Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Rome 1;1-32

1  Ami Paul, ofụn+ Jesus Christ emi ẹkekotde+ ẹte ndidi apostle,+ ẹkenyụn̄ ẹdian̄arede ẹnịm ẹnọ eti mbụk Abasi,+  emi enye ekebemde iso ada mme prọfet+ esie ọn̄wọn̄ọ ke edisana N̄wed Abasi,  aban̄a Eyen esie, emi okotode mfri David+ ke obụkidem,+  edi emi ẹkedade odudu+ ẹtan̄a ẹte enye edi Eyen Abasi+ nte ekemde ye spirit+ emi edide edisana ebe ke ediset ke n̄kpa+—kpa Jesus Christ Ọbọn̄ nnyịn,  emi ebede ke enye nnyịn ibọ mfọnido oro owo mîdotke+ ye itie apostle+ man mme owo ke kpukpru mme idụt+ ẹkpekop item ẹnyụn̄ ẹbuọt idem ke ntak enyịn̄ esie;  emi ẹkekotde mbufo ẹto mme idụt ẹte ẹdidi ikọt Jesus Christ—  n̄wet n̄wed emi nnọ ẹsọk kpukpru mbon oro ẹdude ke Rome nte mbon emi Abasi amade, emi ẹkekotde+ ẹte ẹdidi ndisana owo:+ Mfọnido oro owo mîdotke ye emem+ emi ẹtode Abasi Ete nnyịn ye Ọbọn̄ Jesus Christ ẹkpekam ẹdu ye mbufo.+  Ke akpa itie, mmọnọ Abasi mi ekọm+ ebe ke Jesus Christ mban̄a kpukpru mbufo, koro ẹtịn̄ ẹban̄a+ mbuọtidem mbufo ke ofụri ererimbot.  Koro Abasi, emi nnamde edisana utom nnọ ke spirit ke ebuana ye eti mbụk oro aban̄ade Eyen esie, edi ntiense+ mi nte ke ndopke ndisiak mbufo enyịn̄ kpukpru ini ke akam mi,+ 10  mben̄ede nte edieke usụn̄ odude ke emi, ami ke akpatre n̄kpokụt unen ndidi ndise mbufo edieke edide uduak+ Abasi. 11  Koro ọdọn̄de mi ndikụt mbufo,+ man n̄kpọnọ mbufo ndusụk enọ eke spirit+ man ẹnam mbufo ẹsọn̄ọ ẹda; 12  mîdịghe, man nnyịn ikpada mbuọtidem+ nnyịn, eke mbufo ye okịm, isịn udọn̄+ inọ kiet eken. 13  Nditọete mi,+ nyomke mbufo ẹtre ndifiọk ẹte ke ediwak ini mma nduak ndidi ke ọtọ mbufo,+ man n̄kpenyene ndusụk mbun̄wụm+ n̄ko ke otu mbufo kpa nte nnyenede ke otu mme idụt eken, edi ẹma ẹbiọn̄ọ mi tutu esịm emi. 14  Mmakama mme Greek ye isenowo isọn, ye mbon ọniọn̄+ ye mme ọkọi nde: 15  ntre enen̄ede ọdọn̄ mi nditan̄a eti mbụk+ n̄ko nnọ mbufo ke Rome.+ 16  Koro bụt+ inamke mi iban̄a eti mbụk; enye edi odudu Abasi+ emi ọwọrọde edinyan̄a ọnọ owo ekededi eke enyenede mbuọtidem,+ ebem iso+ edi ọnọ mme Jew, onyụn̄ edi n̄ko ọnọ mme Greek;+ 17  koro ke enye ke ẹyarade edinen ido Abasi+ oto ke mbuọtidem+ ndien emi anam mbuọtidem ọdọdiọn̄ ọkọri, kpa nte ẹwetde ẹte: “Edi edinen owo edida mbuọtidem odu uwem.”