Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Titus 3;1-15

3  Ti mmọ ete ẹsụk ibuot+ ẹnyụn̄ ẹkop item ẹnọ ukara ye mme enyene-odudu nte mme andikara,+ ẹben̄e idem ndinam kpukpru nti utom,+  ẹkûtịn̄ n̄kpọ ẹbiat owo ndomokiet, ẹkûdi mbon en̄wan,+ ẹnyene eti ibuot,+ ẹtie ifụre ifụre ye kpukpru owo.+  Koro ini kiet ko nnyịn ikedi mbon unana ibuot, itụt utọn̄, ẹma ẹtụn nnyịn usụn̄, ima inyụn̄ idụk ufụn inọ nsio nsio udọn̄ ye udia-uwem, ika iso ke idiọkn̄kpọ ye isịnenyịn, idi n̄kpọ itekesịt, nnyịn inyụn̄ isua kiet eken.+  Edi, ke ini mfọnido+ ye ima oro Abasi, Andinyan̄a+ nnyịn, amade owo ama okowụt idem,+  itoho ke utom+ edinen ido oro nnyịn ikanamde,+ edi oto ke mbọm+ esie ke enye akanyan̄a nnyịn ke ndiyet nnyịn isana,+ oro anamde nnyịn idu uwem+ onyụn̄ oto ke edinam nnyịn idi obufa ke edisana spirit.+  Enye ama an̄wan̄a spirit emi ọduọk nnyịn uwak uwak ebe ke Jesus Christ Andinyan̄a nnyịn,+  man, ke ẹma ẹkebat nnyịn ke edinen+ ebe ke mfọnido esie oro owo mîdotke,+ nnyịn ikpekeme ndikabade ndi mme ada udeme nnyene+ nte ekemde ye idotenyịn nsinsi uwem.+  Ikọ emi edi akpanikọ,+ ndien kaban̄a mme n̄kpọ emi mmoyom fi ọsọn̄ọ etịn̄ mmọ kpukpru ini, man mbon oro ẹnịmde Abasi ke akpanikọ ẹkpewụk ekikere ke ndika iso nnam nti utom.+ Mme n̄kpọ emi ẹfọn ẹnyụn̄ ẹnyene ufọn ẹnọ owo.  Edi fep idem ke ndisịme eneni+ ye mme mbụk emana+ ye utọk+ ye en̄wan emi ẹban̄ade Ibet,+ koro mmọ mîdoroke owo udori onyụn̄ edi ikpîkpu. 10  Amaedi owo eke asiakde isio n̄ka,+ kûsan̄a n̄kpọ+ ye enye ke ama ọkọnọ enye item utịm ikaba;+ 11  ke ọfiọkde ete ke utọ owo oro ọwọn̄ọde ọkpọn̄ usụn̄, onyụn̄ anam idiọkn̄kpọ, onyụn̄ obiom idemesie ikpe.+ 12  Ke ini ndidọn̄de Artemas m̀mê Tychicus+ edi ebịne fi, sịn ofụri ukeme fo ndidi mbịne mi ke Nicopolis, koro do ke mbiere ndidu ke ini etuep.+ 13  Tịm nọ Zenas, emi ọfiọkde Ibet, ye Apollos se mmọ ẹdiyomde ke usụn̄ isan̄ mmọ, mbak mmọ ẹdinana baba n̄kpọ kiet.+ 14  Edi yak ikọt nnyịn ẹkpep n̄ko ndinam nti utom man mmọ ẹnyene se ẹnen̄erede ẹyom,+ mbak mmọ ẹditre ndin̄wụm mfri.+ 15  Kpukpru mbon oro ẹdude ye ami ẹte n̄kọm fi.+ Kọm nditọete oro ẹmade nnyịn. Mfọnido oro owo mîdotke akpakam odu ye kpukpru mbufo.+

Mme Ikọ Idakisọn̄