Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Philemon 1;1-25

 Ami Paul, owo-n̄kpọkọbi+ ke ntak Christ Jesus, ye Timothy,+ eyenete nnyịn, iwet n̄wed emi inọ ẹsọk Philemon, edima ufan ye nsan̄autom nnyịn,+  ye Apphia, eyenete nnyịn an̄wan, ye Archippus,+ nsan̄a mi ke ekọn̄,+ ye esop oro odude ke ufọk fo:+  Mbufo ẹkpekam ẹnyene mfọnido oro owo mîdotke ye emem emi ẹtode Abasi Ete nnyịn ye Ọbọn̄ Jesus Christ.+  Mmọkọm Abasi mi kpukpru ini ke ini nsiakde fi enyịn̄ ke akam mi,+  nte n̄kade iso ndikop mban̄a mbuọtidem oro afo enyenede ke Ọbọn̄ Jesus ye ima emi afo amade enye ye kpukpru ndisana owo;+  man otodo mbuọtidem+ oro afo abuanade ye mbon en̄wen akpanam utom ke afo ndifiọk kpukpru nti n̄kpọ ke otu nnyịn ke ebuana ye Christ.  Ima fo anam mi nnyene akwa idatesịt nnyụn̄ n̄kop ndọn̄esịt,+ koro afo amanam esịt ndisana owo afiak okop odudu,+ eyenete mi.  Ke ntak emi, okposụkedi nnyenede akwa ifụre utịn̄ikọ ke Christ ndiwụk+ fi nte anam se idotde,  n̄kam n̄kpekpe ye afo ke ntak ima,+ ke ntak orụk owo oro ami Paul ndide, kpa akani eren, ih, emi n̄ko ndide owo-n̄kpọkọbi+ idahaemi ke ntak Christ Jesus; 10  mmekpe fi ubọk mban̄a Onesimus+ eyen+ mi, emi ami n̄kakabarede ndi ete+ esie ke adan̄aemi ndude ke ufọk-n̄kpọkọbi, 11  emi ke akpa mîkenyeneke ufọn inọ fi edi ke emi enyenede ufọn ọnọ fi ye ami.+ 12  Kpa enye ke nnọ afiak ọnyọn̄ ebịne fi, ih, enye, oro edi, esịt ima mi.+ 13  N̄kpama ndimụm enye nnịm nnọ idemmi man ke ibuot fo+ enye akpaka iso asan̄a utom ọnọ mi ke ufọk-n̄kpọkọbi+ emi ndude ke ntak eti mbụk. 14  Edi ami nyomke ndinam n̄kpọ baba kiet ke afo mûnọhọ unyịme, mbak eti utom fo editie nte n̄kpọ eke ẹnyịkde-nyịk fi, edi oto ke edinyịme esịt fo.+ 15  Eyedi emi akanam enye adian̄ade ọkpọn̄ fi ke esisịt ini, man afo akpafiak enyene enye ke nsinsi, 16  idịghe aba nte ofụn+ edi nte se ikande ofụn,+ nte edima eyenete,+ enye enen̄ede edi ntre ọnọ mi, edi, akam edi akan oro ọnọ fi koro afo abuanade n̄kpọ ye enye ke obụk ye ke Ọbọn̄. 17  Ke ntre, edieke afo abatde mi ke nsan̄a fo,+ dara+ enye edifọn edifọn ukem nte akpadarade mi. 18  Akan oro, edieke enye ekeduede fi ke usụn̄ ekededi m̀mê akamade fi isọn ekededi, bat oro nọ mi. 19  Ami Paul nda ubọk mi n̄wet nte:+ nyosio isọn oro—iyomke ntetịn̄ oro nnọ fi, akan oro, afo amakama mi isọn, kpa idemfo. 20  Ih, eyenete, nam mi mbọ ufọn nto fi ke ntak Ọbọn̄: nam esịt mi afiak okop odudu+ ke Christ. 21  N̄wet fi, koro mmenyene mbuọtidem nte ayanam, sia mfiọkde ke afo ayakam anam akan se ndọhọde.+ 22  Edi ke adianade do, yom ebiet eke ndidan̄de+ ben̄e nịm nọ mi n̄ko, koro mmodori enyịn nte ke akam+ mbufo ayanam ẹsana mi ẹyak+ ẹnọ mbufo. 23  Epaphras+ kpa nsan̄a mi ke n̄kpọkọbi ke Christ Jesus ete n̄kọm fi, 24  Mark, Aristarchus,+ Demas,+ Luke, mme nsan̄autom mi, ẹnyụn̄ ẹnọ ekọm. 25  Mfọnido Ọbọn̄ Jesus Christ oro owo mîdotke akpakam odu ye edu emi mbufo ẹwụtde.+

Mme Ikọ Idakisọn̄