Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Numbers 25;1-18

25  Ndien Israel ẹkedụn̄ ke Shittim.+ Ekem mmọ ẹtọn̄ọ ndinyene oburobụt ebuana ye nditọiban Moab.+  Ndien iban emi ẹdikot mmọ ẹte ẹdi usọrọ uwa mme abasi mmimọ,+ mmọ ẹnyụn̄ ẹtọn̄ọ ndidia n̄kpọ nnyụn̄ nnụhọ nnọ mme abasi mmọ.+  Ntre Israel ẹtiene ẹtuak ibuot ẹnọ Baal Peor;+ Jehovah onyụn̄ ayat esịt etieti ye Israel.+  Ntem Jehovah ọdọhọ Moses ete: “Da kpukpru mme etubom mmọ keyịri ke iso utịn nọ Jehovah,+ man ikan̄-ikan̄ iyatesịt Jehovah akpakabade ọkpọn̄ Israel.”  Ekem Moses ọdọhọ mme ebiereikpe Israel ete:+ “Mbufo owo kiet kiet ẹwot+ ikọt mbufo emi ẹketienede ẹtuak ibuot ẹnọ Baal Peor.”  Ndien, sese! eren+ kiet ke otu nditọ Israel odụk edi, asan̄a ye n̄wan+ Midian kiet ekpere nditọete esie ke iso Moses ye ke iso ofụri esop nditọ Israel, ke adan̄aemi mmọ ẹtuan̄ade ke enyịnusụn̄ tent usopidem.  Ke ini Phinehas,+ eyen Eleazar, eyen Aaron oku, okụtde emi, enye adaha wap ke otu mbon esop onyụn̄ emen eduat.  Ndien enye asan̄a ebịne eren Israel oro ke esịt tent ekekịm mmọ mbiba, eren Israel ye n̄wan oro ke ndido idan̄ esie. Ndien ufen oro etre ke otu nditọ Israel.+  Ndien mbon oro ẹkekpan̄ade ke ufen oro ẹsịm owo tọsịn edịp ye inan̄.+ 10  Ekem Jehovah ọdọhọ Moses ete: 11  “Phinehas,+ eyen Eleazar, eyen Aaron oku, amanam iyatesịt+ mi akabade ọkpọn̄ nditọ Israel ke emi enye mîyọhọ ndomoidem emi mmọ ẹdomode ye ami,+ oro anam mmensoboke nditọ Israel mfep ke ami ndisọn̄ọ nyom san̄asan̄a utuakibuot.+ 12  Ke ntak oro dọhọ ete, ‘Sese mmanam ediomi emem ye enye. 13  Ndien emi edidi ediomi itie oku ke nsinsi, emi nnamde ye enye ye nditọ esie emi ẹditienede enye,+ koro enye mîkọyọhọ ndomoidem emi ẹdomode ye Abasi esie,+ onyụn̄ osiode isop ọnọ nditọ Israel.’”+ 14  Ndien eren Israel oro ẹkekịmde ye n̄wan Midian oro ẹwot ekekere Zimri eyen Salu, ọbọn̄+ ufọk ete nditọ Simeon. 15  N̄wan Midian emi ẹkekịmde ẹwot ekekere Cozbi eyen Zur;+ ete eyenan̄wan emi ekedi etubom ekpụk ufọk kiet ke Midian.+ 16  Ekem Jehovah ọdọhọ Moses ete: 17  “Mbufo ẹtụhọde mbon Midian, ẹnyụn̄ ẹwot mmọ,+ 18  koro mmọ ẹtụhọrede mbufo ke n̄kari+ emi mmọ ẹkaride ye mbufo ke ikọ Peor+ ye ke ikọ Cozbi,+ eyen ọbọn̄ Midian, kpa eyeneka mmọ an̄wan emi ẹkekịmde+ ẹwot ke usen oro ẹkemiade mbufo ufen ẹban̄a ikọ Peor.”+

Mme Ikọ Idakisọn̄