Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Numbers 30;1-16

30  Ekem Moses ọdọhọ mme etubom+ esien nditọ Israel ete: “Emi edi se Jehovah etemede:  Edieke erenowo akan̄ade akan̄a+ ọnọ Jehovah m̀mê ọn̄wọn̄ọde un̄wọn̄ọ+ ọbọp idemesie ndibet+ n̄kpọ, enye inyeneke ndibiat un̄wọn̄ọ+ esie. Enye enyene ndinam kpukpru se ikọwọrọde enye ke inua.+  “Ndien edieke eyenan̄wan akan̄ade akan̄a ọnọ Jehovah+ m̀mê ọn̄wọn̄ọde un̄wọn̄ọ ọbọp idemesie ndibet n̄kpọ ke adan̄aemi enye odude ke ufọk ete esie ke ini uyen,  ndien ete esie okop akan̄a eyenan̄wan emi m̀mê un̄wọn̄ọ oro enye ọn̄wọn̄ọde ọbọp idemesie ndibet n̄kpọ ndien isioroke uyo, kpukpru akan̄a esie ẹyesọn̄ọ ẹda, ndien un̄wọn̄ọ ekededi ndibet+ n̄kpọ emi enye akadade ọbọp idemesie ọyọsọn̄ọ ada.  Edi edieke ete esie akpande enye ke usen emi enye okopde kpukpru akan̄a esie ye kpukpru un̄wọn̄ọ ndibet n̄kpọ emi enye ọkọn̄wọn̄ọde ọbọp idemesie, un̄wọn̄ọ emi idisọn̄ọke ida, edi Jehovah eyefen enye, koro ete esie akakpande enye.+  “Edi edieke enye enyenede ebe, onyụn̄ akan̄ade akan̄a ọbọp idemesie+ m̀mê adade n̄kpọkinua esie ọn̄wọn̄ọ un̄wọn̄ọ oro enye mîtịmke ikere,  ndien ebe esie okop edi isioroke uyo ke usen emi enye okopde, akan̄a esie ọyọsọn̄ọ ada, mîdịghe un̄wọn̄ọ esie ndibet n̄kpọ emi enye ọkọn̄wọn̄ọde ọbọp idemesie ọyọsọn̄ọ ada.+  Edi edieke ebe esie akpande enye ke usen eke enye okopde,+ enye abiat akan̄a oro n̄wan esie akakan̄ade ọbọp idem m̀mê un̄wọn̄ọ oro enye mîketịmke ikere, emi enye ọkọn̄wọn̄ọde ke n̄kpọkinua esie ada ọbọp idem, ndien Jehovah eyefen enye.+  “Amaedi akan̄a emi ebeakpa m̀mê n̄wan emi ẹsiode ndọ akan̄ade, kpukpru se enye akadade ọbọp idemesie ẹyesọn̄ọ ẹda. 10  “Edi edieke enye akan̄ade akan̄a m̀mê ọn̄wọn̄ọde un̄wọn̄ọ ndibet+ n̄kpọ ke adan̄aemi enye odude ke ufọk ebe esie, 11  ndien ebe esie okop inyụn̄ isioroke uyo, inyụn̄ ikpanke enye; kpukpru akan̄a esie ẹnyene ndisọn̄ọ nda, mîdịghe un̄wọn̄ọ ekededi ndibet n̄kpọ emi enye ọkọn̄wọn̄ọde ọbọp idemesie ọyọsọn̄ọ ada. 12  Edi edieke ebe esie abiatde mmọ ofụri ofụri efep ke usen oro enye okopde ikọ ekededi eke enye etịn̄de ke n̄kpọkinua esie nte akan̄a m̀mê nte un̄wọn̄ọ ndibet n̄kpọ, mmọ idisọn̄ọke ida.+ Ebe esie amabiat mmọ efep, ndien Jehovah eyefen enye.+ 13  Amaedi akan̄a m̀mê un̄wọn̄ọ ekededi emi enye ọn̄wọn̄ọde ndibet n̄kpọ man otụk ukpọn̄ esie,+ ebe esie enyene ndinam enye ọsọn̄ọ ada mîdịghe ebe esie enyene ndibiat enye mfep. 14  Edi edieke ebe esie mîsioroke uyo ke usen ke usen, enye ọmọsọn̄ọ kpukpru akan̄a n̄wan esie m̀mê kpukpru un̄wọn̄ọ ndibet n̄kpọ emi n̄wan akadade ọbọp idem.+ Enye amanam mmọ ẹsọn̄ọ ẹda koro enye mîkosioroke uyo ke usen emi enye okokopde mmọ. 15  Ndien edieke enye abiatde mmọ efep ofụri ofụri ke ama okokop, ndudue n̄wan esie oyobiom enye.+ 16  “Mmọ emi ẹdi mme ewụhọ emi Jehovah okowụkde Moses aban̄a ebe ye n̄wan+ onyụn̄ aban̄a ete ye eyenan̄wan esie ke ini uyen esie emi enye odude ke ufọk ete esie.”+

Mme Ikọ Idakisọn̄