+ 18  Koro iyatesịt+ Abasi oto heaven ayarade ke idem kpukpru mme anana uten̄e Abasi ye ke idem mbon ukwan̄ido+ emi ẹbiọn̄ọde-biọn̄ọ akpanikọ+ ke ukwan̄ usụn̄,+ 19  koro se ẹkemede ndifiọk mban̄a Abasi ayarade ke otu mmọ,+ koro Abasi akanam enye ayarade ọnọ mmọ.+ 20  Koro tọn̄ọ nte ẹkebot ererimbot,+ ẹtịm ẹkụt mme edu esie oro enyịn mîkwe,+ oro edi, nsinsi odudu+ esie ye idaha esie nte Abasi,+ koro ẹkụt mmọ ebe ke mme n̄kpọ oro enye anamde,+ mbak mmọ ẹdinyene n̄kpọ nditịn̄ nnyan̄a idem;+ 21  koro, okposụkedi mmọ ẹfiọkde Abasi, mmọ inọhọ enye ubọn̄ nte Abasi inyụn̄ inọhọ enye ekọm,+ edi mmọ ẹkabade ẹkere ikpîkpu n̄kpọ,+ ndisịme esịt mmọ onyụn̄ akabade ekịm.+ 22  Okposụkedi mmọ ẹsọn̄ọde ẹtịn̄ ẹte imenyene ọniọn̄, mmọ ẹkabade ndisịme+ 23  ẹnyụn̄ ẹwọn̄ọde ubọn̄+ oro enyenede Abasi emi mîkemeke ndikpa ẹsịn ke n̄kpọ eke ebietde+ owo emi ekemede ndikpa ye n̄kpọ eke ebietde inuen ye unam ukot inan̄ ye n̄kpọ eke ẹnyọnide-nyọni.+ 24  Mmọdo, nte ekemde ye ndiọi udọn̄ esịt mmọ, Abasi ama ayak mmọ ọnọ mbubiam ido,+ man ẹkpesuene ikpọkidem+ mmọ ke otu mmọ,+ 25  oro edi, mbon oro ẹkpụhọde akpanikọ+ Abasi ẹbọ nsu,+ emi ẹkponode ẹnyụn̄ ẹnamde edisana utom ẹnọ mme n̄kpọ oro ẹbotde utu ke Enye emi okobotde mme n̄kpọ emi, emi itoro enyenede enye ke nsinsi. Amen. 26  Ntak edi oro Abasi ayakde mmọ ọnọ esuene esuene udọn̄ idan̄,+ koro iban mmọ ẹtrede ndinam idan̄ nte ekemde ye obot ẹkabade ẹnam nte mîkemke ye obot;+ 27  kpasụk ntre n̄ko ke irenowo ẹkpọn̄ ndinam idan̄ ye iban nte ekemde ye obot+ ẹnyụn̄ ẹkabade ẹfiop ke idiọk udọn̄ idan̄ ye kiet eken, irenowo ye irenowo,+ ẹnam mbubiam n̄kpọ+ ẹnyụn̄ ẹbọ ọyọhọ utịp,+ eke ekemde ye ndudue mmọ.+ 28  Ndien sia mmọ mînyịmeke ndinyene nnennen ifiọk Abasi,+ Abasi ayak mmọ ọnọ idiọk ekikere,+ ndinam mme n̄kpọ eke mîdotke,+ 29  sia mmọ ẹyọhọde ye kpukpru ukwan̄ido,+ idiọkido,+ edisịn esịt ke n̄kpọ owo,+ idiọkn̄kpọ,+ ẹyọhọ ye isịnenyịn,+ uwotowo,+ utọk,+ abian̄a,+ ubi,+ ẹdi mbon nsụkuyo,+ 30  mbon iban̄a,+ mme asua Abasi, mbon emiom,+ mbon iseri,+ mbon n̄kohodeidem,+ mme etịbi idiọkn̄kpọ ndi,+ ẹtụt utọn̄ ye ete ye eka,+ 31  ẹnana ifiọk,+ ẹbiat ediomi,+ ẹnana ndammana ima,+ ẹnana esịt mbọm.+ 32  Okposụkedi mmọ emi ẹtịmde ẹfiọk edinen ewụhọ Abasi,+ nte ke mbon oro ẹnamde mme utọ n̄kpọ oro ẹdot n̄kpa,+ mmọ ẹka iso ẹnam ẹnyụn̄ ẹnyịme+ mbon oro ẹnamde mmọ.

Mme Ikọ Idakisọn̄