Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Philippi 1;1-30

1  Ami Paul ye Timothy, ifịn+ Christ Jesus, inọ n̄wed emi ẹsọk kpukpru ndisana owo emi ẹdide mme anditiene Christ Jesus emi ẹdude ke Philippi,+ ọkọrọ ye mme esenyịn ye mme asan̄autom unamutom:+  Mfọnido oro owo mîdotke ye emem emi ẹtode Abasi Ete nnyịn ye Ọbọn̄ Jesus Christ ẹkpekam ẹdu ye mbufo.+  Mmesikọm Abasi mi kpukpru ini eke ntide mbufo+  ke kpukpru n̄kpeubọk mi kaban̄a kpukpru mbufo,+ nte nnamde n̄kpeubọk mi ye idatesịt,  ke se mbufo ẹketịpde+ ẹsịn ke ndisuan eti mbụk toto ke akpa usen tutu esịm emi.  Koro mmenịm n̄kpọ emi ke akpanikọ, nte ke enye emi ọkọtọn̄ọde eti utom ke otu mbufo ayanam enye ama+ tutu esịm usen+ Jesus Christ.  Enen mi ndinyene utọ ekikere emi mban̄a mbufo koro mbufo ẹdude mi ke esịt,+ kpukpru mbufo ẹnyụn̄ ẹdide mme anditiene mi mbuana+ ke mfọnido oro owo mîdotke, ke n̄kpọkọbi+ mi ye ke edin̄wana+ nnyụn̄ nda ibet+ nnam eti mbụk ọsọn̄ọ ada.  Koro Abasi edi ntiense mi ke nte ọdọn̄de mi ndikụt kpukpru mbufo ye utọ esịt ima+ eke Christ Jesus enyenede.  Ndien emi ke n̄ka iso ndibọn̄ akam mban̄a, nte ima mbufo akpakam ọdọdiọn̄ awak+ ke nnennen ifiọk+ ye ọyọhọ ikike;+ 10  man mbufo ẹkpedụn̄ọde ẹfiọk se idide akpan n̄kpọ ikan,+ man mbufo ẹkpenana ndo+ ẹkûnyụn̄ ẹnam mbon efen ẹtuak ukot ẹduọn̄ọ+ tutu esịm usen Christ, 11  man ẹkpenyụn̄ ẹyọhọ ye mfri edinen ido,+ emi ebede ke Jesus Christ, ẹnọ Abasi ubọn̄ ye itoro.+ 12  Edi nyom mbufo ẹfiọk, nditọete, ẹte ke se ikọwọrọde mi ama akabade anam eti mbụk+ asuana utu ke ndibọbiọn̄ọ enye, 13  tutu anam kpukpru owo ẹdiọn̄ọ+ ẹban̄a n̄kpọkọbi+ mi ke Christ ke otu kpukpru Mbon Ukpeme Edidem ye kpukpru mbon eken;+ 14  ndien ata ediwak nditọete ke Ọbọn̄, ẹnyene uko ke ntak n̄kpọkọbi mi, ẹnyụn̄ ẹdọdiọn̄ ẹtịn̄ ikọ Abasi uko uko, ifeheke ndịk.+ 15  Ke akpanikọ, ndusụk owo ẹkwọrọ Christ ke ntak isịnenyịn ye ndomoidem,+ edi mmọ eken n̄ko ẹkwọrọ ke eti esịt.+ 16  Mmọ emi nsiakde ke ukperedem mi ẹkwọrọ Christ ke ntak ima, koro mmọ ẹfiọkde ẹte ke ẹnịm mi ẹte ndu mi n̄n̄wana nnọ eti mbụk;+ 17  edi mbon oro n̄kebemde iso nsiak do ẹnam ye utọk,+ idịghe ye eti uduakesịt, koro mmọ ẹkere ndida ukụt+ ntiene mi ke n̄kpọkọbi mi. 18  Nso ndien? Ke kpukpru usụn̄, edide ke abian̄a+ m̀mê ke esịt akpanikọ, ke ẹkwọrọ Christ,+ ndien ami mmadara mban̄a emi. Ke akpanikọ, ami nyaka iso ndara, 19  koro mmọfiọk nte ke emi ediwọrọ edinyan̄a ọnọ mi oto ke n̄kpeubọk+ mbufo ye ke edinọ mi spirit Jesus Christ,+ 20  nte ekemde ye ọkpọsọn̄ udọn̄+ ye idotenyịn+ oro nnyenede nte ke ndikopke bụt+ ke usụn̄ ekededi, edi nte ke nyada ifụre utịn̄ikọ+ nnọ Christ ubọn̄ ke emi, nte nsikam nnamde kpukpru ini, ebe ke obụkidem+ mi, edide ke uwem onyụn̄ edide ke n̄kpa.+ 21  Koro amaedi ami, ndidu uwem ọwọrọ Christ,+ ndien ndikpa+ ọwọrọ udori. 22  Edi edieke anade n̄ka iso ndu uwem ke obụkidem, emi edi mfri utom mi+—edi ntịn̄ke enye emi mmekde. 23  N̄kpọ iba emi ẹfịghe mi ke ekikere;+ edi se nyomde edi edisana mi nyak ye edidu ye Christ,+ koro emi, ke akpanikọ, enen̄ede ọfọn akan.+ 24  Nte ededi, ami ndika iso ndu ke obụkidem ọfọn mbufo akan.+ 25  Ntre, sia nnịmde emi ke akpanikọ, mmọfiọk nte ke nyaka iso ndu uwem+ nnyụn̄ ndu ye kpukpru mbufo man mbufo ẹkọri+ ẹnyụn̄ ẹnyene idatesịt oro asan̄ade ye mbuọtidem mbufo, 26  man idatesịt mbufo ọkpọyọhọ ọduọhọ ke Christ Jesus ke ntak mi ebe ke ami ndifiak ndu ye mbufo. 27  Ẹkam ẹdu uwem ke usụn̄ nte odotde+ ye eti mbụk emi aban̄ade Christ, man, ke ndide ndise mbufo ye ke mmendịghe, n̄kpokop mban̄a mbufo, nte ke mbufo ke ẹsọn̄ọ ẹda ke spirit kiet, ye ukpọn̄ kiet+ ẹn̄wana ọtọkiet ẹban̄a mbuọtidem oro odude ke eti mbụk, 28  inyụn̄ iyakke mme andibiọn̄ọ+ mbufo ẹsịn mbufo ndịk ke idem. N̄kpọ emi edi idiọn̄ọ nsobo ọnọ mmọ, edi edi idiọn̄ọ edinyan̄a ọnọ mbufo;+ ndien idiọn̄ọ emi oto Abasi, 29  koro ẹma ẹnọ mbufo akwa ifet ndibuọt idem+ ke Christ ndinyụn̄ n̄kụt ukụt+ ke ibuot esie. 30  Koro mbufo ẹmen̄wana ukem en̄wan oro mbufo ẹkekụtde nte n̄n̄wanade,+ emi ẹnyụn̄ ẹkopde nte n̄n̄wanade ke emi.+

Mme Ikọ Idakisọn̄