Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Rome 13;1-14

13  Yak kpukpru ukpọn̄ ẹsụk ibuot+ ẹnọ mme odudu oro ẹkponde ẹkan,+ koro odudu+ idụhe ke Abasi mîyakke odu;+ mme odudu oro ẹdude ke emi edi Abasi ayak mmọ ẹdu ke ukeuke+ itie mmọ.+  Ke ntre owo eke ọbiọn̄ọde odudu emi an̄wana ye ndutịm Abasi; mmọ eke ẹn̄wanade ẹyeda ubiomikpe ẹsọk idemmọ.+  Koro mbon oro ẹkarade idịghe n̄kpọndịk inọ mme anam eti, edi ẹdi ẹnọ mme anamidiọk.+ Ndi oyom odudu emi okûnam fi ndịk? Ka iso nam eti n̄kpọ,+ ndien afo ọyọbọ itoro oto enye;  koro enye edide asan̄autom Abasi ọnọ fi ke ufọn fo.+ Edi edieke afo anamde se idiọkde,+ fehe ndịk: koro enye ikamake akan̄kan̄ ke ikpîkpu; koro enye edi asan̄autom Abasi, kpa osio-usiene+ ndiwụt iyatesịt ye owo oro anamde se idiọkde.  Ke ntre mbufo ẹmenyene eti ntak ndisụk ibuot, idịghe n̄kukụre ke ntak iyatesịt oro edi n̄ko ke ntak ubieresịt mbufo.+  Koro ntak edi oro mbufo n̄ko ẹkpede tax; koro mmọ ẹdide mme asan̄autom+ Abasi emi ẹsede ẹban̄a n̄kpọ emi kpukpru ini.  Ẹnọ kpukpru owo se idide udeme mmọ, ẹkpe tax ẹnọ owo eke odotde ndibọ tax;+ ẹda utomo ẹnọ owo eke odotde ndibọ utomo; ẹfehe owo eke odotde ẹfehe,+ ẹkpono owo eke odotde ukpono.+  Mbufo ẹkûkama owo ekededi isọn ndomokiet,+ ke mîbọhọke ndima kiet eken;+ koro owo eke amade ekemmọ owo etịm enịm ibet.+  Koro ibet ọdọhọ ete, “Kûsịn efịbe,+ Kûwot owo,+ Kûyịp inọ,+ Kûsịn esịt ke n̄kpọ owo,”+ ndien ewụhọ efen ekededi emi odude, esịne ke ikọ emi, ẹdọhọde ẹte, “Afo enyene ndima mbọhọidụn̄ fo nte idemfo.”+ 10  Ima+ inamke mbọhọidụn̄ esie idiọk;+ ke ntre ima edi edinịm ibet+ mma. 11  Ẹnam emi n̄ko, sia mbufo ẹfiọkde ini, ẹte ke ini ekekem nte mmimọ ikpedemerede+ ke idap, koro ke emi edinyan̄a nnyịn emekpere akan nte ekekperede ke ini emi nnyịn ikakabarede idi mme andinịm ke akpanikọ.+ 12  Okoneyo ọmọn̄ ebe efep; uwemeyo+ asan̄a ekpere. Ke ntre ẹyak nnyịn ision̄o utom ekịm iduọn̄ọ,+ ẹnyụn̄ ẹyak nnyịn imen n̄kpọekọn̄+ un̄wana isịne. 13  Ẹyak nnyịn isan̄a nte eyede,+ nte owo asan̄ade ke uwemeyo, ikûsan̄a ke uyom uyom usọrọ ye mbun̄wọn̄i,+ ikûsan̄a ke oburobụt ido idan̄ ye obukpo ido,+ ikûsan̄a ke utọk+ ye ufụp. 14  Edi ẹmen Ọbọn̄ Jesus Christ ẹsịne,+ ẹkûnyụn̄ ẹbem iso ẹtie ẹkere ndinam mme udọn̄ obụkidem.+

Mme Ikọ Idakisọn̄