Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Numbers 24;1-25

24  Ke ini Balaam okụtde ete ọfọn Jehovah ke enyịn ndidiọn̄ Israel, enye idahake ikoyom nduọhọ+ nte akanamde ke mme ini eken,+ edi enye owụk iso ese wilderness.  Ke ini Balaam emenerede enyịn okụt Israel nte ẹdụn̄de ke esien ke esien,+ spirit Abasi odoro enye ke idem.+  Ntem enye etịn̄ uto+ esie ete: “Uyo Balaam eyen Beor, Uyo erenowo emi enyịn anade in̄wan̄,+   Uyo andikop se Abasi etịn̄de,+ Emi okụtde n̄kukụt Ata Ọkpọsọn̄+ Ke adan̄aemi ọduọde ana ye enyịn in̄wan̄:+   Mme tent fo ẹye didie ntem, O Jacob, mme ebietidụn̄ fo, O Israel!+   Mmọ ẹnyanade ẹna nte mme itịghede mmọn̄,+ Nte mme in̄wan̄ ke mben akpa mmọn̄.+ Nte eto aloe oro Jehovah ọtọde, Nte mme cedar ke mben ediwak mmọn̄.+   Mmọn̄ ọtọi ke bọket ikpa esie mbiba, Mfri esie ẹdu ke mben ediwak mmọn̄.+ Edidem+ esie n̄ko oyokon̄ akan Agag,+ Ẹyenyụn̄ ẹmenede obio ubọn̄ esie ke enyọn̄.+   Abasi ada enye ọwọrọ ke Egypt; Usọp esie ebiet eke editịm.+ Enye ayata mme idụt, mme andifịk enye,+ Oyonyụn̄ ata ọkpọ mmọ,+ onyụn̄ atịgha mmọ ke idan̄ esie.+   Enye onụhọ, enye osụhọde ana nte ekpe, Ndien nte ekpe, anie ekeme ndidemede enye?+ Ọfọfọn ọnọ mmọ eke ẹdiọn̄de fi,+ Onyụn̄ ọdọdiọk ọnọ mmọ eke ẹsụn̄ide fi.”+ 10  Ndien Balak ayat esịt etieti ye Balaam onyụn̄ amia ubọk,+ ndien Balak ọdọhọ Balaam ete: “N̄kokot fi nte edisụn̄i+ mme asua mi, ndien, sese! afo etetịm ọdiọn̄ mmọ utịm ikata emi. 11  Ndien ke emi fehe nyọn̄ ebiet fo. Mma ndọhọ ke nditreke ndikpono fi,+ edi, sese! Jehovah iyakke fi ọbọ ukpono.” 12  Edi Balaam ọdọhọ Balak ete: “Nte n̄kọdọhọke mme isụn̄utom emi afo okosiode ọdọn̄ ke ọtọ mi, nte, 13  ‘Ekpedi Balak ọdọn̄ silver ye gold ke ufọk esie ọyọhọ ọnọ mi, ndikemeke ndifụmi uyo Jehovah n̄kanam eti m̀mê idiọk eke otode esịt mi. Se ededi eke Jehovah edidọhọde ke nditịn̄’?+ 14  Ndien ke emi mmọn̄ nnyọn̄ ntiene orụk mi. Di, yak nsian fi+ se mbio emi ẹdinamde ikọt fo ke utịt mme usen.”+ 15  Ntre enye etịn̄ uto+ esie ete: “Uyo Balaam eyen Beor, Uyo erenowo emi enyịn anade in̄wan̄,+ 16  Uyo andikop se Abasi etịn̄de,+ Ye andifiọk ifiọk Ata Edikon̄— Enye okụt n̄kukụt Ata Ọkpọsọn̄+ Ke adan̄aemi ọduọde ana ye enyịn in̄wan̄:+ 17  Nyokụt enye,+ edi idịghe idahaemi; Nyese enye, edi ikpereke kan̄a. Ntantaọfiọn̄+ ọyọwọrọ ada ke Jacob, Esan̄ ubọn̄ oyonyụn̄ ọwọrọ ke Israel.+ Ndien enye oyobom Moab etak mban̄+ Onyụn̄ obom n̄kpọkpọrọ kpukpru nditọ ndutịme ekọn̄. 18  Ndien Edom ayakabade edi se ẹdade ẹnyene,+ Ih, Seir+ ayakabade edi inyene mme asua esie,+ Ke adan̄aemi Israel ediwụtde uko esie. 19  Ndien owo ọyọwọrọ ke Jacob akakan,+ Onyụn̄ osobo owo eke ọwọrọde ke obio efehe.”+ 20  Ke ini enye okụtde Amalek, enye ọtọn̄ọ ntak etịn̄ uto esie ete:+ “Amalek ekedi ebeiso ke otu mme idụt,+ Edi utịt esie edidi nsobo.”+ 21  Ke ini enye okụtde mme Kenite,+ enye ọtọn̄ọ ntak etịn̄ uto esie ete: “Ebietidụn̄ fo emebịghi, ufọk fo onyụn̄ odu ke enyọn̄ akamba itiat. 22  Edi oyodu owo eke edifọpde mbon Kain.+ Edibịghi didie mbemiso Assyria emende fi ọnyọn̄ nte mbuotekọn̄?”+ 23  Ndien enye ọtọn̄ọ ntak etịn̄ uto esie ete: “Mbọm! Anie edibọhọ ke ini Abasi anamde n̄kpọ emi?+ 24  Ndien mme nsụn̄ikan̄ ẹyeto ke mbenesụk Kittim+ ẹdi, Ẹnyụn̄ ẹditụhọde Assyria,+ Mmọ ẹyenyụn̄ ẹtụhọde Eber. Edi enye n̄ko ayatak ke akpatre.” 25  Ekem Balaam adaha ọnyọn̄ ebiet esie.+ Balak onyụn̄ ọnyọn̄ esie.

Mme Ikọ Idakisọn̄