Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Titus 2;1-15

2  Edi afo ka iso tịn̄ se idotde ye eti+ ukpepn̄kpọ.  Yak n̄kani iren+ ẹfara ke idem, ẹdi mbon emi ẹnyenede ifịk,+ ẹnyene eti ibuot, ẹsọn̄ọ ẹda ke mbuọtidem,+ ke ima, ye ke ime.+  Kpasụk ntre yak n̄kani iban+ ẹsan̄a ke ido uten̄e Abasi, ẹkûdọk edidọk,+ ẹkûnyụn̄ ẹdụk ufụn ẹnọ edin̄wọn̄ ediwak mmịn, edi ẹdi mme ọnọ nti ukpep;  man mmọ ẹti n̄kparawa iban ẹte ẹma mme ebe+ mmọ, ẹma nditọ mmọ,+  ẹnyene eti ibuot, ẹdu edisana uwem,+ ẹtie ke ufọk ẹnam n̄kpọ, ẹnyene eti ido, ẹsụk ibuot+ ẹnọ mme ebe mmọ, mbak owo edisụn̄i ikọ Abasi.+  Kpasụk ntre ka iso teme n̄kparawa iren ete ẹnyene eti ibuot,+  ke kpukpru n̄kpọ nịm idem nte uwụtn̄kpọ ke ndinam nti utom;+ kpep mmọ eti ukpepn̄kpọ,+ da n̄kpọ ke akpan n̄kpọ,  tịn̄ eti ikọ eke owo mîkemeke nditịn̄ n̄kpọ mbiat,+ man bụt akpanam owo eke ọbiọn̄ọde, sia mînyeneke idiọk ikọ ndomokiet nditịn̄ ndian nnyịn.+  Yak ifịn+ ẹsụk ibuot ẹnọ mme andinyene mmọ ke kpukpru n̄kpọ,+ ẹnyụn̄ ẹtịm ẹnem mmọ esịt, ẹkûbọrọ mmọ ikọ ke usọn̄enyịn,+ 10  ẹkûyịp n̄kpọ,+ edi ẹnam akpanikọ ke kpukpru usụn̄,+ man mmọ ẹkpenam ukpepn̄kpọ Abasi, Andinyan̄a+ nnyịn, enyene uku ke kpukpru n̄kpọ. 11  Koro mfọnido Abasi oro owo mîdotke+ emi adade edinyan̄a+ ọsọk kpukpru orụk owo+ omowụt idem,+ 12  etemede nnyịn ete ikûdu uwem unana uten̄e Abasi,+ inyụn̄ ifep mme udọn̄ ererimbot,+ inyụn̄ idu uwem ye eti ibuot ye edinen ido ye uten̄e Abasi+ ke editịm n̄kpọ emi,+ 13  ke adan̄aemi nnyịn itiede ibet utịbe utịbe idotenyịn+ ye ubọn̄ ubọn̄+ ediyarade akwa Abasi ye eke Andinyan̄a nnyịn, Christ Jesus, 14  emi ọkọnọde idemesie+ kaban̄a nnyịn man enye akpanyan̄a+ nnyịn osio ke kpukpru orụk ubiatibet onyụn̄ anam mme owo ẹsana+ ẹkabade ẹdi san̄asan̄a ikọt esie,+ emi ẹsịnde ifịk ẹnam nti utom.+ 15  Da odudu oro ẹnọde fi ndinọ ewụhọ tịn̄ mme n̄kpọ emi, nyụn̄ teme mmọ, nyụn̄ sua nọ mmọ.+ Kûyak baba owo kiet ese fi ke ndek.+

Mme Ikọ Idakisọn̄