, edi ke ndan̄nsiere nnyịn isịm Rhodes, inyụn̄ ito do ikesịm Patara.  Ndien ke ini ikụtde ubom ebede aka Phoenicia, nnyịn idiere inyụn̄ isio ikpọn̄ do.  Ke idide idikụt isuo Cyprus+ nnyịn ibe ikpọn̄ enye ke ubọk ufien inyụn̄ iwat ibe ika Syria,+ ikebehe ke Tyre, koro do ke ubom ekenyene ndision̄o mbiomo.+  Nnyịn ima iyom mme mbet ikụt inyụn̄ idu do usen itiaba. Edi mmọ ẹdọdiọn̄ ẹdọhọ Paul ke odudu spirit+ ẹte okûtọ ikpat ke Jerusalem.  Ntre ke mme usen oro ẹbede, nnyịn idaha itọn̄ọ isan̄; edi kpukpru mmọ, ọkọrọ ye iban ye nditọwọn̄, ẹda nnyịn isan̄ tutu nnyịn iwọrọ ikpọn̄ obio. Ndien nnyịn itọn̄ọ edọn̄+ ke esụk ibọn̄ akam  inyụn̄ ikọm kiet eken unyọn̄,+ ndien idọk idụk ubom edi mmọ ẹfiak ẹnyọn̄ọ ufọk mmọ.  Ekem isan̄ nnyịn edisịm utịt ke ini itode Tyre idisịm Ptolemais, ndien nnyịn ikọm nditọete inyụn̄ idan̄ ye mmọ usen kiet.  Ke ndan̄nsiere nnyịn idaha idisịm Caesarea,+ inyụn̄ idụk ufọk Philip ọkwọrọ eti mbụk, emi edide kiet ke otu owo itiaba oro ẹkemekde,+ ikadan̄ ye enye.  Owo emi ama enyene nditọiban inan̄ emi mîfiọkke erenowo, oro ẹsitịn̄de prọfesi.*+ 10  Edi ke adan̄aemi nnyịn ima ikodu do ke ata ediwak usen, prọfet kiet emi ekerede Agabus+ oto Judea osụhọde edi, 11  onyụn̄ edi ebịne nnyịn edimen mbọbọ Paul, ọbọp ukot ye ubọk esiemmọ onyụn̄ ọdọhọ ete: “Ntem ke edisana spirit ọdọhọ ete, ‘Ntem ke mme Jew ẹdibọp+ owo oro enyenede mbọbọ emi ke Jerusalem ẹnyụn̄ ẹyak+ enye ẹsịn mbon idụt ke ubọk.’” 12  Edi ke ini nnyịn ikopde n̄kpọ emi, nnyịn ye mmọ emi ẹdude ke edem oro itọn̄ọ ndikpe enye ubọk ite okûdọk aka+ Jerusalem. 13  Ekem Paul ọbọrọ ete: “Nso inam mbufo ẹtuan̄ade+ ẹnyụn̄ ẹnamde esịt emem mi?+ Ẹtịm ẹfiọk ẹte, mmeben̄e idem ndidi se ẹbọpde ndinyụn̄ n̄kpa+ ke Jerusalem kaban̄a enyịn̄ Ọbọn̄ Jesus.” 14  Ke ini owo mîkemeke ndikpan enye, nnyịn ision̄o idem ikpọn̄ inyụn̄ idọhọ ite: “Yak uduak+ Jehovah ada itie.” 15  Edi ke mme usen emi ẹma ẹkebe, nnyịn itịm idem ndika isan̄ inyụn̄ idọk ika Jerusalem.+ 16  Edi ndusụk mbet emi ẹtode Caesarea+ ẹsan̄a ye nnyịn n̄ko ẹka, ẹte ida nnyịn ikayak ke ufọk Mnason, owo Cyprus emi edide kiet ke otu akpa mbet, emi edikamade nnyịn esen. 17  Ke ini nnyịn isịmde Jerusalem,+ nditọete ẹdara nnyịn.+ 18  Edi ke ndan̄nsiere Paul asan̄a ye nnyịn odụk etiene James;+ kpukpru mbiowo ẹnyụn̄ ẹdu do. 19  Ndien enye ọkọm mmọ onyụn̄ ọnọ ọyọhọ mbụk+ aban̄a mme n̄kpọ emi Abasi akanamde ke otu mme idụt ebe ke utom+ esie. 20  Ke mmọ ẹma ẹkekop emi, mmọ ẹnọ Abasi ubọn̄, ẹnyụn̄ ẹdọhọ enye ẹte: “Eyenete, afo omokụt adan̄a ediwak tọsịn mme andinịm ke akpanikọ emi ẹdude ke otu mme Jew; ndien kpukpru mmọ ẹnyene ifịk ẹban̄a Ibet.+ 21  Edi mmọ ẹmekop nte ẹtịn̄de ufụmikọ ẹban̄a fi ẹte afo ekpep kpukpru mme Jew emi ẹdude ke otu mme idụt ete ẹfiak edem ẹkpọn̄ Moses,+ ọdọhọde mmọ ete ẹkûnịm nditọ mmọ mbobi+ ẹkûnyụn̄ ẹsan̄a ke ido eke ẹma ẹkenenịm. 22  Nso, ndien, ke ẹnyene ndinam mban̄a emi? Nte ededi, mmọ ẹmọn̄ ẹkop ẹte afo emedisịm. 