Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Numbers 29;1-40

29  “‘Ndien ke ọyọhọ ọfiọn̄ itiaba, ke akpa usen ke ọfiọn̄ oro, mbufo ẹnyene ndinịm edisana mbono.+ Mbufo inyeneke ndinam ọkpọsọn̄ utom ndomokiet.+ Emi enyene ndidi usen eke mbufo ẹfride obukpon̄.+  Ndien mbufo ẹnyene ndiwa abak ayara enan̄ kiet, okukịm erọn̄ kiet, nyara nditọerọn̄ itiaba emi ẹdide isua kiet kiet, ẹnyụn̄ ẹyede idem+ nte edifọp uwa man osio edinem utebe ọnọ Jehovah;  ye uwa n̄kpasịp eti ndomuyo emi ẹdomode ephah kiet ẹda mbahade ita ke itie duop ẹbuak ye aran ẹwa ẹdian ye ayara enan̄ oro, ẹnyụn̄ ẹda mbahade iba ke itie duop ẹwa ẹdian ye okukịm erọn̄ oro,+  ye ephah kiet emi ẹdade mbahade kiet ke itie duop ẹwa ẹdian ye ayara eyenerọn̄ kiet kiet ke otu nyara nditọerọn̄ itiaba oro;+  ye abak okpo ebot kiet nte uwa idiọkn̄kpọ ndisio isop nnọ mbufo;+  ọkọrọ ye edifọp uwa+ eke ọfiọn̄ ke ọfiọn̄ ye uwa n̄kpasịp+ esie ye edifọp uwa ofụri ini+ ye uwa n̄kpasịp+ esie, ye edin̄wọn̄ uwa+ mmọ, nte ẹkam ẹsinamde, man osio edinem utebe, kpa uwa emi ẹfọpde ke ikan̄ ẹnọ Jehovah.+  “‘Ndien ke ọyọhọ usen duop ke ọyọhọ ọfiọn̄ itiaba emi, mbufo ẹnyene ndinịm edisana mbono,+ nnyụn̄ ntụk ukpọn̄ mbufo.+ Mbufo inyeneke ndinam utom ndomokiet.+  Ndien mbufo ẹnyene ndiwa abak ayara enan̄ kiet, okukịm erọn̄ kiet, nyara nditọerọn̄ itiaba emi ẹdide isua kiet kiet+ nte edifọp uwa nnọ Jehovah, man osio edinem utebe. Mbufo ẹnyene ndida mbon oro ẹyede idem ndi.+  Ẹnyụn̄ ẹwa uwa n̄kpasịp eti ndomuyo ephah kiet emi ẹdade mbahade ita ke itie duop ẹbuak ye aran ẹwa ẹdian ye ayara enan̄ oro, ye ephah kiet emi ẹdade mbahade iba ke itie duop ẹwa ẹdian ye okukịm erọn̄ kiet,+ 10  ye ephah kiet emi ẹdade mbahade kiet ke itie duop ẹwa ẹdian ye ayara eyenerọn̄ kiet kiet ke otu nyara nditọerọn̄ itiaba oro;+ 11  eyen ebot kiet nte uwa idiọkn̄kpọ, ọkọrọ ye uwa usio-isop idiọkn̄kpọ+ ye edifọp uwa ofụri ini ye uwa n̄kpasịp esie, ye edin̄wọn̄ uwa+ mmọ. 12  “‘Ndien ke ọyọhọ usen efịt ke ọyọhọ ọfiọn̄ itiaba,+ mbufo ẹnyene ndinịm edisana mbono.+ Mbufo inyeneke ndinam baba ọkpọsọn̄ utom kiet,+ mbufo ẹnyụn̄ ẹnyene ndinịm usọrọ nnọ Jehovah ke usen itiaba.