Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Numbers 32;1-42

32  Ekem nditọ Reuben+ ye nditọ Gad+ ẹnyene ata ediwak ufene. Ndien ke ini mmọ ẹsede isọn̄ Jazer+ ye isọn̄ Gilead, sese! ebiet oro ekedi ebiet emi ọfọnde ye ufene.  Ntem nditọ Gad ye nditọ Reuben ẹdi ẹdidọhọ Moses ye Eleazar oku ye mbọn̄ esop ẹte:  “Ataroth+ ye Dibon+ ye Jazer ye Nimrah+ ye Heshbon+ ye Elealeh+ ye Sebam ye Nebo+ ye Beon,+  isọn̄ oro Jehovah akakande+ ke iso esop Israel, edi isọn̄ emi ọfọnde ye ufene, nnyịn mme asan̄autom fo imonyụn̄ inyene ufene.”+  Ndien mmọ ẹdọhọ ẹte: “Edieke nnyịn ikụtde mfọn ke iso fo, nọ nnyịn mme asan̄autom fo isọn̄ emi ida inyene. Kûda nnyịn ube Jordan.”+  Ekem Moses ọdọhọ nditọ Gad ye nditọ Reuben ete: “Nte nditọete mbufo ẹdika ekọn̄ ke adan̄aemi mbufo ẹdụn̄de mi?+  Ndien ntak emi mbufo ẹkpenamde idem emem nditọ Israel ndibe n̄kodụk isọn̄ oro Jehovah edinọde mmọ?  Ntem ke mme usọ ẹkenam+ ke ini n̄ketiede ke Kadesh-barnea+ nsio mmọ ndọn̄ ẹkese isọn̄ oro.  Ke ini mmọ ẹdọkde ẹkesịm itịghede mmọn̄ Eshcol+ ẹnyụn̄ ẹkụtde isọn̄ oro, mmọ ẹnam idem emem nditọ Israel, mbak mmọ ẹdidụk isọn̄ oro Jehovah okoyomde ndinọ mmọ.+ 10  Mmọdo Jehovah ayat esịt etieti ke usen oro onyụn̄ ọn̄wọn̄ọ,+ ete, 11  ‘Mbon oro ẹkewọn̄ọde ke Egypt, ọtọn̄ọde ke owo isua edịp dọk+ idikwe isọn̄ emi n̄kọn̄wọn̄ọde nnọ Abraham ye Isaac ye Jacob,+ koro mmọ mîtieneke mi ke ofụri esịt, 12  ibọhọke Caleb+ eyen Jephunneh, eyen Kenaz, ye Joshua+ eyen Nun, koro mmọ ẹtienede Jehovah ke ofụri esịt.’ 13  Ntre Jehovah ayat esịt etieti ye Israel onyụn̄ anam mmọ ẹyo ke wilderness ke isua aba,+ tutu ofụri emana emi ẹkenamde idiọk ke iso Jehovah ẹkpan̄a ẹma.+ 14  Ndien sese mbufo ẹmedaha ẹda ke itie mme usọ nte nditọ mme anamidiọk man ẹnam ikan̄-ikan̄ iyatesịt Jehovah+ ọdọdiọn̄ asak Israel ke idem. 15  Edieke mbufo ẹfiakde edem ẹtre nditiene enye,+ enye n̄ko ọyọtọn̄ọ ntak ayak mmọ ẹtie ẹbịghi ke wilderness,+ ndien mbufo ẹyenam n̄kpọ oro anamde nsobo esịm mbon emi.”+ 16  Ekem mmọ ẹdi ẹdidọhọ enye ẹte: “Yak nnyịn ida itiat ibọp itienna ke ebiet emi inọ ufene nnyịn inyụn̄ ibọp mme obio inọ nditọwọn̄ nnyịn. 17  Edi nnyịn iyetịm idem inọ ekọn̄+ ibem nditọ Israel iso iwọrọ tutu nnyịn ida mmọ ikesịm ebiet mmọ, ke adan̄aemi nditọwọn̄ nnyịn ẹdụn̄de ke mme obio emi ẹbọpde ibibene ẹkanade mbak mme andidụn̄ isọn̄ emi. 18  Nnyịn idifiakke inyọn̄ ufọk nnyịn ibọhọke nditọ Israel ẹda udeme isọn̄ mmọ ẹnyene.+ 19  Koro nnyịn idinyeneke udeme ye mmọ ke edem Jordan oko, koro udeme nnyịn odu ke edem Jordan emi, ke edem usiahautịn.”