Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Numbers 3;1-51

3  Ndien mmọ emi ẹdi emana Aaron ye Moses ke usen emi Jehovah ekenyenede nneme ye Moses ke Obot Sinai.+  Mmọ emi ẹnyụn̄ ẹdi enyịn̄ nditọiren Aaron: Nadab emi edide akpan ye Abihu+ ye Eleazar+ ye Ithamar.+  Enyịn̄ nditọiren Aaron ẹdi emi, kpa mme oku emi ẹkeyetde aran ẹnyụn̄ ẹsịnde mmọ odudu ke ubọk ẹyọhọ,* man ẹnam utom nte mme oku.+  Edi Nadab ye Abihu ẹkpan̄a ke iso Jehovah ke ini mmọ ẹkedade esen ikan̄+ ẹdi iso Jehovah ke wilderness Sinai; ndien mmọ ikenyeneke nditọiren. Edi Eleazar+ ye Ithamar+ ẹka iso ẹnam utom nte mme oku ye Aaron ete mmọ.  Ndien Jehovah ọdọhọ Moses ete:  “Da esien Levi+ san̄a kpere, nyụn̄ nam mmọ ẹda ke iso Aaron oku, man mmọ ẹnam n̄kpọ+ ẹnọ enye.  Ndien mmọ ẹnyene ndinam utom nnọ enye nnyụn̄ nnam nnọ ofụri esop ke tent usopidem ke ini ẹnamde utom tent utuakibuot.  Ndien mmọ ẹdise ẹban̄a kpukpru n̄kpoduoho+ tent usopidem, kpa utom nditọ Israel, ke ini ẹnamde utom tent utuakibuot.+  Afo nyụn̄ da nditọ Levi nọ Aaron ye nditọiren esie. Mmọ ẹdi mbon oro ẹyakde ẹnọ, emi ẹsiode ke otu nditọ Israel ẹnọ enye.+ 10  Afo nyụn̄ mek Aaron ye nditọiren esie, ndien mmọ ẹnyene ndinam utom itie oku mmọ;+ ndien ẹnyene ndiwot owo efen ekededi eke asan̄ade ekpere.”+ 11  Ndien Jehovah ọdọhọ Moses ete: 12  “Sese! mmada nditọ Levi ke otu nditọ Israel ke ibuot kpukpru akpan+ emi ẹsịrerede itie eyen ke otu nditọ Israel; ndien nditọ Levi ẹdidi okịm. 13  Koro kpukpru akpan ẹdi okịm.+ Ke usen emi n̄kowotde kpukpru akpan ke isọn̄ Egypt,+ mma nsio kpukpru akpan ke Israel nnọ idemmi ke owo ye ke unam.+ Mmọ ẹdidi okịm. Ami ndi Jehovah.” 14  Ndien Jehovah ọdọhọ Moses ke wilderness Sinai,+ ete: 15  “Sịn nditọiren Levi enyịn̄ ke n̄wed nte ufọk mme ete mmọ ẹdide ke ubon mmọ. Kpukpru irenowo ọtọn̄ọde ke eyen ọfiọn̄ kiet dọk ke afo edisịn enyịn̄ ke n̄wed.”+ 16  Ndien Moses esịn mmọ enyịn̄ ke n̄wed ke uyo Jehovah, kpa nte ẹketemede enye. 17  Ndien mmọ emi ẹkedi nditọiren Levi+ nte enyịn̄ mmọ ẹdide: Gershon ye Kohath ye Merari.+ 18  Ndien mmọ emi ẹdi enyịn̄ nditọiren Gershon nte ubon mmọ ẹdide: Libni ye Shimei.+ 19  Ndien nditọiren Kohath+ nte ubon mmọ ẹdide ẹkedi Amram ye Izhar+ ye Hebron ye Uzziel. 20  Ndien nditọiren Merari+ nte mme ubon mmọ ẹdide ẹkedi Mahli+ ye Mushi.+ Mmọ emi ẹkedi mme ubon nditọ Levi nte ufọk mme ete mmọ ẹdide. 21  Ubon nditọ Libni+ ye ubon nditọ Shimei+ ẹketo ufọk Gershon. Mmọ emi ẹkedi mme ubon nditọ Gershon. 22  Mbon oro ẹkesịnde enyịn̄ ke n̄wed ke otu mmọ, nte ibat mmọ ẹdide, ẹkedi kpukpru irenowo ọtọn̄ọde ke eyen ọfiọn̄ kiet dọk.+ Mmọ ẹkedi owo tọsịn itiaba ikie ition.+ 23  Mme ubon nditọ Gershon ẹkedu ke edem tent utuakibuot.+ Mmọ ẹkenam nna ke edem usoputịn. 24  Ndien ọbọn̄ ufọk mme ete nditọ Gershon ekedi Eliasaph, eyen Lael. 25  Ndien utom nditọ Gershon+ ke tent usopidem ekedi ndise mban̄a tent utuakibuot ye tent+ ye se ẹdade ẹfụk+ enye ye ọfọn̄+ enyịnusụn̄ tent usopidem, 26  ye ọfọn̄ ikpehe+ okụre ye ọfọn̄+ inuaotop okụre emi ẹdude ẹkanade tent utuakibuot ye itieuwa, ye urụk+ tent, ndida nnam kpukpru utom esie. 27  Ndien ubon nditọ Amram ye ubon nditọ Izhar ye ubon nditọ Hebron ye ubon nditọ Uzziel ẹketo ubon Kohath. Mmọ emi ẹkedi mme ubon nditọ Kohath.