+ 13  Ndien mbufo ẹnyene ndiwa abak nyara enan̄ duopeta, okukịm erọn̄ iba, nyara nditọerọn̄ duopenan̄ emi ẹdide isua kiet kiet nte edifọp uwa,+ kpa uwa emi ẹfọpde ke ikan̄, man osio edinem utebe ọnọ Jehovah. Mmọ ẹnyene ndiye idem.+ 14  Mbufo ẹnyụn̄ ẹwa uwa n̄kpasịp eti ndomuyo emi ẹdomode ephah kiet ẹda mbahade ita ke itie duop ẹbuak ye aran ẹwa ẹdian ye ayara enan̄ kiet kiet ke otu nyara enan̄ duopeta oro, ephah kiet emi ẹdade mbahade iba ke itie duop ẹwa ẹdian ye okukịm erọn̄ kiet kiet ke otu okukịm erọn̄ iba oro,+ 15  ye ephah kiet emi ẹdade mbahade kiet ke itie duop ẹwa ẹdian ye ayara eyenerọn̄ kiet kiet ke otu nyara nditọerọn̄ duopenan̄ oro;+ 16  ye eyen ebot kiet nte uwa idiọkn̄kpọ, ọkọrọ ye edifọp uwa ofụri ini, uwa n̄kpasịp esie ye edin̄wọn̄ uwa esie.+ 17  “‘Ndien ke ọyọhọ usen iba, mbufo ẹwa abak nyara enan̄ duopeba, okukịm erọn̄ iba, nyara nditọerọn̄ duopenan̄ emi ẹdide isua kiet kiet, ẹnyụn̄ ẹyede idem;+ 18  ye uwa n̄kpasịp+ mmọ ye edin̄wọn̄ uwa+ mmọ emi ẹwade ẹdian ye nyara enan̄ oro ye mme okukịm erọn̄ oro ye nyara nditọerọn̄ oro ke ibat mmọ nte ẹkam ẹsinamde;+ 19  ye eyen ebot kiet nte uwa idiọkn̄kpọ,+ ọkọrọ ye edifọp uwa ofụri ini ye uwa n̄kpasịp esie, ye edin̄wọn̄ uwa mmọ.+ 20  “‘Ndien ke ọyọhọ usen ita, mbufo ẹwa nyara enan̄ duopekiet, okukịm erọn̄ iba, nyara nditọerọn̄ duopenan̄ emi ẹdide isua kiet kiet, ẹnyụn̄ ẹyede idem;+ 21  ye uwa n̄kpasịp+ mmọ ye edin̄wọn̄ uwa+ mmọ emi ẹwade ẹdian ye nyara enan̄ oro ye mme okukịm erọn̄ oro ye nyara nditọerọn̄ oro ke ibat mmọ nte ẹkam ẹsinamde; 22  ye eyen ebot kiet nte uwa idiọkn̄kpọ,+ ọkọrọ ye edifọp uwa ofụri ini ye uwa n̄kpasịp esie ye edin̄wọn̄ uwa esie. 23  “‘Ndien ke ọyọhọ usen inan̄, mbufo ẹwa nyara enan̄ duop, okukịm erọn̄ iba, nyara nditọerọn̄ duopenan̄ emi ẹdide isua kiet kiet, ẹnyụn̄ ẹyede idem;+ 24  uwa n̄kpasịp+ mmọ ye edin̄wọn̄ uwa+ mmọ emi ẹwade ẹdian ye nyara enan̄ oro ye mme okukịm erọn̄ oro ye nyara nditọerọn̄ oro ke ibat mmọ nte ẹkam ẹsinamde;+ 25  ye eyen ebot kiet nte uwa idiọkn̄kpọ,+ ọkọrọ ye edifọp uwa ofụri ini,+ uwa n̄kpasịp esie ye edin̄wọn̄ uwa+ esie. 26  “‘Ndien ke ọyọhọ usen ition, mbufo ẹwa nyara enan̄ usụkkiet, okukịm erọn̄ iba, nyara nditọerọn̄ duopenan̄ emi ẹdide