Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Numbers 26;1-65

26  Edikem ke ufen oro ama eketre,+ Jehovah ọdọhọ Moses ye Eleazar, eyen Aaron oku, ete:  “Mbufo ẹbat ofụri esop nditọ Israel ọtọn̄ọde ke owo isua edịp dọk, nte ufọk mme ete mmọ edide, kpukpru mbon oro ẹsikade ekọn̄ ke Israel.”+  Ndien Moses ye Eleazar+ oku ẹdọhọ mmọ ke unaisọn̄ desat Moab+ ke mben Jordan ke Jericho,+ ẹte:  “Mbufo ẹbat mmọ ọtọn̄ọde ke owo isua edịp dọk, kpa nte Jehovah eketemede Moses.”+ Ndien nditọ Israel emi ẹkewọn̄ọde ke isọn̄ Egypt ẹkedi:  Reuben, akpan Israel;+ nditọ Reuben: Eke Hanoch, ubon nditọ Hanoch;+ eke Pallu, ubon nditọ Pallu;+  eke Hezron, ubon nditọ Hezron;+ eke Carmi,+ ubon nditọ Carmi.  Mmọ emi ẹkedi mme ubon nditọ Reuben, ndien mbon oro ẹkesịnde enyịn̄ ke n̄wed ẹkedi owo tọsịn aba ye ita ikie itiaba ye edịp ye duop.+  Ndien eyen Pallu ekedi Eliab.  Ndien nditọ Eliab ẹkedi: Nemuel ye Dathan ye Abiram. Dathan+ ye Abiram+ emi ẹkedi mbon emi ẹkesikotde ẹdi esop, emi ẹkenyụn̄ ẹtọhọde ye Moses ye Aaron ke esop Korah,+ ke ini mmọ ẹketọhọde ye Jehovah. 10  Ndien isọn̄ atat inua emen mmọ.+ Edi Korah ye ofụri esop esie ẹkpan̄a ke ini ikan̄ akatade owo ikie iba ye aba ye duop.+ Ndien mmọ ẹkabade ẹdi idiọn̄ọ.+ 11  Edi nditọ Korah ikakpan̄ake.+ 12  Nditọ Simeon+ ke ubon ke ubon: Eke Nemuel,+ ubon nditọ Nemuel; eke Jamin,+ ubon nditọ Jamin; eke Jachin,+ ubon nditọ Jachin; 13  eke Zerah, ubon nditọ Zerah; eke Shaul,+ ubon nditọ Shaul. 14  Mmọ emi ẹkedi mme ubon nditọ Simeon: owo tọsịn edịp ye iba ikie iba.+ 15  Nditọ Gad+ ke ubon ke ubon: Eke Zephon, ubon nditọ Zephon; eke Haggi, ubon nditọ Haggi; eke Shuni, ubon nditọ Shuni; 16  eke Ozni, ubon nditọ Ozni; eke Eri, ubon nditọ Eri; 17  eke Arod, ubon nditọ Arod; eke Areli,+ ubon nditọ Areli. 18  Mmọ emi ẹkedi mme ubon nditọ Gad, emi ẹkesịnde enyịn̄ ke n̄wed: owo tọsịn aba ikie ition.+ 19  Nditọ Judah+ ẹkedi Er ye Onan. Edi Er+ ye Onan+ ẹma ẹkpan̄a ke isọn̄ Canaan.+ 20  Ndien emi ekedi nditọ Judah ke ubon ke ubon: Eke Shelah,+ ubon nditọ Shelah; eke Perez,+ ubon nditọ Perez; eke Zerah,+ ubon nditọ Zerah. 21  Ndien nditọ Perez ẹkedi: Eke Hezron,+ ubon nditọ Hezron; eke Hamul,+ ubon nditọ Hamul. 22  Mmọ emi ẹkedi mme ubon Judah,+ emi ẹkesịnde enyịn̄ ke n̄wed: owo tọsịn ata ye efịtekiet ikie ition.+ 23  Nditọ Issachar+ ke ubon ke ubon ẹkedi: Eke Tola,+ ubon nditọ Tola; eke Puvah, ubon nditọ Puvah; 24  eke Jashub, ubon nditọ Jashub; eke Shimron,+ ubon nditọ Shimron. 