Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Rome 9;1-33

9  Ntịn̄ akpanikọ+ ke Christ; nsụhu nsu,+ sia ubieresịt mi etienede mi etie ntiense ke edisana spirit,  ete ke mmokop ọkpọsọn̄ mfụhọ ye ubiak eke mîdoboke ke esịt mi.+  Koro n̄kpoyom nte ẹdian̄ade mi nte owo isụn̄i ẹkpọn̄ Christ ke ibuot nditọete mi+ ye iman mi eke obụk,+  emi, ẹdide nditọ Israel,+ emi Abasi akadade enyene nte nditọ+ okonyụn̄ ọnọde mmọ ubọn̄+ ye ediomi+ ye Ibet+ ye ifet ndinam edisana utom+ ọkọrọ ye mme un̄wọn̄ọ;+  mmọ ẹkenyụn̄ ẹto mme ete ete+ ndien Christ oto mmọ ọwọrọ ke obụkidem:+ Yak itoro enyene Abasi,+ emi akarade kpukpru n̄kpọ, ke nsinsi. Amen.  Nte ededi, idịghe nte ke ikọ Abasi ama okpu.+ Koro idịghe kpukpru mbon oro ẹwọrọde ẹto Israel ẹnen̄ede ẹdi “Israel.”+  Inyụn̄ idịghe koro mmọ ẹdide mfri Abraham anam kpukpru mmọ ẹdi nditọ,+ edi: “Se ẹdikotde ‘mfri fo’ edito Isaac.”+  Oro edi, idịghe nditọ eke obụk+ ẹnen̄ede ẹdi nditọ Abasi,+ edi nditọ eke ẹtode ke un̄wọn̄ọ+ ke ẹbat nte mfri.  Koro ikọ un̄wọn̄ọ ọkọdọhọ ntem: “Nyedi ke ukem ini emi isua efen ndien Sarah ayaman eyeneren.”+ 10  Ikokụreke ke oro, edi n̄ko ke ini Rebekah okoyomode nditọ iba+ ọnọ owo kiet, kpa Isaac ete ete nnyịn: 11  koro ke ini mmọ mîka imanake kan̄a mînyụn̄ inamke eti m̀mê idiọk,+ man uduak Abasi emi aban̄ade edimek mme owo okûto utom emi owo anamde, edi oto Enye emi okotde,+ 12  ẹdọhọ enye ẹte: “Akpan edidi ofụn ọnọ udọ.”+ 13  Kpa nte ẹwetde ẹte: “N̄kama Jacob, edi nsua Esau.”+ 14  Nso ke nnyịn ididọhọ ndien? Nte Abasi anam ukwan̄n̄kpọ?+ N̄wan̄ansa-o! 15  Koro enye ọdọhọ Moses ete: “Nyatua owo ekededi eke ndituade mbọm, nyonyụn̄ n̄wụt owo ekededi eke ndiwụtde mbọm.”+ 16  Ntre, ndien, enye itoho owo eke oyomde-yom inyụn̄ itoho owo eke efehede itọk, edi oto Abasi,+ emi owụtde mbọm.+ 17  Koro N̄wed Abasi ọdọhọ Pharaoh ete: “Kpa ntak emi akanam mi nyak fi aka iso odu, man n̄kpada fi n̄wụt odudu mi, man ẹkpenyụn̄ ẹtan̄a enyịn̄ mi ke ofụri isọn̄.”+ 18  Ntre, ndien, owo ekededi eke enye oyomde nditua mbọm ke enye atua mbọm,+ edi owo eke enye oyomde, enye ayak enye ọsọn̄ esịt.+ 19  Ndien afo ọyọdọhọ mi ete: “Ntak emi enye osụk okụtde ndudue? Koro anie ọbiọn̄ọ in̄wan̄-in̄wan̄ uduak esie?”+ 20  O owo,+ afo edi anie eke akpadade ọbọrọ Abasi ikọ?+ Nte n̄kpọ eke ẹbotde ekeme ndidọhọ andibot enye ete, “Ntak emi okobotde mi ntem?”+ 21  Kamse! Nte oboteso+ inyeneke odudu ndida ebok mbat kiet mbot eso nnịm nnọ itie ukpono, nnyụn̄ nda kpa ebok kiet oro mbot efen nnịm nnọ itie eke mînyeneke ukpono?+ 22  Ke emi, edieke Abasi, okposụkedi enyenede odudu ndiwụt iyatesịt esie nnyụn̄ nnam ẹfiọk odudu esie, ọkọyọde onyụn̄ emede anyanime ye mme eso iyatesịt oro ẹdotde nsobo,+ 23  man enye akpanam ẹfiọk uwak+ ubọn̄ esie ke idem mme eso+ mbọm, emi enye ekebemde iso eben̄e enịm ọnọ ubọn̄,+ 24  oro edi, nnyịn, emi enye okokotde n̄ko osion̄o ke otu mme idụt+ idịghe ke otu mme Jew ikpọn̄, nso nan̄a? 25  Edi kpa nte enye ọdọhọde n̄ko ke Hosea ete: “Mbon oro mîdịghe ikọt mi+ nyokot mmọ ‘ikọt mi,’ nnyụn̄ n̄kot enye emi mîdịghe edima, nte, ‘edima’;+ 26  ndien ke ebiet emi ẹkesidọhọde mmọ ẹte: ‘Mbufo idịghe ikọt mi,’ do ke ẹdikot mmọ ‘nditọ odu-uwem Abasi.’”+ 27  Akan oro, Isaiah ọdọhọ aban̄a Israel ete: “Ibat nditọ Israel akpawawak nte ntan inyan̄,+ edi nsụhọ ke ẹdinyan̄a.+ 28  Koro Jehovah ayanam ibat ke isọn̄, anam ama inyụn̄ ibiatke ini.”+ 29  N̄ko, kpa nte Isaiah ekebemde iso etịn̄ ete: “Mîkpedịghe emi Jehovah mme udịm+ akayakde mfri osụhọ ọnọ nnyịn, nnyịn ikpakakabade itie kpa nte Sodom, ẹkpekenyụn̄ ẹnam nnyịn ibiet Gomorrah.”+ 30  Nso, ndien, ke nnyịn ididọhọ? Nte ke okposụkedi mbon idụt mîkebịneke edinen ido, mmọ ẹma ẹsịm edinen ido,+ kpa edinen ido eke otode ke mbuọtidem;+ 31  edi okposụkedi Israel ekebịnede ibet edinen ido, enye ikesịmke ibet oro.+ 32  Ntak-a? Koro enye ikadaha mbuọtidem iyom, edi akada utom oyom.+ Mmọ ẹma ẹtuak ukot ẹduọn̄ọ ke “itiat iduọ”;+ 33  kpa nte ẹwetde ẹte: “Sese! Mmọn̄ nnịm itiat+ iduọ ke Zion ye akwa itiat utuaha ukot,+ edi owo eke ọbuọtde idem ye enye idikwe edikpu.”+

Mme Ikọ Idakisọn̄