Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Rome 14;1-23

14  Ẹdara owo emi ememde+ ke mbuọtidem, edi ẹkûda mme mbụme esịt+ esie ẹbiere ikpe ẹnọ enye.  Owo kiet enyene mbuọtidem ndidia kpukpru n̄kpọ,+ edi owo emi ememde ke mbuọtidem adia ikọn̄.  Yak owo eke adiade okûse owo eke mîdiaha ke usụhọde,+ n̄ko yak owo eke mîdiaha okûkpe ikpe ọnọ owo eke adiade, koro Abasi amadara owo oro.  Afo edi anie eke ekpede ikpe ọnọ asan̄autom owo en̄wen?+ Enye oro ọsọn̄ọde ada, ọsọn̄ọ ada ọnọ eteufọk esie, onyụn̄ ọduọde, ọduọ ọnọ eteufọk esie.+ Ke akpanikọ, ẹyenam enye ọsọn̄ọ ada, koro Jehovah ekeme ndinam enye ọsọn̄ọ ada.+  Owo kiet ada ke usen kiet ọfọn akan eken;+ owo efen ada kpukpru usen ukem ukem;+ yak owo kiet kiet etịm ọfiọk se enye enịmde ke esịt esie.  Owo eke enịmde usen enịm enye ọnọ Jehovah. N̄ko, owo eke adiade n̄kpọ, adia ọnọ Jehovah,+ koro enye ọnọde Abasi ekọm;+ ndien owo eke etrede ndidia n̄kpọ etre ndidia nnọ Jehovah,+ kpa ye oro enye ọnọ Abasi ekọm.+  Ke akpanikọ, baba owo nnyịn kiet idụhe uwem inọ idemesie ikpọn̄,+ inyụn̄ idụhe owo ndomokiet eke akpade ọnọ idemesie ikpọn̄;  koro edieke nnyịn idude uwem, idu inọ Jehovah,+ onyụn̄ edieke ikpade, ikpa inọ Jehovah.+ Ntre ke idude uwem ye ke ikpade, nnyịn inyene Jehovah.+  Koro ke ntak emi ke Christ akakpa onyụn̄ afiak edidu uwem,+ man enye ekpedi Ọbọn̄ ọnọ mme akpan̄kpa+ ye mme odu-uwem.+ 10  Edi ntak emi ekpede ikpe ọnọ eyenete fo?+ Mîdịghe ntak emi afo n̄ko esede eyenete fo ke usụhọde? Koro kpukpru nnyịn iyada ke iso itie ikpe+ Abasi; 11  koro ẹwet ẹte: “Jehovah ọdọhọ ete, ‘Ma uwem mi,+ kpukpru edọn̄ ẹyetọn̄ọ ẹnọ mi, ndien kpukpru edeme ẹyetoro* Abasi an̄wan̄wa.’”+ 12  Ntre, ndien, owo nnyịn kiet kiet ayanam ibat aban̄a idemesie ọnọ Abasi.+ 13  Ke ntre ẹyak nnyịn ikûbiere ikpe+ aba inọ kiet eken, edi utu ke oro ẹnam emi edi ubiere+ mbufo, nte ke mmimọ idinịmke n̄kpọ iduọ+ ke iso eyenete+ m̀mê n̄kpọ ndinam owo atuak ukot ọduọ. 14  Mmọfiọk nnyụn̄ nnịm ke akpanikọ ke Ọbọn̄ Jesus nte ke baba n̄kpọ kiet ke idemesie ideheke;+ ibọhọke ke ini owo ekerede ke n̄kpọ edehe, ke n̄kpọ oro edehe ọnọ enye.+ 15  Koro edieke otode ke udia eyenete fo ofụhọ, afo usan̄ake aba ke ima.+ Kûda udia fo usobo owo oro Christ akakpade ọnọ.+ 16  Ke ntre, ẹkûyak ẹtịn̄ n̄kpọ ẹbiat eti n̄kpọ oro mbufo ẹnamde. 17  Koro obio ubọn̄ Abasi+ iwọrọke edidia n̄kpọ ye edin̄wọn̄ n̄kpọ,+ edi ọwọrọ edinen ido+ ye emem+ ye idatesịt+ emi asan̄ade ye edisana spirit. 18  Koro owo eke asan̄ade ke usụn̄ emi odụk ufụn ọnọ Christ, enem Abasi esịt, onyụn̄ enem owo esịt.+ 19  Ntre, ndien, ẹyak nnyịn ibịne mme n̄kpọ oro ẹnamde emem+ odu ye mme n̄kpọ oro ẹbọpde kiet eken.+ 20  Ẹtre ndibiat ubọkutom Abasi ke ntak udia.+ Ke akpanikọ, kpukpru n̄kpọ ẹdi edisana, edi ọdiọk ke ini owo adiade n̄kpọ ke idaha oro ekemede ndinam owo atuak ukot ọduọ.+ 21  Ọfọn nditre ndita unam m̀mê ndin̄wọn̄ wine m̀mê ndinam n̄kpọ ekededi emi esịnde eyenete fo atuak ukot ọduọ.+ 22  Mụm mbuọtidem oro afo enyenede kama ke esịt fo ke iso Abasi.+ Owo eke mînyeneke ubiomikpe ke se enye ebierede ndinam, okop inemesịt. 23  Edi edieke enye enyenede eyịghe, enye obobiom idemesie ikpe edieke enye adiade,+ koro enye idiaha ke mbuọtidem. Ke akpanikọ, n̄kpọ ekededi eke mîtoho ke mbuọtidem edi idiọkn̄kpọ.+

Mme Ikọ Idakisọn̄

M̀mê, “ẹyenyịme.”