Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Numbers 27;1-23

27  Ndien nditọiban Zelophehad+ eyen Hepher, eyen Gilead, eyen Machir, eyen Manasseh,+ emi otode ubon Manasseh, eyen Joseph, ẹsan̄a ẹdi. Ndien enyịn̄ nditọiban esie ẹdi: Mahlah, Noah ye Hoglah ye Milcah ye Tirzah.+  Ndien mmọ ẹdida ke iso Moses ye ke iso Eleazar oku+ ye ke iso mbọn̄ ye ofụri esop ke enyịnusụn̄ tent usopidem, ẹnyụn̄ ẹdọhọ ẹte:  “Ete nnyịn akakpa ke wilderness,+ ikonyụn̄ idụhe ke otu esop, oro edi, ke otu mbon esop Korah+ emi ẹkenamde ikọ ye Jehovah, edi akakpa ke idiọkn̄kpọ esie;+ ndien ikenyeneke eyeneren.  Ntak emi ẹkpesiode enyịn̄ ete nnyịn ẹfep ke otu ubon esie ke ntak emi enye mîkenyeneke eyeneren?+ Mbọk nọ nnyịn udeme ke otu nditọete ete nnyịn.”+  Ntre Moses emen ikọ mmọ aka iso Jehovah.+  Ekem Jehovah ọdọhọ Moses ete:  “Se nditọiban Zelophehad ẹtịn̄de enen. Kûtre ndinọ mmọ udeme ke otu nditọete ete mmọ, nyụn̄ nam udeme ete mmọ ebe esịm mmọ.+  Nyụn̄ dọhọ nditọ Israel ete, ‘Edieke owo akpade ndien inyeneke eyeneren, mbufo ẹnyene ndinam udeme esie ebe esịm eyen esie an̄wan.  Ndien edieke enye mînyeneke eyenan̄wan, mbufo ẹnyene ndida udeme esie nnọ nditọete esie. 10  Enye mînyụn̄ inyeneke nditọete, mbufo ẹnyene ndida udeme esie nnọ nditọete ete esie. 11  Ndien edieke ete esie mînyeneke nditọete, mbufo ẹnyene ndida udeme esie nnọ iman+ esie emi ekperede enye akan ke ubon esie, ndien owo oro ayada udeme oro enyene. Ndien emi edidi ewụhọ ye ubiereikpe ọnọ nditọ Israel, kpa nte Jehovah eketemede Moses.’” 12  Ekem Jehovah ọdọhọ Moses ete: “Dọk Obot Abarim+ emi nyụn̄ se isọn̄ emi ndinọde nditọ Israel.+ 13  Ke ini afo esede ama, afo ndien ayakpa etiene orụk fo,+ ih, kpa nte Aaron eyenuka akakpade,+ 14  koro mbufo mîkanamke ewụhọ mi ke wilderness Zin ke ini mbon esop ẹketọhọde utọk,+ mbufo ikonyụn̄ idaha mi ke edisana+ ke iso mmọ ke itie mmọn̄ oro. Emi edi mmọn̄ Meribah+ ke Kadesh+ ke wilderness Zin.”+ 15  Ekem Moses ọdọhọ Jehovah ete: 16  “Yak Jehovah Abasi spirit+ kpukpru obụkidem+ emek owo+ ndise mban̄a mbon esop emi, 17  kpa owo emi edibemde mmọ iso ọwọrọ onyụn̄ ebem mmọ iso odụk, emi edinyụn̄ adade mmọ ọwọrọ onyụn̄ ada mmọ odụk,+ mbak esop Jehovah editie nte mme erọn̄ eke mînyeneke andikpeme.”+ 18  Ntre Jehovah ọdọhọ Moses ete: “Da Joshua eyen Nun, kpa owo emi spirit+ odude enye ke idem, nyụn̄ dori enye ubọk;+ 19  nyụn̄ nam enye ada ke iso Eleazar oku ye ke iso ofụri esop, nyụn̄ nọ enye odudu ke iso mmọ.+ 20  Nyụn̄ nọ enye ndusụk uku oro afo enyenede,+ man ofụri esop nditọ Israel ẹkpekop uyo esie.+ 21  Ndien enye enyene ndida ke iso Eleazar oku, enye onyụn̄ enyene ndibụp+ n̄kpọ ke ubiereikpe Urim+ ke iso Jehovah nnọ enye. Ke uyo esie ke mmọ ẹdiwọrọ onyụn̄ edi ke uyo esie ke mmọ ẹdidụk, enye ye ofụri nditọ Israel ye ofụri esop.” 22  Ndien Moses anam kpa nte Jehovah eketemede enye. Ntre enye ada Joshua edi ke iso Eleazar+ oku ye ke iso ofụri esop 23  onyụn̄ odori enye ubọk onyụn̄ emek enye,+ kpa nte Jehovah ọkọdọhọde Moses.+

Mme Ikọ Idakisọn̄