+ 20  Ntre Moses ọdọhọ mmọ ete: “Edieke mbufo ẹdinamde n̄kpọ emi, edieke mbufo ẹditịmde idem ke iso Jehovah ẹka ekọn̄,+ 21  kpukpru mbufo emi ẹtịmde idem ẹyebe Jordan ke iso Jehovah, tutu enye ebịn mme asua esie efep ke iso esie,+ 22  ẹdinyụn̄ ẹkande isọn̄ oro ke iso Jehovah,+ ke mbufo ẹnyọn̄de ẹdi,+ mbufo n̄ko ẹyebọhọ ubiomikpe ke iso Jehovah ye ke iso Israel; isọn̄ emi oyonyụn̄ akabade edi udeme mbufo ke iso Jehovah.+ 23  Edi edieke mbufo mîdinamke ntem, mbufo n̄ko ẹyenam idiọkn̄kpọ ẹdue Jehovah.+ Do, ẹfiọk ẹte ke idiọkn̄kpọ mbufo oyoyom mbufo okụt.+ 24  Ẹbọp mme obio ẹnọ nditọwọn̄ mbufo ẹnyụn̄ ẹda itiat ẹbọp itienna ẹnọ mme ufene mbufo, ẹnyụn̄ ẹnam se mbufo ẹdọhọde.”+ 25  Ndien nditọ Gad ye nditọ Reuben ẹdọhọ Moses ẹte: “Nnyịn mme asan̄autom fo iyanam kpa nte ọbọn̄ mi etemede.+ 26  Nditọwọn̄ nnyịn ye iban nnyịn ye mme ufene nnyịn ye kpukpru unam nnyịn ẹyedu do ke mme obio Gilead,+ 27  edi nnyịn mme asan̄autom fo, emi itịmde idem ke iso Jehovah ndika ekọn̄,+ iyebe ika, kpa nte ọbọn̄ mi ọdọhọde.” 28  Ntem Moses ọnọ Eleazar oku ye Joshua eyen Nun ye mme etubom mme esien nditọ Israel ewụhọ aban̄a mmọ. 29  Ntre Moses ọdọhọ mmọ ete: “Edieke nditọ Gad ye nditọ Reuben ẹsan̄ade ye mbufo ẹbe Jordan, kpukpru owo emi ẹtịmde idem ndika ekọn̄,+ ke iso Jehovah, ẹnyụn̄ ẹkande isọn̄ oro ke iso mbufo, mbufo ẹnyene ndinọ mmọ isọn̄ Gilead ẹda ẹnyene.+ 30  Edi edieke mmọ mîtịmke idem ndisan̄a ye mbufo n̄ka, mmọ ẹnyene ndien ndidụn̄ ye mbufo ke isọn̄ Canaan.”+ 31  Ntem nditọ Gad ye nditọ Reuben ẹbọrọ ẹte: “Se Jehovah ọdọhọde mme asan̄autom fo ke nnyịn idinam.+ 32  Nnyịn iyetịm idem ke iso Jehovah ibe ika isọn̄ Canaan,+ iyonyụn̄ ikada udeme nnyịn inyene ke edem Jordan emi.”+ 33  Ntem Moses ọnọ mmọ, oro edi, nditọ Gad+ ye nditọ Reuben+ ye ubak esien Manasseh,+ nditọ Joseph, obio ubọn̄ Sihon+ edidem mme Amorite ye obio ubọn̄ Og+ edidem Bashan, ye isọn̄ emi odude ke mme obio edem oro, ye mme obio ke isọn̄ oro akande okụk. 34  Ndien nditọ Gad ẹbọp Dibon+ ye Ataroth+ ye Aroer,+ 35  ye Atroth-shophan ye Jazer+ ye Jogbehah,+ 36  ye Beth-nimrah+ ye Beth-haran,+ mme obio emi ẹbọpde ibibene ẹkanade,+ ye mme itienna ufene emi ẹdade itiat ẹbọp.+ 37  Ndien nditọ Reuben ẹbọp Heshbon+ ye Elealeh+ ye Kiriathaim,+ 38  ye Nebo+ ye Baal-meon+—ẹkpụhọde enyịn̄ mmọ—ye Sibmah; ndien mmọ ẹda enyịn̄ efen ẹsio mme obio oro mmọ ẹkebọpde. 39  Ndien nditọ Machir+ eyen Manasseh ẹka ẹken̄wana ẹkan Gilead ẹnyụn̄ ẹbịn mme Amorite emi ẹdụn̄de do ẹfep. 40  Ntre Moses ọnọ Machir eyen Manasseh Gilead, ndien enye odụn̄ do.+ 41  Ndien Jair eyen Manasseh aka akan̄wana akan mme obio tent mmọ, onyụn̄ osio mmọ enyịn̄ Havvoth-jair.+ 42  Ndien Nobah aka akan̄wana akan Kenath+ ye n̄kpri obio esie; ndien enye ada enyịn̄ esie Nobah osio obio emi.

Mme Ikọ Idakisọn̄