Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Numbers 22;1-41

22  Ekem nditọ Israel ẹdaha ẹkenam nna ke unaisọn̄ desat Moab+ ke edem Jordan emi asakde iso ese Jericho.  Ndien Balak+ eyen Zippor okụt kpukpru se Israel ẹkenamde mme Amorite.  Ndien Moab ẹkop ndịk etieti ẹban̄a mmọ, koro mmọ ẹwakde; ndịk onyụn̄ anam Moab ata etieti aban̄a nditọ Israel.+  Ndien Moab ẹdọhọ mbiowo Midian ẹte:+ “Ke emi akwa udịmowo emi ẹyeta ofụri se ikande nnyịn ikụk nte emi enan̄ atade awawa mbiet ke ikọt.” Ndien Balak+ eyen Zippor ekedi edidem Moab ini oro.  Ntre enye ọdọn̄ mme isụn̄utom ẹka ke ọtọ Balaam+ eyen Beor ke Pethor,+ emi odude ke mben Akpa*+ ke idụt nditọ obio esie, ẹkedọhọ enye ẹte: “Sese! Mme owo ẹmewọrọ ke Egypt ẹdi. Sese! Mmọ ẹmefụk iso isọn̄ adan̄a nte owo ekemede ndida n̄kụt,+ mmọ ẹnyụn̄ ẹdụn̄ ke iso mi.  Ndien ke emi, mbọk, di; disụn̄i+ mmọ nọ mi, koro mmọ ẹkopde odudu ẹkan mi. M̀mê nyekeme ndikan mmọ nnyụn̄ mbịn mmọ mfep ke isọn̄ emi; koro mmetịm mfiọk ke ọfọfọn ọnọ owo eke afo ọdiọn̄de onyụn̄ ọdọdiọk ọnọ owo eke afo osụn̄ide.”+  Ntre ikpọ owo Moab ye ikpọ owo Midian ẹsan̄a ye okụk ubreidiọn̄+ ẹka ke ọtọ Balaam+ ẹnyụn̄ ẹkemen ikọ Balak ẹtịn̄ ẹnọ enye.  Ntre enye ọdọhọ mmọ ete: “Ẹdu mi okoneyo emi, ndien nyemen se Jehovah edidọhọde mi nditịn̄ nnọ mbufo.”+ Ntem mbọn̄ Moab ẹdu ye Balaam.  Ekem Abasi edi edidọhọ Balaam ete:+ “Mbio emi ẹdude mi ye afo ẹdi mmanie?” 10  Ntre Balaam ọdọhọ ata Abasi ete: “Balak+ eyen Zippor, edidem Moab, ọkọdọn̄ mmọ ẹdidọhọ mi ẹte, 11  ‘Sese! Mbon emi ẹwọrọde ke Egypt, mmọ ẹmenyụn̄ ẹfụk iso isọn̄ adan̄a nte owo ekemede ndida n̄kụt.+ Mbọk di disụn̄i mmọ nọ mi.+ M̀mê nyekeme ndin̄wana ye mmọ nnyụn̄ mbịn mmọ mfep.’” 12  Edi Abasi ọdọhọ Balaam ete: “Kûtiene mmọ uka. Kûsụn̄i mmọ,+ koro mmọ ẹdide mbon oro ẹdiọn̄de.”+ 13  Ke oro ebede, Balaam adaha ke enyọn̄ ke usenubọk onyụn̄ ọdọhọ mbọn̄ Balak ete: “Ẹnyọn̄ọ edem mbufo, koro Jehovah mînyịmeke mi nsan̄a ye mbufo n̄ka.” 14  Ntre mbọn̄ Moab ẹdaha ẹnyọn̄ọ ẹnyụn̄ ẹkedọhọ Balak ẹte: “Balaam inyịmeke ndisan̄a ye nnyịn ndi.”+ 15  Edi Balak ọtọn̄ọ ntak ọdọn̄ mbọn̄ en̄wen emi ẹwakde ẹnyụn̄ ẹdotde ukpono ẹkan akpa mbọn̄ oro. 16  Ndien mmọ ẹdidọhọ Balaam ẹte: “Ntem ke Balak eyen Zippor ọdọhọ ete, ‘Mbọk, kûyak baba n̄kpọ kiet akpan fi ndidi ke ọtọ mi. 17  Koro nditreke ndikpono fi etieti,+ nyonyụn̄ nnam kpukpru se afo edidọhọde mi.+ Ntre, mbọk, kam di. Disụn̄i mbio emi nọ mi.’” 18  Edi Balaam ọdọhọ mme asan̄autom Balak ete: “Ekpedi Balak ọdọn̄ silver ye gold ke ufọk esie ọyọhọ ọnọ mi, ndikemeke ndifụmi uyo Jehovah Abasi mi, n̄kanam n̄kpọ eke edide ekpri m̀mê akamba.+ 19  Ntre, mbọk mbufo ẹdu mi okoneyo emi man mfiọk se Jehovah editọn̄ọde ntak ọdọhọ mi.”+ 20  Ekem Abasi edidọhọ Balaam ke okoneyo ete: “Edieke edide sụk ikot ke mbio emi ẹdi ndikot fi, daha ke enyọn̄ tiene mmọ ka. Edi sụk ikọ eke ndidọhọde fi ke afo editịn̄.”+ 21  Ekem Balaam adaha ke enyọn̄ ke usenubọk, ọbọp ikpa itie ke edem uman ass esie onyụn̄ etiene mbọn̄ Moab aka.