Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Numbers 34;1-29

34  Ndien Jehovah ọdọhọ Moses ete:  “Teme nditọ Israel, nyụn̄ dọhọ mmọ ete, ‘Mbufo ẹmọn̄ ẹdụk isọn̄ Canaan.+ Emi edi isọn̄ emi edidide udeme+ mbufo, kpa isọn̄ Canaan ke ofụri adan̄a+ esie.  “‘Ndien n̄kan̄ emi mbufo ẹdinyenede ke edem usụk editọn̄ọ ke wilderness Zin adian̄ade ke Edom,+ ndien adan̄a mbufo ke edem usụk editọn̄ọ ke utịt Inyan̄ Inụn̄+ ke edem usiahautịn.  Ndien adan̄a mbufo ọyọwọn̄ọde ke usụk usụk usụn̄ emi ẹsan̄ade ẹdọk ẹka Akrabbim+ ebe ekesịm Zin, onyụn̄ eketre ke edem usụk Kadesh-barnea;+ ndien ebe aka Hazar-addar+ onyụn̄ ebe ekesịm Azmon.  Ndien adan̄a emi ọyọwọn̄ọde ke Azmon aka itịghede mmọn̄ Egypt,+ onyụn̄ eketre ke Inyan̄.+  “‘Amaedi adan̄a+ edem usoputịn, Akwa Inyan̄ edidi adan̄a mbufo. Emi edidi adan̄a mbufo ke edem usoputịn.  “‘Ndien emi edidi adan̄a mbufo ke edem edere: Mbufo ẹtọn̄ọ ke Akwa Inyan̄ ẹnịm adan̄a ẹsịm Obot Hor+ nte adan̄a mbufo.  Ẹnyụn̄ ẹtọn̄ọ ke Obot Hor ẹnịm adan̄a ẹkesịm ebiet emi ẹtode ẹdụk Hamath,+ ndien adan̄a emi editre ke Zedad.+  Ndien adan̄a emi eyebe esịm Ziphron onyụn̄ eketre ke Hazar-enan.+ Emi edidi adan̄a mbufo ke edem edere. 10  “‘Ndien mbufo ẹnịm adan̄a mbufo ke edem usiahautịn ọtọn̄ọde ke Hazar-enan tutu esịm Shepham. 11  Ndien adan̄a emi enyene ndito ke Shepham nsụhọde nsịm Riblah ke edem usiahautịn Ain, onyụn̄ ekesịm usụhọde n̄kan̄ edem usiahautịn inyan̄ Chinnereth.+ 12  Ndien adan̄a emi enyene ndisụhọde nsịm Jordan, nnyụn̄ n̄ketre ke Inyan̄ Inụn̄.+ Emi edidi isọn̄+ mbufo ye adan̄a esie emi odude akanade.’” 13  Ntre Moses eteme nditọ Israel ete: “Emi edi isọn̄ emi mbufo ẹdisịnde afia+ ẹda ke udeme mbufo, kpa nte Jehovah eketemede ete ẹnọ esien usụkkiet ye ubak.+ 14  Koro esien nditọ Reuben ke ufọk mme ete mmọ ye esien nditọ Gad ke ufọk mme ete mmọ ẹma ẹbọbọ udeme mmọ, ubak esien Manasseh n̄ko ẹma ẹnyụn̄ ẹbọbọ udeme mmọ.+ 15  Esien iba ye ubak oro ẹma ẹbọbọ udeme mmọ ke edem Jordan oko emi ekperede Jericho ke n̄kan̄ edem usiahautịn.”+ 16  Ndien Jehovah ọdọhọ Moses ete: 17  “Emi edi enyịn̄ mbon oro ẹdidemede isọn̄ emi ẹnọ mbufo ẹda ẹnyene, Eleazar+ oku ye Joshua eyen Nun.+ 18  Ndien mbufo ẹnyene ndisio ọbọn̄ kiet ke esien kiet kiet man ẹdeme isọn̄ emi ẹnọ mbufo ẹda ẹnyene.+ 19  Ndien enyịn̄ mmọ edi emi: Ke esien Judah,+ Caleb eyen Jephunneh;+ 20  ndien ke esien nditọ Simeon,+ Shemuel eyen Ammihud; 21  ke esien Benjamin,+ Elidad eyen Chislon; 22  ndien ke esien nditọ Dan,+ ọbọn̄ emi ekerede Bukki, eyen Jogli; 23  eke nditọ Joseph,+ ke esien nditọ Manasseh,+ ọbọn̄ emi ekerede Hanniel, eyen Ephod; 24  ndien ke esien nditọ Ephraim,+ ọbọn̄ emi ekerede Kemuel, eyen Shiphtan; 25  ke esien nditọ Zebulun,+ ọbọn̄ emi ekerede Elizaphan, eyen Parnach; 26  ke esien nditọ Issachar,+ ọbọn̄ emi ekerede Paltiel, eyen Azzan; 27  ke esien nditọ Asher,+ ọbọn̄ emi ekerede Ahihud, eyen Shelomi; 28  ke esien nditọ Naphtali,+ ọbọn̄ emi ekerede Pedahel, eyen Ammihud.” 29  Emi edi mbon oro Jehovah eketemede ete ẹdeme isọn̄ ẹnọ nditọ Israel ke isọn̄ Canaan.+

Mme Ikọ Idakisọn̄