Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Rome 16;1-27

16  Mmotoro Phoebe eyenete nnyịn an̄wan nnọ mbufo, emi asan̄ade utom+ ke esop emi odude ke Cenchreae,+  man mbufo ẹdara+ enye ke Ọbọn̄ nte odotde ndisana owo ndidara, ẹnyụn̄ ẹn̄wam enye ke n̄kpọ ekededi oro enye oyomde un̄wam mbufo,+ koro enye n̄ko ama an̄wana ọnọ ediwak owo, ih, an̄wana ọnọ mi.  Ẹkọm Prisca ye Aquila,+ mme nsan̄autom+ mi ke Christ Jesus,  emi ẹkesịnde uwem mmọ ke itiendịk+ ke ntak ukpọn̄ mi, idịghe ami ikpọn̄ nnọ ekọm, edi n̄ko kpukpru mme esop ke otu mme idụt ẹtiene ẹnọ ekọm;+  ẹnyụn̄ ẹkọm esop oro odude ke ufọk mmọ.+ Ẹkọm Epaenetus, emi mmade, emi edide akpa mbun̄wụm+ ke Asia ọnọ Christ.  Ẹkọm Mary, emi akanamde ediwak utom ọnọ mbufo.  Ẹkọm Andronicus ye Junias, kpa mme iman+ mi ye nsan̄a mi ke n̄kpọkọbi,+ emi ẹdide mbon emi ẹwọrọde etop ke otu mme apostle, emi ẹnyụn̄ ẹdide mme anditiene+ Christ ẹbịghi ẹkan mi.  Ẹkọm+ Ampliatus emi mmade ke Ọbọn̄.  Ẹkọm Urbanus nsan̄autom nnyịn ke Christ, ye Stachys, emi mmade. 10  Ẹkọm+ Apelles, emi Christ enyịmede. Ẹkọm mbonufọk Aristobulus. 11  Ẹkọm Herodion emi edide iman mi.+ Ẹkọm mbonufọk Narcissus emi ẹbuanade n̄kpọ ye Ọbọn̄.+ 12  Ẹkọm Tryphaena ye Tryphosa, iban emi ẹnamde utom ọkpọsọn̄ ke Ọbọn̄. Ẹkọm edima Persis, koro enye ama anam ekese utom ke Ọbọn̄. 13  Ẹkọm Rufus emi ẹmekde ke Ọbọn̄, ye eka esie emi ndade nte eka mi. 14  Ẹkọm Asyncritus, Phlegon, Hermes, Patrobas, Hermas, ye nditọete oro ẹdude ye mmọ. 15  Ẹkọm Philologus ye Julia, Nereus ye eyeneka esie an̄wan, ye Olympas, ye kpukpru ndisana owo emi ẹdude ye mmọ.+ 16  Ẹda edisana ntịminua ẹkọm kiet eken.+ Kpukpru esop Christ ẹte n̄kọm mbufo. 17  Edi mmeteme mbufo, nditọete, nte ẹtịn̄ enyịn ẹse mmọ oro ẹtọde ubahade+ ẹnyụn̄ ẹnamde n̄kpọ ẹsịn owo atuak ukot ọduọ, emi edide isio ye ukpepn̄kpọ+ oro mbufo ẹkekpepde, ẹnyụn̄ ẹdian̄ade ẹkpọn̄ mmọ.+ 18  Koro utọ mbon oro ẹdi ifịn idịbi mmọ,+ edi idịghe eke Ọbọn̄ nnyịn Christ; ndien mmọ ẹda ikọ nneminua+ ye inem inem ndutịn̄+ ẹyụt mme ọkọi esịt ẹkabade. 19  Koro kpukpru owo ẹkop etop n̄kopitem mbufo.+ Ntre, ami mmokop idatesịt mban̄a mbufo. Edi nyom mbufo ẹdi ọniọn̄+ ke edinam se ifọnde, edi ẹdi ọkọi ke edinam se idiọkde.+ 20  Koro Abasi emi ọnọde emem+ ayanuak Satan+ ke idak ikpat mbufo ke mîbịghike. Mfọnido Ọbọn̄ nnyịn Jesus oro owo mîdotke akpakam odu ye mbufo.+ 21  Timothy nsan̄autom mi ete n̄kọm mbufo, Lucius ye Jason ye Sosipater, kpa mme iman mi, ẹnyụn̄ ẹnọ ekọm.+ 22  Ami, Tertius, emi n̄wetde leta emi, mmọkọm mbufo ke Ọbọn̄. 23  Gaius,+ andinyene ufọk emi ndude, emi ofụri esop ẹsinyụn̄ ẹsopde idem ke ufọk esie, ete n̄kọm mbufo. Erastus, akama-ukpọhọde obio,+ ete n̄kọm mbufo, Quartus eyeneka esie onyụn̄ ọnọ ekọm. 24*  —— 25  Ndien Abasi+ ekeme ndida eti mbụk oro ami ntan̄ade ye ukwọrọikọ oro n̄kwọrọde mban̄a Jesus Christ, nnam mbufo ẹsọn̄ọ ẹda, nte ekemde ye se ẹyararede ẹban̄a edisana ndịben̄kpọ+ emi ekedịbede ke anyan ini emi ekebede 26  edi emi ẹyararede+ ke emi ẹnyụn̄ ẹdade se mme prọfet ẹkewetde ke N̄wed Abasi ẹnam kpukpru mme idụt ẹfiọk, nte ekemde ye ewụhọ nsinsi Abasi ndinam ẹkop item ke mbuọtidem;+ 27  yak ubọn̄+ enyene Abasi, emi enye ikpọn̄-ikpọn̄ enyenede ọniọn̄,+ ebe ke Jesus Christ ke nsinsi.+ Amen.

Mme Ikọ Idakisọn̄

Ata n̄kani uwetn̄kpọ usem Greek isịneke ikọ emi “Mfọnido Ọbọn̄ nnyịn Jesus oro owo mîdotke akpakam odu ye mbufo. Amen,” emi edide ukem ye utịt ufan̄ikọ 20.