Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Numbers 28;1-31

28  Ndien Jehovah ọdọhọ Moses ete:  “Wụk nditọ Israel nyụn̄ dọhọ mmọ ete, ‘Mbufo ẹtịn̄ enyịn ke ndiwa uwa mi, kpa uyo+ mi, nnọ mi ke uwa mi emi ẹfọpde ke ikan̄ man osio edinem utebe ọnọ mi,+ ke edikem ini.’+  “Nyụn̄ dọhọ mmọ ete, ‘Emi edi uwa oro ẹfọpde ke ikan̄ emi mbufo ẹdiwade ẹnọ Jehovah: nyara nditọerọn̄ iba emi ẹdide isua kiet kiet ẹnyụn̄ ẹyede idem, ke usen kiet, nte edifọp uwa ofụri ini.+  Afo enyene ndiwa ayara eyenerọn̄ kiet ke usenubọk, onyụn̄ awa ayara eyenerọn̄ enye eken ke mbubreyo,*+  ọkọrọ ye uwa n̄kpasịp eti ndomuyo+ emi ẹdomode ephah+ kiet ẹda mbahade kiet ke itie duop ẹbuak ye aran+ emi edide mbahade kiet ke itie inan̄ ke hin kiet;  edifọp uwa ofụri ini,+ emi ẹkewade ke Obot Sinai man osio edinem utebe, kpa uwa emi ẹfọpde ke ikan̄ ẹnọ Jehovah,+  ọkọrọ ye edin̄wọn̄ uwa+ esie emi ẹdomode hin kiet ẹda mbahade kiet ke itie inan̄ ẹwa ẹdian ye ayara eyenerọn̄ kiet kiet.+ Tọhọ edin̄wọn̄ uwa ọkpọsọn̄ mmịn duọk ke edisana ebiet nọ Jehovah.+  Nyụn̄ wa ayara eyenerọn̄ enye eken ke mbubreyo. Afo enyene ndiwa enye n̄kọrọ ye uwa n̄kpasịp nte eke usenubọk ye edin̄wọn̄ uwa esie nte uwa emi ẹfọpde ke ikan̄, man osio edinem utebe ọnọ Jehovah.+  “‘Edi ke usen sabbath+ ẹdiwa nyara nditọerọn̄ iba emi ẹdide isua kiet kiet ẹnyụn̄ ẹyede idem ọkọrọ ye uwa n̄kpasịp eti ndomuyo emi ẹdomode ephah kiet ẹda mbahade iba ke itie duop ẹbuak ye aran, ọkọrọ ye edin̄wọn̄ uwa esie, 10  nte edifọp uwa usen sabbath ke sabbath esie, ọkọrọ ye edifọp uwa ofụri ini+ ye edin̄wọn̄ uwa+ esie. 11  “‘Ndien ke akpa usen ke ọfiọn̄, mbufo ẹnyene ndida abak nyara enan̄ iba ye okukịm erọn̄ kiet, nyara nditọerọn̄ itiaba emi ẹdide isua kiet kiet ẹnyụn̄ ẹyede idem, ndinọ Jehovah nte edifọp uwa,+ 12  ye uwa n̄kpasịp+ eti ndomuyo emi ẹdomode ephah kiet ẹda mbahade ita ke itie duop ẹbuak ye aran, ẹwa ẹdian ye ayara enan̄ kiet kiet ye uwa n̄kpasịp eti ndomuyo emi ẹdomode ephah kiet ẹda mbahade iba ke itie duop ẹbuak ye aran ẹwa ẹdian ye okukịm erọn̄ kiet,+ 13  ye uwa n̄kpasịp eti ndomuyo emi ẹdomode ke ephah kiet ẹda mbahade kiet ke itie duop ẹbuak ye aran ẹwa ẹdian ye ayara eyenerọn̄ kiet kiet, nte edifọp uwa, man osio edinem utebe,+ kpa uwa emi ẹfọpde ke ikan̄ ẹnọ Jehovah. 14  Ndien wine edin̄wọn̄ uwa mmọ edidi ubak hin kiet,+ ẹwa ẹdian ye ayara enan̄ kiet ye hin kiet emi ẹdade mbahade kiet ke itie ita,+ ẹwa ẹdian ye okukịm erọn̄ ye hin kiet emi ẹdade mbahade kiet ke itie inan̄+ ẹwa ẹdian ye ayara eyenerọn̄. Emi edi edifọp uwa emi ẹwade ke ọfiọn̄ ke ọfiọn̄ ke ofụri isua.