25  Mmọ emi ẹkedi mme ubon Issachar, emi ẹkesịnde enyịn̄ ke n̄wed: owo tọsịn ata ye inan̄ ikie ita.+ 26  Nditọ Zebulun+ ke ubon ke ubon ẹkedi: Eke Sered, ubon nditọ Sered; eke Elon, ubon nditọ Elon; eke Jahleel,+ ubon nditọ Jahleel. 27  Mmọ emi ẹkedi mme ubon nditọ Zebulun, emi ẹkesịnde enyịn̄ ke n̄wed: owo tọsịn ata ikie ition.+ 28  Nditọ Joseph+ ke ubon ke ubon ẹkedi Manasseh ye Ephraim.+ 29  Nditọ Manasseh+ ẹkedi: Eke Machir, ubon nditọ Machir.+ Ndien Machir obon Gilead.+ Eke Gilead, ubon nditọ Gilead. 30  Mmọ emi ẹkedi nditọ Gilead: Eke Iezer,+ ubon nditọ Iezer; eke Helek, ubon nditọ Helek; 31  eke Asriel, ubon nditọ Asriel; eke Shechem, ubon nditọ Shechem; 32  eke Shemida,+ ubon nditọ Shemida; eke Hepher,+ ubon nditọ Hepher. 33  Ndien Zelophehad eyen Hepher inyeneke eyeneren, edi enyene nditọiban,+ ndien enyịn̄ nditọiban Zelophehad ẹkedi Mahlah ye Noah, Hoglah, Milcah ye Tirzah.+ 34  Mmọ emi ẹkedi mme ubon Manasseh, ndien mbon oro ẹkesịnde enyịn̄ ke n̄wed ke otu mmọ ẹkedi owo tọsịn aba ye duopeba ikie itiaba.+ 35  Mmọ emi ẹkedi nditọ Ephraim+ ke ubon ke ubon: Eke Shuthelah,+ ubon nditọ Shuthelah; eke Becher, ubon nditọ Becher; eke Tahan,+ ubon nditọ Tahan. 36  Ndien mmọ emi ẹkedi nditọ Shuthelah: Eke Eran, ubon nditọ Eran. 37  Mmọ emi ẹkedi mme ubon nditọ Ephraim,+ emi ẹkesịnde enyịn̄ ke n̄wed: owo tọsịn edịp ye duopeba ikie ition. Mmọ emi ẹkedi nditọ Joseph ke ubon ke ubon.+ 38  Nditọ Benjamin+ ke ubon ke ubon ẹkedi: Eke Bela,+ ubon nditọ Bela; eke Ashbel,+ ubon nditọ Ashbel; eke Ahiram, ubon nditọ Ahiram; 39  eke Shephupham, ubon nditọ Shephupham; eke Hupham,+ ubon nditọ Hupham. 40  Nditọ Bela ẹkedi Ard ye Naaman:+ Eke Ard, ubon nditọ Ard; eke Naaman, ubon nditọ Naaman. 41  Mmọ emi ẹkedi nditọ Benjamin+ ke ubon ke ubon, ndien mbon oro ẹkesịnde enyịn̄ ke n̄wed ke otu mmọ ẹkedi owo tọsịn aba ye ition ikie itiokiet.+ 42  Mmọ emi ẹkedi nditọ Dan+ ke ubon ke ubon: Eke Shuham, ubon nditọ Shuham. Mmọ emi ẹkedi mme ubon Dan+ ke ubon ke ubon. 43  Kpukpru ubon nditọ Shuham, emi ẹkesịnde enyịn̄ ke n̄wed, ẹkedi owo tọsịn ata ye inan̄ ikie inan̄.+ 44  Nditọ Asher+ ke ubon ke ubon ẹkedi: Eke Imnah,+ ubon nditọ Imnah; eke Ishvi,+ ubon nditọ Ishvi; eke Beriah, ubon nditọ Beriah; 45  eke nditọ Beriah: Eke Heber, ubon nditọ Heber; eke Malchiel, ubon nditọ Malchiel.+ 46  Ndien enyịn̄ eyenan̄wan Asher ekedi Serah.+ 47  Mmọ emi ẹkedi mme ubon nditọ Asher,+ emi ẹkesịnde enyịn̄ ke n̄wed: owo tọsịn aba ye duopeta ikie inan̄.