23  Ke ntre nam se idọhọde fi emi: Nnyịn imenyene owo inan̄ emi ẹma ẹkeda un̄wọn̄ọ. 24  Da mmọ emi dian idem+ nyụn̄ tiene mmọ nam idemfo asana nte ekemde ye ibet, nyụn̄ nọ okụk oro mmọ ẹdibiatde,+ man mmọ ẹkeme ndikporo+ idet ibuot mmọ. Ntem ke kpukpru owo ẹdifiọk ẹte ufụmikọ emi ẹketịn̄de ẹnọ mmọ ẹban̄a fi idịghe akpanikọ, edi nte ke afo emetịm asan̄a, ye nte ke afo n̄ko emenịm Ibet.+ 25  Amaedi mme andinịm ke akpanikọ emi ẹtode ke otu mme idụt, nnyịn imananam ubiere nnyịn inọ ọwọrọ ite mmọ ẹkpeme idem ke se ẹwade ẹnọ ndem+ ọkọrọ ye iyịp+ ye unam eke ẹyịride-yịri+ ye use.”+ 26  Ekem ke ndan̄nsiere Paul ada mbon oro adian idem onyụn̄ etiene mmọ+ anam idemesie asana nte ekemde ye ibet onyụn̄ odụk temple, ndinam ẹfiọk usen eke ini edinam asana nte ekemde ye ibet edikụrede,+ ye usen eke ẹdiwade uwa+ ke ibuot mmimọ owo kiet kiet.+ 27  Ndien ke usen itiaba+ oro ẹkperede ndikụre, mme Jew emi ẹtode Asia ẹkụt enye ke temple ẹnyụn̄ ẹtọn̄ọ ndisịn ofụri otuowo ke ndutịme,+ mmọ ẹnyụn̄ ẹmụm enye, 28  ẹfiori ẹte: “Mbon Israel, ẹn̄wam nnyịn! Emi edi owo emi ekpepde kpukpru owo ke kpukpru ebiet ete ẹn̄wana ye mbio obio+ ye Ibet ye ebiet emi, ndien, akan oro, enye akam ada mme Greek odụk temple onyụn̄ asabade edisana ebiet+ emi.” 29  Koro mmọ ẹma ẹkụt Trophimus+ owo Ephesus nte asan̄ade ye enye ke obio, edi mmọ ẹkekere ẹte ke Paul akada enye odụk temple. 30  Ndien ofụri obio etịmede,+ mbio obio ẹnyụn̄ ẹfen̄e; mmọ ẹmụm Paul ẹnyụn̄ ẹdụri enye ẹwọrọ ke temple.+ Ndien kpa idaha oro ẹberi usụn̄. 31  Ndien ke adan̄aemi mmọ ẹyomde ndiwot enye, etop ekesịm etubom udịmekọn̄ nte ke ofụri Jerusalem odu ke ndutịme;+ 32  ndien kpa idaha oro enye ada mbonekọn̄ ye ikpọ mbonekọn̄ efehe osụhọde etiene mmọ.+ Ke ini mmọ ẹkụtde etubom+ ekọn̄ ye mbonekọn̄, mmọ ẹtre ndimia Paul. 33  Ekem etubom ekọn̄ oro asan̄a ekpere onyụn̄ omụm enye ndien ọnọ uyo ete ẹda n̄kpọkọbi iba ẹkọbi enye;+ enye onyụn̄ ọtọn̄ọ ndibụp m̀mê enye edi anie ye se enye akanamde. 34  Edi ndusụk owo ke otu oro ẹfiori ẹtịn̄ n̄kpọ kiet, mmọ eken ẹnyụn̄ ẹfiori ẹtịn̄ n̄kpọ efen.+ Ntre, sia enye mîkemeke ndifiọk se itịbede ke ntak ndutịme oro, enye ọnọ uyo ete ẹda enye ẹdụk ẹdi itieidụn̄ mbonekọn̄.+ 35  Edi ke ini enye esịmde udịghiukot, nte n̄kpọ etiede anam mbonekọn̄ ẹdimemen enye ke ntak emi otuowo ẹtiede afai afai; 36  koro akwa udịmowo ẹdiọn̄de-diọn̄ ẹtiene enye, ẹfiori ẹte: “Men enye fep!”+ 37  Ndien nte ẹkesụk ẹyomde ndida enye ndụk itieidụn̄ mbonekọn̄, Paul ọdọhọ etubom ekọn̄ ete: “Nte eyenyịme ntịn̄ ikọ nnọ fi?” Enye ọdọhọ ete: “Nte afo ọmọfiọk usem Greek? 38  Nte afo udịghe eyen Egypt oro ekesịnde ndutịme+ odu mbemiso eyo emi, okonyụn̄ adade owo tọsịn inan̄ emi ẹkamade afaka ọwọrọ aka wilderness?” 39  Edi Paul ọdọhọ ete: “Ke akpanikọ, ami ndi eyen Jew,+ nto Tarsus+ ke Cilicia, eyenisọn̄ ke obio emi ẹtịmde ẹdiọn̄ọ. Ntre mmeben̄e fi nte, ayak mi ntịn̄ ikọ nnọ mbio emi.” 40  Ke enye ama ọkọnọ unyịme, Paul ada ke udịghiukot, ada ubọk anam idiọn̄ọ+ ọnọ mme owo. Ke ini uyom odobode ofụri ofụri, enye etịn̄ ikọ ọnọ mmọ ke usem Hebrew,+ ete:

Mme Ikọ Idakisọn̄

Emi ekeme ndisịne ntịn̄nnịm ikọ, etop eke odudu spirit, ọkọrọ ye uduak Abasi oro ẹyararede m̀mê ẹtan̄ade.