+ 15  N̄ko, ẹnyene ndiwa eyen ebot+ kiet nte uwa idiọkn̄kpọ nnọ Jehovah ke adianade ye edifọp uwa ofụri ini ye edin̄wọn̄ uwa+ esie. 16  “‘Ndien ọyọhọ usen duopenan̄ ke akpa ọfiọn̄ edidi passover+ Jehovah. 17  Ndien ọyọhọ usen efịt ke ọfiọn̄ emi edidi usọrọ. Ẹdita uyo eke leaven mîdụhe ke usen itiaba.+ 18  Akpa usen edidi edisana mbono.+ Mbufo inyeneke ndinam baba ọkpọsọn̄ utom kiet.+ 19  Ndien mbufo ẹnyene ndida abak nyara enan̄ iba ye okukịm erọn̄ kiet ye nyara nditọerọn̄ itiaba emi ẹdide isua kiet kiet+ ndinọ Jehovah nte uwa emi ẹfọpde ke ikan̄, kpa edifọp uwa.+ Mbufo ẹda mmọ oro ẹyede idem.+ 20  Ndien uwa n̄kpasịp+ mmọ edidi eti ndomuyo emi ẹbuakde aran ẹnyụn̄ ẹsiode mbahade ita ke itie duop ẹwa ẹdian ye ayara enan̄ kiet ye mbahade iba ke itie duop+ ẹwa ẹdian ye okukịm erọn̄ kiet. 21  Afo enyene ndisio mbahade kiet ke itie duop+ n̄wa ndian ye ayara eyenerọn̄ kiet kiet ke otu nyara nditọerọn̄ itiaba oro; 22  ye ebot kiet ke uwa idiọkn̄kpọ ndisio isop nnọ mbufo.+ 23  Mbufo ẹnyene ndiwa mmọ emi n̄kọrọ ye edifọp uwa usenubọk, emi edide eke edifọp uwa+ ofụri ini.+ 24  Ntem ke mbufo ẹdiwa uwa emi ẹfọpde ke ikan̄ kpukpru usen ke usen itiaba nte uyo,+ man osio edinem utebe ọnọ Jehovah.+ Mbufo ẹnyene ndiwa enye ndian ye edifọp uwa ofụri ini, ye edin̄wọn̄ uwa esie. 25  Ndien mbufo ẹnyene ndinịm edisana mbono+ ke ọyọhọ usen itiaba. Mbufo inyeneke ndinam baba ọkpọsọn̄ utom kiet.+ 26  “‘Ndien ke usen akpa mfri eke adatde,+ ke ini mbufo ẹwade uwa obufa n̄kpasịp ẹnọ Jehovah, ke usọrọ mme urua+ mbufo, mbufo ẹnyene ndinịm edisana mbono. Mbufo inyeneke ndinam baba ọkpọsọn̄ utom kiet.+ 27  Ndien mbufo ẹwa abak nyara enan̄ iba, okukịm erọn̄ kiet, nyara nditọerọn̄ itiaba emi ẹdide isua kiet kiet+ ke edifọp uwa ẹnọ Jehovah man osio edinem utebe; 28  ye uwa n̄kpasịp eti ndomuyo emi ẹdomode ephah kiet ẹda mbahade ita ke itie duop ẹbuak ye aran ẹwa ẹdian ye ayara enan̄ kiet kiet, ye mbahade iba ke itie duop+ ẹwa ẹdian ye okukịm erọn̄ kiet, 29  mbahade kiet ke itie duop+ ẹwa ẹdian ye ayara eyenerọn̄ kiet kiet ke otu nyara nditọerọn̄ itiaba oro; 30  eyen ebot kiet ndisio isop nnọ mbufo.+ 31  Mbufo ẹnyene ndiwa mmọ ke adianade ye edifọp uwa ofụri ini ye uwa n̄kpasịp esie.+ Mbufo ẹda mmọ oro ẹyede idem,+ ọkọrọ ye mme edin̄wọn̄ uwa+ mmọ.

Mme Ikọ Idakisọn̄

At. Ed., “ke ufọt mbubreyo iba.”