Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Numbers 8;1-26

8  Ekem Jehovah ọdọhọ Moses ete:  “Dọhọ Aaron ete, ‘Ini ekededi emi afo odomode utuenikan̄, utuenikan̄ itiaba emi ẹnyene ndiyama ke iso ebiet emi uwụk utuenikan̄ odude.’”+  Ndien Aaron anam ntre. Enye odomo mme utuenikan̄ man ẹyama ke iso ebiet emi uwụk utuenikan̄+ odude, kpa nte Jehovah eketemede Moses.  Emi edi nte ẹkenamde uwụk utuenikan̄ emi. Ẹkeda gold ẹdom enye. Ẹkedodom ekpatidem esie ye mme flawa esie.+ Kpa nte Jehovah okowụtde Moses ke n̄kukụt,+ ntre ke enye akanam uwụk utuenikan̄ emi.  Ndien Jehovah ọdọhọ Moses ete:  “Sio nditọ Levi ke otu nditọ Israel, nyụn̄ nam mmọ ẹsana.+  Ndien emi edi se afo edinamde ye mmọ man anam mmọ ẹsana: Sịme mmọ mmọn̄ emi eyetde idiọkn̄kpọ efep,+ mmọ ẹnyụn̄ ẹnyene ndida akadan̄ n̄kwat ofụri idet ke idem+ nnyụn̄ nyet ọfọn̄+ mmọ nnyụn̄ nnam idemmọ asana.+  Ekem mmọ ẹnyene ndida abak ayara enan̄+ ye uwa n̄kpasịp+ esie emi edide eti ndomuyo oro ẹbuakde aran, afo oyonyụn̄ ada abak ayara enan̄ en̄wen ndida n̄wa uwa idiọkn̄kpọ.+  Ndien afo enyene ndida nditọ Levi ndi ke iso tent usopidem nnyụn̄ nsop ofụri esop nditọ Israel ọtọkiet.+ 10  Ndien afo enyene ndida nditọ Levi ndi ke iso Jehovah, nditọ Israel ẹnyụn̄ ẹnyene ndida ubọk ndori+ nditọ Levi+ ke ibuot. 11  Ndien Aaron enyene ndinam nditọ Levi ẹnyen̄e idemmọ ẹka iso ẹfiak edem ke iso Jehovah nte edifụn̄+ uwa emi otode nditọ Israel, ndien mmọ ẹyenam utom Jehovah.+ 12  “Ekem nditọ Levi ẹyedori ubọk mmọ ke ibuot nyara enan̄+ oro. Ke oro ebede, wa kiet nte uwa idiọkn̄kpọ nyụn̄ wa enye eken nte edifọp uwa nọ Jehovah ndisio isop+ nnọ nditọ Levi. 13  Ndien afo enyene ndinam nditọ Levi ẹda ke iso Aaron ye nditọiren esie onyụn̄ enyene ndinam mmọ ẹnyen̄e idemmọ ẹka iso ẹfiak edem nte edifụn̄ uwa ọnọ Jehovah. 14  Ndien afo enyene ndidian̄ade nditọ Levi nsio ke otu nditọ Israel, nditọ Levi ẹdinyụn̄ ẹdi okịm.+ 15  Ndien ke oro ebede, nditọ Levi ẹyedụk ẹdinam utom ke tent usopidem.+ Ntre afo enyene ndinam mmọ ẹsana onyụn̄ anam mmọ ẹnyen̄e idemmọ ẹka iso ẹfiak edem nte edifụn̄ uwa.+ 16  Koro mmọ ẹdi mbon oro ẹyakde ẹnọ, oro ẹsiode ke otu nditọ Israel+ ẹnọ mi. Mmada mmọ ke ibuot kpukpru mbon oro ẹsịrerede itie eyen, oro edi, kpukpru akpan ke otu nditọ Israel.+ 17  Koro kpukpru akpan ke otu nditọ Israel ẹdi okịm, ke owo ye ke unam.+ Mma ndian̄ade mmọ nnọ idemmi+ ke usen emi n̄kowotde kpukpru akpan ke isọn̄ Egypt.+ 18  Ndien nyada nditọ Levi ke ibuot kpukpru akpan ke otu nditọ Israel.+ 19  Ndien nyosio nditọ Levi ke otu nditọ Israel+ nnọ Aaron ye nditọiren esie nte mbon oro ẹyakde ẹnọ, ndinam utom nditọ Israel ke tent usopidem+ nnyụn̄ nsio isop nnọ nditọ Israel, mbak ufen edisịm nditọ Israel+ ke ntak emi nditọ Israel ẹsan̄ade ẹkpere edisana ebiet.” 20  Ndien Moses ye Aaron ye ofụri esop nditọ Israel ẹnam ntre ye nditọ Levi. Nte Jehovah eketemede Moses ete ẹnam ye nditọ Levi, kpa ntre ke nditọ Israel ẹnam ye mmọ. 21  Ntre nditọ Levi ẹnam idemmọ asana+ ẹnyụn̄ ẹyet ọfọn̄ mmọ, ndien ke oro ebede Aaron anam mmọ ẹnyen̄e idemmọ ẹka iso ẹfiak edem nte edifụn̄ uwa ke iso Jehovah.+ Ekem Aaron osio isop ọnọ mmọ onyụn̄ anam mmọ ẹsana.+ 22  Ke oro ebede, nditọ Levi ẹdụk ẹdi ndinam utom mmọ ke tent usopidem ke iso Aaron ye nditọiren esie.+ Kpa nte Jehovah eketemede Moses ete ẹnam ye nditọ Levi, ntre ke mmọ ẹnam ye mmọ. 23  Ekem Jehovah ọdọhọ Moses ete: 24  “Emi edi ibet oro aban̄ade nditọ Levi: Owo emi edide isua edịp ye ition onyụn̄ ebede oro edidụk udịm mbon utom tent usopidem. 25  Edi owo ama ebe isua aba ye duop, enye ọyọkpọn̄ utom idinyụn̄ inamke utom aba. 26  Ndien enye enyene ndisan̄a utom nnọ nditọete esie ke tent usopidem ke ndise mban̄a se mmọ ẹnyenede ndinam, edi enye idinamke utom. Ntem ke afo edinam ye nditọ Levi ke utom mmọ.”+

Mme Ikọ Idakisọn̄