Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Rome 5;1-21

5  Ntre, ke emi ẹma ẹkebat nnyịn ke edinen ke ntak mbuọtidem,+ ẹyak nnyịn idu ke emem+ ye Abasi ebe ke Ọbọn̄ nnyịn Jesus Christ,  emi otode ke enye n̄ko nnyịn isan̄a+ ke mbuọtidem idụk mfọnido oro owo mîdotke emi nnyịn ke emi idude ke esịt; ndien ẹyak nnyịn idara ke idotenyịn+ ubọn̄ Abasi.  Inyụn̄ ikụreke ke oro, edi ẹyak nnyịn idara ke adan̄aemi ikụtde ukụt,+ sia nnyịn ifiọkde ite ukụt anam ẹnyene ukeme ediyọ;+  ukeme ediyọ anam ẹnyene eti idaha;+ eti idaha onyụn̄ anam ẹnyene idotenyịn,+  ndien idotenyịn emi idaha isịm edikpu;+ koro ẹmen̄wan̄a ima Abasi+ ẹdọn̄ nnyịn ke esịt+ oto ke edisana spirit,+ emi ẹkenọde nnyịn.  Koro, ke akpanikọ, ke adan̄aemi nnyịn ikosụk idide mbon mmemidem,+ Christ akpa ke ibuot mbon unana uten̄e Abasi ke edikem ini.+  Koro ọsọsọn̄ owo ekededi ndikpa ke ibuot edinen owo;+ edi, owo akam ekeme ndinyịme ndikpa+ ke ibuot eti owo.+  Edi Abasi owụt ima+ eke enye amade nnyịn ke emi Christ akakpade ke ibuot nnyịn ke adan̄aemi nnyịn isụk idide mme anamidiọk.+  Akan oro, sia ẹma ẹkebat nnyịn ke edinen idahaemi oto ke iyịp esie,+ ẹyeda enye ẹnyan̄a nnyịn ẹsio ke iyatesịt.+ 10  Koro edieke Abasi akadade n̄kpa Eyen esie+ esịn emem ke ufọt nnyịn ye idemesie ke ini nnyịn ikedide mme asua,+ n̄wan̄wadise ke emi ima ikafiak iditie ke emem mi, Enye ayada uwem Eyen esie anyan̄a nnyịn.+ 11  Ndien ikụreke ke oro, edi nnyịn n̄ko ke idara ke Abasi ebe ke Ọbọn̄ nnyịn Jesus Christ, emi otode ke enye ẹnam nnyịn ke emi ifiak itie ke emem ye Abasi.+ 12  Mmọdo, nte idiọkn̄kpọ okotode owo kiet+ odụk ererimbot, n̄kpa+ onyụn̄ otode ke idiọkn̄kpọ oro odụk, ndien n̄kpa atara esịm kpukpru owo koro kpukpru mmọ ẹma ẹnam idiọkn̄kpọ+—. 13  Koro idiọkn̄kpọ ama ododu ke ererimbot mbemiso Ibet, edi owo ibatke idiọkn̄kpọ ndomokiet inọ owo ke ini ibet mîdụhe.+ 14  Edi, n̄kpa amakara nte edidem ọtọn̄ọde ke Adam tutu esịm Moses,+ idem akarade mbon oro mîkanamke idiọkn̄kpọ emi ebietde eke Adam,+ emi edide mbiet owo oro ekenyenede ndidi.+ 15  Edi enọ oro itiehe nte idiọkn̄kpọ oro. Koro edieke edide ke ntak idiọkn̄kpọ owo kiet ediwak owo ẹkpan̄a, mfọnido Abasi oro owo mîdotke ye enọ mfọn esie emi otode ke mfọnido owo kiet,+ kpa Jesus Christ, awak etieti ọnọ ediwak owo.+ 16  N̄ko, se ẹnyenede ẹto enọ mfọn+ itiehe nte se ẹnyenede ẹto idiọkn̄kpọ emi owo kiet akanamde.+ Koro ubiereikpe+ emi otode ke idiọkn̄kpọ kiet oro ada ubiomikpe edi,+ edi enọ emi etienede ediwak idiọkn̄kpọ osụn̄ọ ke edibat owo ke edinen.+ 17  Koro edieke otode idiọkn̄kpọ owo kiet+ n̄kpa akara nte edidem+ ebe ke owo kiet oro, mbon oro ẹbọde uwak mfọnido oro owo mîdotke+ ye enọ mfọn+ edinen ido ẹyedọdiọn̄ ẹkara nte ndidem+ ke uwem oto owo kiet oro, kpa Jesus Christ.+ 18  Ntre, ndien, nte okotode ke idiọkn̄kpọ kiet ẹbiom kpukpru orụk owo ikpe,+ kpasụk ntre n̄ko otode ke edinam edinen ido kiet+ ẹyebat kpukpru orụk owo+ ke edinen man ẹnyene uwem.+ 19  Koro kpa nte okotode ke ntụtutọn̄ owo kiet ẹnam ediwak owo+ ẹdi mme anamidiọk, kpasụk ntre n̄ko otode ke n̄kopitem+ owo kiet ẹyenam ediwak owo+ ẹdi ndinen owo.+ 20  Edi Ibet+ odụk edidiana man ubiatibet awak.+ Edi ke ebiet emi idiọkn̄kpọ+ awakde, mfọnido oro owo mîdotke+ ọdọdiọn̄ awak akan. 21  Ntak-a? Man, nte idiọkn̄kpọ eketienede n̄kpa akara nte edidem,+ kpasụk ntre n̄ko mfọnido oro owo mîdotke+ akpakara nte edidem oto ke edinen ido emi edisụn̄ọde ke nsinsi uwem+ ebe ke Jesus Christ Ọbọn̄ nnyịn.

Mme Ikọ Idakisọn̄