+ 22  Ndien Abasi ayat esịt etieti koro enye akade; angel Jehovah onyụn̄ aka akada ke usụn̄ ndibiọn̄ọ enye.+ Ndien enye akawat uman ass esie, mme asan̄autom esie iba ẹnyụn̄ ẹsan̄a ye enye. 23  Ndien ass oro okụt angel Jehovah adade ke usụn̄ ye akan̄kan̄ ke ubọk;+ ndien ass odomo ndikpọn̄ ọkpọusụn̄ n̄waha ndụk ikọt, edi Balaam eyịbi ass oro man anam enye afiak odụk usụn̄. 24  Ndien angel Jehovah osụk ada ke mfafaha usụn̄ emi enyenede ibibene itiat ke edem mbiba ke ufọt in̄wan̄ vine. 25  Ndien uman ass oro okụt angel Jehovah onyụn̄ adian idem ke ibibene, onyụn̄ efịk Balaam ukot adian ke ibibene oro; ndien enye ọtọn̄ọ ntak eyịbi ass oro. 26  Ndien angel Jehovah adaha akada ke mfafaha ebiet emi usụn̄ mîdụhe ndiwọn̄ọde n̄ka nnasia m̀mê ufien. 27  Ke ini ass oro okụtde angel Jehovah enye osụhọde ana Balaam ke idak; ntem Balaam ayat esịt etieti,+ onyụn̄ ọdọdiọn̄ ada esan̄ esie eyịbi ass oro. 28  Ke akpatre, Jehovah atat ass inua, ndien ass+ ọdọhọ Balaam ete: “Nso ke nnam fi eke esịnde fi eyịbi mi utịm ikata emi?”+ 29  Ntre Balaam ọdọhọ ass ete: “Edi koro afo esuenede mi. Edieke n̄kpakamade akan̄kan̄ ke ubọk, n̄kpowot fi idahaemi!”+ 30  Ndien uman ass oro ọdọhọ Balaam ete: “Nte ami ndịghe uman ass fo emi afo awatde ke ofụri eyouwem fo tutu esịm mfịn emi? Nte akanam mmanam n̄kpọ ntem ye afo?”+ Ndien enye ọbọrọ ete: “Baba!” 31  Ndien Jehovah atat Balaam enyịn,+ enye onyụn̄ okụt angel Jehovah adade ke usụn̄ ye akan̄kan̄ ke ubọk. Kpa idaha oro, enye onụhọ onyụn̄ ọduọ ekịbi iso ke isọn̄. 32  Ekem angel Jehovah ọdọhọ enye ete: “Ntak emi afo eyịbide uman ass fo utịm ikata emi? Sese! Ami n̄kọwọrọ ndi ndibiọn̄ọ fi, koro usụn̄ fo atuahade ye uduak mi.+ 33  Ndien uman ass emi ama okụt mi onyụn̄ odomo ndiwọn̄ọde n̄kpọn̄ mi utịm ikata emi.+ Ekpedi enye ikọwọn̄ọkede ikpọn̄ mi, n̄kpokowot fi etisịm idahaemi,+ edi n̄kpenịm enye uwem.” 34  Ntre Balaam ọdọhọ angel Jehovah ete: “Mmanam idiọkn̄kpọ,+ koro mmen̄kọfiọkke nte ke edi afo akada ke usụn̄ ndisobo ye ami. Ke emi, edieke ọdiọkde fi ke enyịn, yak mfiak nnyọn̄.” 35  Edi angel Jehovah ọdọhọ Balaam ete: “San̄a ye mmọ ka;+ edi sụk ikọ eke ndidọhọde fi ke afo editịn̄.”+ Ndien Balaam etiene mbọn̄ Balak aka. 36  Ke ini Balak okopde ete Balaam ama edi, enye adaha inikiet inikiet aka ndisobo ye enye ke obio Moab, emi odude ke mben Arnon, ke adan̄a obio.+ 37  Ndien Balak ọdọhọ Balaam ete: “Nte idịghe ami n̄kọdọn̄ ẹdikot fi? Ntak mûkedịghe? Nte n̄kemeke ndikpono fi ke akpanikọ?”+ 38  Ntre Balaam ọdọhọ Balak ete: “Sese mmedi ke ọtọ fo. Nte mmekeme nditịn̄ n̄kpọ ekededi?+ Ikọ emi Abasi edisịnde mi ke inua, oro ke nditịn̄.”+ 39  Ntre Balaam asan̄a ye Balak, ndien mmọ ẹdisịm Kiriath-huzoth. 40  Ndien Balak awa enan̄ ye erọn̄+ onyụn̄ ọnọ ndusụk ẹsọk Balaam ye mbọn̄ emi ẹdude ye enye. 41  Edikem ke usenubọk Balak ada Balaam ọdọk Bamoth-baal,*+ man enye ada do okụt ofụri mbio oro.+

Mme Ikọ Idakisọn̄

Oro edi, “Euphrates.”
Ọwọrọ “Mme Edikon̄ Ebiet Baal.”