Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Utom 14;1-28

14  Ndien ke Iconium+ mmọ ẹsan̄a kiet ẹdụk synagogue+ mme Jew ẹnyụn̄ ẹtịn̄ ikọ ke utọ usụn̄ oro anamde ata ediwak mme Jew ye mme Greek*+ ẹkabade ẹdi mme andinịm ke akpanikọ.  Edi mme Jew oro mînịmke ke akpanikọ ẹdemede+ mbon idụt ẹnyụn̄ ẹnyịk mmọ ndibiọn̄ọ nditọete.+  Ntre mmọ ẹdu do ke anyan ini ẹtịn̄ ikọ ye uko ke odudu Jehovah, emi eketiede ntiense aban̄a ikọ mfọnido esie oro owo mîdotke ebe ke ndida ubọk mmọ nnam mme idiọn̄ọ ye mme utịben̄kpọ.+  Nte ededi, akwa udịmowo ke obio ẹbahade, ndien ndusụk ẹda ye mme Jew edi mmọ eken ẹda ye mme apostle.  Edi ke ini mbon idụt ye mme Jew ye mme andikara mmọ ẹbụmerede ẹka ndisuene mmọ nnyụn̄ ntọn̄ọ mmọ ke itiat,+  ke ẹsiande mmọ, mmọ ẹfen̄e+ ẹka mme obio Lycaonia, kpa Lystra ye Derbe ye idụt n̄kann̄kụk oro;  ndien mmọ ẹka iso nditan̄a eti mbụk do.+  Ndien owo kiet odu ke Lystra emi obiomode ndo ke ukot, onyụn̄ edi mbụn̄ọ toto ke idịbi+ eka esie, ndien akanam enye isan̄ake isan̄.  Owo emi akpan̄ utọn̄ okop se Paul etịn̄de, ndien ke ini Paul owụkde enyịn ese enye onyụn̄ okụtde ete ke enye enyene mbuọtidem+ ekem se ẹnamde idem ọsọn̄ enye, 10  ọdọhọ ke ọkpọsọn̄ uyo ete: “Daha ke enyọn̄ nyụn̄ nen̄ede da ke ukot fo.” Ndien enye obụmede adaha ada onyụn̄ ọtọn̄ọ ndisan̄a.+ 11  Ndien ke ini otuowo ẹkụtde se Paul anamde, mmọ ẹmenede uyo ẹfiori ke usem Lycaonia ẹte: “Mme abasi+ ẹmekabade ẹtie nte mme owo ẹnyụn̄ ẹsụhọde ẹtiene nnyịn!” 12  Ndien mmọ ẹkot Barnabas Zeus, edi ẹkot Paul Hermes, sia edide enye akada iso ke nditịn̄ ikọ. 13  Ndien oku Zeus, emi temple esie akadade ke iso obio, ada ayara enan̄ ye anyanya ikọn̄ edi ke inuaotop onyụn̄ oyom ndiwa uwa+ ye otuowo oro. 14  Edi, ke ini mme apostle oro Barnabas ye Paul ẹkopde, mmọ ẹwak ewụra mmọ ẹnyụn̄ ẹbụmede ẹdụk otuowo oro, ẹfiori 15  ẹte: “Ntak emi mbufo ẹnamde n̄kpọ emi? Nnyịn n̄ko idi mme owo+ emi inyenede mmemidem+ nte mbufo, inyụn̄ itan̄a eti mbụk inọ mbufo, man mbufo ẹwọn̄ọde ẹkpọn̄ mme ikpîkpu+ n̄kpọ emi ẹtiene odu-uwem Abasi,+ emi akanamde enyọn̄+ ye isọn̄ ye inyan̄ ye kpukpru n̄kpọ emi ẹdude mmọ ke esịt. 16  Ke mme emana emi ẹkebede enye ama ayak kpukpru mme idụt ẹsan̄a ke mme usụn̄ idemmọ,+ 17  okposụkedi emi enye mîkayakke n̄kpọ ntiense anana aban̄a idemesie ke emi enye ọfọnde ido,+ ọnọde mbufo edịm+ emi otode enyọn̄ ye ini eduek, ọnọde mbufo udia barasuene onyụn̄ anamde esịt mbufo ọyọhọ ye idatesịt.”+ 18  Edi kpa ye oro mmọ ẹtịn̄de mme n̄kpọ emi, ekedi ọkpọsọn̄ n̄kpọ mbemiso mmọ ẹkpan otuowo ndiwa uwa nnọ mmọ. 19  Edi mme Jew ẹto Antioch ye Iconium ẹdisịm ẹnyụn̄ ẹkpak otuowo,+ ndien mmọ ẹtọn̄ọ Paul ke itiat ẹnyụn̄ ẹdụri enye ẹsio ke obio, ẹkere ẹte enye akpa.+ 20  Edi, ke ini mme mbet ẹdade ẹkan enye ẹkụk, enye adaha ke enyọn̄ odụk obio. Ndien ke ndan̄nsiere enye asan̄a ye Barnabas aka Derbe.+ 21  Ndien ke ẹma ẹketan̄a eti mbụk ẹnọ obio oro ẹnyụn̄ ẹnam ediwak mbet,+ mmọ ẹfiak ẹnyọn̄ọ Lystra ye Iconium ye Antioch, 22  ẹsọn̄ọ mme mbet idem,+ ẹsịn udọn̄ ẹnọ mmọ ẹte ẹsọn̄ọ ẹdu ke mbuọtidem ẹnyụn̄ ẹdọhọ ẹte: “Nnyịn inyene ndibe ke ediwak ukụt ndụk obio ubọn̄ Abasi.”+ 23  Akan oro, mmọ ẹmek mbiowo+ ẹnọ mmọ ke esop kiet kiet, ndien ẹbọn̄ akam ẹnyụn̄ ẹtre udia,+ ẹyak mmọ ẹsịn ke ubọk Jehovah+ emi mmọ ẹkabarede ẹdi mme andinịm enye ke akpanikọ. 24  Ndien mmọ ẹsan̄a ẹbe ke Pisidia ẹnyụn̄ ẹdi Pamphylia,+ 25  ndien, ke ẹma ẹkekwọrọ ikọ ke Perga, mmọ ẹsụhọde ẹka Attalia. 26  Ndien mmọ ẹto do ẹsio ẹka Antioch,+ kpa ebiet emi ẹkewụtde mmọ mfọnido Abasi oro owo mîdotke kaban̄a utom emi mmọ ẹkenamde ẹma.+ 27  Ke ini mmọ ẹdide ẹdisịm ẹnyụn̄ ẹkotde esop ẹbon ọtọkiet, mmọ ẹbụk+ ediwak n̄kpọ emi Abasi akadade mmọ anam, ye nte enye ekebererede usụn̄ ọnọ mme idụt ndinyene mbuọtidem.+ 28  Ntre mmọ ẹdu do ke anyan ini ye mme mbet.

Mme Ikọ Idakisọn̄

Eyedi emi aban̄a mbon oro ẹkesemde usem Greek, kpa mbon emi mîkedịghe mme Jew.