+ 28  Ibat kpukpru irenowo ọtọn̄ọde ke eyen ọfiọn̄ kiet dọk ekedi owo tọsịn itiaita ikie itiokiet, emi ẹnamde utom edisana ebiet.+ 29  Mme ubon nditọ Kohath ẹkenam nna ke n̄kan̄ tent utuakibuot emi esede edem usụk.+ 30  Ndien ọbọn̄ ufọk mme ete nditọ Kohath ekedi Elizaphan, eyen Uzziel.+ 31  Ndien utom+ mmọ ekedi ndise mban̄a Ekebe+ ye okpokoro+ ye uwụk utuenikan̄+ ye mme itieuwa+ ye n̄kpoduoho+ edisana ebiet emi mmọ ẹdade ẹnam utom, ye ikpehe,+ ye kpukpru se ẹnamde ke esịt. 32  Ndien ọbọn̄ mbọn̄ esien Levi ekedi Eleazar,+ eyen Aaron oku, emi ekesede aban̄a mbon oro ẹnamde utom ke edisana ebiet. 33  Ubon nditọ Mahli+ ye ubon nditọ Mushi+ ẹketo ufọk Merari. Mmọ emi ẹkedi mme ubon Merari.+ 34  Ndien mbon oro ẹkesịnde enyịn̄ ke n̄wed ke otu mmọ nte ibat kpukpru irenowo mmọ ẹdide, ọtọn̄ọde ke eyen ọfiọn̄ kiet dọk, ẹkedi owo tọsịn itiokiet ikie iba.+ 35  Ndien ọbọn̄ ufọk mme ete nditọ Merari ekedi Zuriel, eyen Abihail. Mmọ ẹkenam nna ke n̄kan̄ tent utuakibuot emi esede edem edere.+ 36  Ndien utom nditọ Merari ekedi ndise mban̄a mme obubọk+ tent utuakibuot ye mbiọn̄ eto+ esie ye mme adaha+ esie ye mme etak esie ye kpukpru n̄kpoduoho+ esie ye kpukpru se ẹnamde ke esịt,+ 37  ye mme adaha+ okụre oro ẹkande ẹkụk ye mme etak+ mmọ ye mme ọkpọhọ tent ye mme urụk tent. 38  Ndien mbon oro ẹnamde nna ke iso tent utuakibuot ke edem usiahautịn, oro edi, ke iso tent usopidem ke n̄kan̄ edem usiahautịn, ẹkedi Moses ye Aaron ye nditọiren esie, emi ẹnamde utom ke edisana ebiet,+ nte utom nditọ Israel. Ndien ẹnyene ndiwot owo efen ekededi emi asan̄ade ekpere.+ 39  Kpukpru nditọ Levi oro ẹkesịnde enyịn̄ ke n̄wed, emi Moses ye Aaron ẹkesịnde, ke ubon ke ubon nte Jehovah eketemede, kpukpru irenowo ọtọn̄ọde ke eyen ọfiọn̄ kiet dọk, ẹkedi tọsịn edịp ye iba. 40  Ekem Jehovah ọdọhọ Moses ete: “Sịn kpukpru akpan ke otu iren nditọ Israel enyịn̄ ke n̄wed, ọtọn̄ọde ke eyen ọfiọn̄ kiet dọk,+ nyụn̄ dian ibat enyịn̄ mmọ. 41  Ndien afo enyene ndidian̄ade nditọ Levi nnịm nnọ mi—ami ndi Jehovah—ke ibuot kpukpru akpan ke otu iren nditọ Israel+ ye ufene nditọ Levi ke ibuot kpukpru akpa nditọ ufene nditọ Israel.”+ 42  Ndien Moses anam kpa nte Jehovah okowụkde enye, onyụn̄ esịn kpukpru akpan ke otu iren nditọ Israel enyịn̄ ke n̄wed. 43  Ndien kpukpru akpan emi ẹsịnde enyịn̄ ke n̄wed ke otu irenowo nte ibat enyịn̄ mmọ ẹdide ọtọn̄ọde ke eyen ọfiọn̄ kiet dọk ẹkedi owo tọsịn edịp ye iba, ikie iba ye ata ye duopeta. 44  Ndien Jehovah ọdọhọ Moses ete: 45  “Da nditọ Levi ke ibuot kpukpru akpan ke otu nditọ Israel, ye ufene nditọ Levi ke ibuot ufene mmọ; ndien nditọ Levi ẹdidi okịm.+ Ami ndi Jehovah. 46  Ndien amaedi ekọmurua ufak+ ke ibuot owo ikie iba ye ata ye duopeta oro ke otu mme akpan nditọ Israel emi ẹwakde ẹkan nditọ Levi,+ 47  afo enyene ndibọ mmọ kiet kiet shekel ition.+ Afo edibọ ke shekel edisana ebiet. Shekel kiet edi gerah edịp.+ 48  Ndien men okụk oro sọk Aaron ye nditọiren esie nte ekọmurua ufak ke ibuot mbon oro ẹyọhọde ẹsụhọ.” 49  Ntre ke Moses ọbọ okụk ufak oto mbon oro ẹyọhọde ẹsụhọ ke otu mbon oro ẹkedade nditọ Levi ẹfak. 50  Enye ọbọ mme akpan nditọ Israel okụk oro, kpa shekel tọsịn kiet ikie ita ye ata ye ition ke shekel edisana ebiet. 51  Ekem Moses ayak okụk ekọmurua ufak oro ọnọ Aaron ye nditọiren esie ke uyo Jehovah, kpa nte Jehovah eketemede Moses.

Mme Ikọ Idakisọn̄

Se ik. id. Ex 28:41.