+ 48  Nditọ Naphtali+ ke ubon ke ubon ẹkedi: Eke Jahzeel,+ ubon nditọ Jahzeel; eke Guni,+ ubon nditọ Guni; 49  eke Jezer,+ ubon nditọ Jezer; eke Shillem,+ ubon nditọ Shillem. 50  Mmọ emi ẹkedi mme ubon Naphtali+ ke ubon ke ubon, ndien mbon emi ẹkesịnde enyịn̄ ke n̄wed ke otu mmọ ẹkedi owo tọsịn aba ye ition ikie inan̄.+ 51  Mmọ emi ẹkedi mbon oro ẹkesịnde enyịn̄ ke n̄wed ke otu nditọ Israel: owo tọsịn ikie itiokiet ye kiet ikie itiaba ye edịp ye duop.+ 52  Ke oro ebede, Jehovah ọdọhọ Moses ete: 53  “Ẹnyene ndideme isọn̄ nnọ mmọ emi ke udeme nte ibat enyịn̄ mmọ edide.+ 54  Nte ibat owo awakde ke afo edinam udeme okpon, nte ibat owo onyụn̄ ekpride ke afo edinam udeme ekpri.+ Ẹdinọ esien kiet kiet udeme ekekem ye ibat mmọ emi ẹkesịnde enyịn̄ ke n̄wed. 55  Afia+ kpọt ke ẹdida ẹdeme isọn̄. Mmọ ẹdinyene udeme ẹtiene enyịn̄ esien mme ete mmọ. 56  Nte afia ọwọrọde ke ẹdinọ mmọ eke ẹwakde ye mmọ eke ẹkpride udeme.” 57  Ndien mmọ emi ẹkedi mbon oro ẹkesịnde enyịn̄ ke n̄wed ke otu nditọ Levi+ ke ubon ke ubon: Eke Gershon,+ ubon nditọ Gershon; eke Kohath,+ ubon nditọ Kohath; eke Merari,+ ubon nditọ Merari. 58  Mmọ emi ẹkedi mme ubon nditọ Levi: ubon nditọ Libni,+ ubon nditọ Hebron,+ ubon nditọ Mahli,+ ubon nditọ Mushi,+ ubon nditọ Korah.+ Ndien Kohath+ obon Amram.+ 59  Ndien n̄wan Amram ekekere Jochebed,+ eyenan̄wan Levi, emi n̄wan esie akamande ọnọ Levi ke Egypt. Ekem enye aman Aaron ye Moses ye Miriam, adiahaeka+ mmọ ọnọ Amram. 60  Ndien Nadab ye Abihu,+ Eleazar ye Ithamar+ ẹmana ẹnọ Aaron. 61  Edi Nadab ye Abihu ẹma ẹkpan̄a ke ntak emi mmọ ẹkedade esen ikan̄ ẹdi ke iso Jehovah.+ 62  Ndien mbon oro ẹkesịnde enyịn̄ ke n̄wed ke otu mmọ ẹkedi owo tọsịn edịp ye ita, kpukpru irenowo ọtọn̄ọde ke eyen ọfiọn̄ kiet dọk.+ Owo ikabatke mmọ isịn ke otu nditọ Israel,+ koro ikanaha ẹnọ mmọ udeme ke otu nditọ Israel.+ 63  Mmọ emi ẹkedi mbon oro Moses ye Eleazar oku ẹkesịnde enyịn̄ ke n̄wed ke ini mmọ ẹkesịnde nditọ Israel enyịn̄ ke n̄wed ke unaisọn̄ desat Moab, ke mben Jordan ke Jericho.+ 64  Edi amaedi mbon oro Moses ye Aaron oku ẹkesịnde enyịn̄ ke n̄wed ke ini mmọ ẹkesịnde nditọ Israel enyịn̄ ke n̄wed ke wilderness Sinai, baba owo mmọ kiet ikodụhe ke otu emi.+ 65  Koro Jehovah eketịn̄de aban̄a mmọ ete: “Mmọ iditreke ndikpan̄a ke wilderness.”+ Ntre owo mmọ baba kiet ikosụhọke ke mîbọhọke Caleb eyen Jephunneh ye Joshua eyen Nun.+

Mme Ikọ Idakisọn̄