isua kiet kiet, ẹnyụn̄ ẹyede idem;+ 27  ye uwa n̄kpasịp+ mmọ ye edin̄wọn̄ uwa+ mmọ emi ẹwade ẹdian ye nyara enan̄ oro ye mme okukịm erọn̄ oro ye nyara nditọerọn̄ oro ke ibat mmọ nte ẹkam ẹsinamde;+ 28  ye eyen ebot kiet nte uwa idiọkn̄kpọ,+ ọkọrọ ye edifọp uwa ofụri ini ye uwa n̄kpasịp esie ye edin̄wọn̄ uwa+ esie. 29  “‘Ndien ke ọyọhọ usen itiokiet, mbufo ẹwa nyara enan̄ itiaita, okukịm erọn̄ iba, nyara nditọerọn̄ duopenan̄ emi ẹdide isua kiet kiet, ẹnyụn̄ ẹyede idem;+ 30  ye uwa n̄kpasịp+ mmọ ye edin̄wọn̄ uwa+ mmọ emi ẹwade ẹdian ye nyara enan̄ oro ye mme okukịm erọn̄ oro ye nyara nditọerọn̄ oro ke ibat mmọ nte ẹkam ẹsinamde;+ 31  ye eyen ebot kiet nte uwa idiọkn̄kpọ,+ ọkọrọ ye edifọp uwa ofụri ini, uwa n̄kpasịp esie ye edin̄wọn̄ uwa+ esie. 32  “‘Ndien ke ọyọhọ usen itiaba, mbufo ẹwa nyara enan̄ itiaba, okukịm erọn̄ iba, nyara nditọerọn̄ duopenan̄ emi ẹdide isua kiet kiet, ẹnyụn̄ ẹyede idem;+ 33  ye uwa n̄kpasịp+ mmọ ye edin̄wọn̄ uwa+ mmọ emi ẹwade ẹdian ye nyara enan̄ oro ye mme okukịm erọn̄ oro ye nyara nditọerọn̄ oro ke ibat mmọ nte ẹkam ẹsinamde;+ 34  ye eyen ebot kiet nte uwa idiọkn̄kpọ,+ ọkọrọ ye edifọp uwa ofụri ini, uwa n̄kpasịp esie ye edin̄wọn̄ uwa+ esie. 35  “‘Ndien ke ọyọhọ usen itiaita, mbufo ẹnyene ndinịm edisana esop.+ Mbufo inyeneke ndinam ọkpọsọn̄ utom ndomokiet.+ 36  Ndien mbufo ẹnyene ndiwa ayara enan̄ kiet, okukịm erọn̄ kiet, nyara nditọerọn̄ itiaba emi ẹdide isua kiet kiet, ẹnyụn̄ ẹyede idem+ nte edifọp uwa, kpa uwa emi ẹfọpde ke ikan̄, man osio edinem utebe ọnọ Jehovah; 37  ye uwa n̄kpasịp+ mmọ ye edin̄wọn̄ uwa+ mmọ emi ẹwade ẹdian ye ayara enan̄ oro ye okukịm erọn̄ oro ye nyara nditọerọn̄ oro ke ibat mmọ nte ẹkam ẹsinamde;+ 38  ye ebot kiet nte uwa idiọkn̄kpọ,+ ọkọrọ ye edifọp uwa ofụri ini ye uwa n̄kpasịp esie ye edin̄wọn̄ uwa+ esie. 39  “‘Mbufo ẹdiwa mmọ emi ẹnọ Jehovah ke mme usọrọ mbufo emi ẹnịmde ke ini ke ini,+ ọkọrọ ye mme uwa akan̄a+ mbufo ye mme uwa unyịmesịt+ mbufo nte mme edifọp uwa+ mbufo ye mme uwa n̄kpasịp+ mbufo ye mme edin̄wọn̄ uwa+ mbufo ye mme uwa ebuana+ mbufo.’” 40  Ndien Moses emen kpukpru ikọ emi etịn̄ ọnọ nditọ Israel kpa nte Jehovah eketemede Moses.+

Mme Ikọ Idakisọn̄