Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Numbers 36;1-13

36  Ndien mme etubom mme ete ubon nditọ Gilead, eyen Machir+ eyen Manasseh emi ẹtode mme ubon nditọ Joseph ẹdi ẹdidọhọ Moses ye mbọn̄, kpa mme etubom mme ete nditọ Israel,  ẹte: “Jehovah eketeme ọbọn̄ mi ete esịn afia+ edeme isọn̄ ọnọ nditọ Israel; Jehovah okonyụn̄ eteme ọbọn̄ mi ete ada udeme Zelophehad eyenete nnyịn ọnọ nditọiban esie.+  Edieke nditọiren ke mme esien nditọ Israel eken ẹdọde mmọ, udeme iban emi n̄ko ayadian̄ade ke udeme mme ete nnyịn akadiana ke udeme esien oro, ntre ẹsiode mmọ ẹfep ke udeme emi ẹkesịnde afia ẹdeme ẹnọ nnyịn.+  Ndien ke ini Jubilee+ nditọ Israel edidide, ẹyeda udeme iban emi ẹdian ke udeme esien emi ẹdọde mmọ; ntre ẹyedian̄ade udeme mmọ ẹfep ke udeme esien mme ete nnyịn.”  Ekem Moses ọdọhọ nditọ Israel kpa nte Jehovah eketemede ete: “Se esien nditọ Joseph ẹtịn̄de enen.  Ntem ke Jehovah ọdọhọ aban̄a nditọiban Zelophehad,+ ‘Mmọ ẹkeme ndidọ owo eke mmọ ẹmade. Edi ke ubon esien mme ete mmọ kpọt ke mmọ ẹnyene ndidọ ndọ.+  Ndien udeme nditọ Israel inyeneke ndito esien kiet mbe ndụk esien efen, koro nditọ Israel ẹnyene ndisọn̄ọ mmụm udeme esien mme ete ete mmọ n̄kama.  Ndien kpukpru nditọiban eke ẹnyenede udeme ke otu esien nditọ Israel ẹnyene ndidọ owo ke ubon esien ete mmọ,+ man kpukpru nditọ Israel ẹkpenyene udeme ke otu udeme mme ete ete mmọ.  Ndien udeme inyeneke ndito esien kiet mbe ndụk esien efen, koro mme esien nditọ Israel ẹnyene ndisọn̄ọ mmụm udeme mmọ kiet kiet n̄kama.’” 10  Kpa nte Jehovah okowụkde Moses, ntre ke nditọiban Zelophehad ẹkenam.+ 11  Ntre Mahlah ye Tirzah ye Hoglah ye Milcah ye Noah, nditọiban Zelophehad,+ ẹdọ nditọ nditọete ete mmọ. 12  Mmọ ẹdọ mbon ubon nditọ Manasseh, eyen Joseph, man udeme mmọ osụk odu ke esien ubon ete mmọ. 13  Mmọ emi ẹdi mme ewụhọ+ ye mme ubiereikpe oro Jehovah akadade Moses ọnọ nditọ Israel ke unaisọn̄ desat Moab ke mben Jordan ke Jericho.+

Mme Ikọ Idakisọn̄