Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Numbers 2;1-34

2  Ekem Jehovah ọdọhọ Moses ye Aaron ete:  “Yak nditọ Israel ẹnam nna, owo kiet kiet ke otu esie emi esịnede esien ita,+ etiene mme idiọn̄ọ emi ẹdade ẹnọ ufọk mme ete mmọ. Yak mmọ ẹnyụn̄ ẹnam nna ẹkanade tent usopidem.  “Ndien otu nna Judah emi esịnede esien ita ke udịmekọn̄ mmọ ẹdinam nna ke edem usiahautịn, ndien ọbọn̄ nditọ Judah edi Nahshon,+ eyen Amminadab.  Ndien udịmekọn̄ esie, mbon oro ẹsịnde enyịn̄ ke n̄wed, ẹdi owo tọsịn ata ye duopenan̄ ikie itiokiet.+  Ndien esien Issachar+ ẹdinam nna ẹdiana enye, ọbọn̄ nditọ Issachar onyụn̄ edi Nethanel,+ eyen Zuar.  Ndien udịmekọn̄ esie, mbon oro ẹsịnde enyịn̄ ke n̄wed, ẹdi owo tọsịn aba ye duopenan̄ ikie inan̄.+  Ekem esien Zebulun ẹdiana; ọbọn̄ nditọ Zebulun onyụn̄ edi Eliab,+ eyen Helon.  Ndien udịmekọn̄ esie, mbon emi ẹsịnde enyịn̄ ke n̄wed, ẹdi owo tọsịn aba ye efịteba ikie inan̄.+  “Kpukpru mbon oro ẹsịnde enyịn̄ ke n̄wed ke otu nna Judah ẹdi owo tọsịn ikie ye anan̄ ye itiokiet ikie inan̄, ke udịmekọn̄ mmọ. Mmọ ẹdibem iso ẹdaha isan̄.+ 10  “Otu nna Reuben+ emi esịnede esien ita ke udịmekọn̄ mmọ ẹdidu ke n̄kan̄ edem usụk, ọbọn̄ nditọ Reuben onyụn̄ edi Elizur,+ eyen Shedeur. 11  Ndien udịmekọn̄ esie, mbon oro ẹsịnde enyịn̄ ke n̄wed, ẹdi owo tọsịn aba ye itiokiet ikie ition.+ 12  Ndien esien Simeon ẹdinam nna ẹdiana enye, ọbọn̄ nditọ Simeon onyụn̄ edi Shelumiel,+ eyen Zurishaddai. 13  Ndien udịmekọn̄ esie, mbon oro ẹsịnde enyịn̄ ke n̄wed, ẹdi owo tọsịn aba ye efịtenan̄ ikie ita.+ 14  Ekem esien Gad ẹdiana; ọbọn̄ nditọ Gad onyụn̄ edi Eliasaph,+ eyen Reuel. 15  Ndien udịmekọn̄ esie, mbon emi ẹsịnde enyịn̄ ke n̄wed, ẹdi owo tọsịn aba ye ition, ikie itiokiet ye aba ye duop.+ 16  “Kpukpru mbon oro ẹsịnde enyịn̄ ke n̄wed, ke otu nna Reuben, ẹdi owo tọsịn ikie ye aba ye duopekiet ikie inan̄ ye aba ye duop ke udịmekọn̄ mmọ, ndien mmọ ẹdidi udiana ndidaha isan̄.+ 17  “Ke ini ẹyomde ndiwụhọde tent usopidem,+ nna nditọ Levi+ edidu ke ufọt itienna. “Kpa nte mmọ ẹkenamde nna, kpa ntre ke mmọ ẹdidaha isan̄,+ otu kiet kiet ke itie esie, nte ekemde ye otu mmọ emi esịnede esien ita. 18  “Otu nna Ephraim+ emi esịnede esien ita ke udịmekọn̄ mmọ ẹdidu ke n̄kan̄ edem usoputịn, ọbọn̄ nditọ Ephraim onyụn̄ edi Elishama,+ eyen Ammihud. 19  Ndien udịmekọn̄ esie, mbon oro ẹsịnde enyịn̄ ke n̄wed, ẹdi owo tọsịn aba ikie ition.+ 20  Ndien esien Manasseh+ ẹdidu ẹdiana enye, ọbọn̄ nditọ Manasseh onyụn̄ edi Gamaliel,+ eyen Pedahzur. 21  Ndien udịmekọn̄ esie, mbon emi ẹsịnde enyịn̄ ke n̄wed, ẹdi owo tọsịn edịp ye duopeba ikie iba.+ 22  Ekem esien Benjamin+ ẹdiana; ọbọn̄ nditọ Benjamin onyụn̄ edi Abidan,+ eyen Gideoni. 23  Ndien udịmekọn̄ esie, mbon oro ẹsịnde enyịn̄ ke n̄wed, ẹdi owo tọsịn edịp ye efịt ikie inan̄.+ 24  “Kpukpru mbon oro ẹsịnde enyịn̄ ke n̄wed, ke otu nna Ephraim, ẹdi owo tọsịn ikie ye itiaita ye ikie ke udịmekọn̄ mmọ, ndien mmọ ẹdidi ọyọhọ otu ita ndidaha.+ 25  “Otu nna Dan emi esịnede esien ita ke udịmekọn̄ mmọ ẹdidu ke n̄kan̄ edem edere, ọbọn̄ nditọ Dan onyụn̄ edi Ahiezer,+ eyen Ammishaddai. 26  Ndien udịmekọn̄ esie, mbon oro ẹsịnde enyịn̄ ke n̄wed, ẹdi owo tọsịn ata ye iba ikie itiaba.+ 27  Ndien esien Asher ẹdinam nna ẹdiana enye, ọbọn̄ nditọ Asher onyụn̄ edi Pagiel,+ eyen Ochran. 28  Ndien udịmekọn̄ esie, mbon oro ẹsịnde enyịn̄ ke n̄wed, ẹdi owo tọsịn aba ye kiet ikie ition.+ 29  Ekem esien Naphtali+ ẹdiana; ọbọn̄ nditọ Naphtali onyụn̄ edi Ahira,+ eyen Enan. 30  Ndien udịmekọn̄ esie, mbon oro ẹsịnde enyịn̄ ke n̄wed, ẹdi owo tọsịn aba ye duopeta ikie inan̄.+ 31  “Kpukpru mbon oro ẹsịnde enyịn̄ ke n̄wed, ke otu nna Dan, ẹdi owo tọsịn aba ye efịteba ikie itiokiet. Mmọ ẹdidaha isan̄ akpatre+—nte otu mmọ emi esịnede esien ita edide.” 32  Mmọ emi ẹkedi mbon oro ẹsịnde enyịn̄ ke n̄wed ke otu nditọ Israel nte ufọk mme ete mmọ ẹdide; kpukpru mbon oro ẹsịnde enyịn̄ ke n̄wed ke otu nna mmọ nte udịmekọn̄ mmọ ẹdide ẹkedi owo tọsịn ikie itiokiet ye ita, ikie ition ye aba ye duop.+ 33  Edi owo ikesịnke nditọ Levi enyịn̄ ke n̄wed+ ke otu nditọ Israel, kpa nte Jehovah okowụkde Moses. 34  Ndien nditọ Israel ẹnam kpukpru se Jehovah okowụkde Moses.+ Ntem ke mmọ ẹnam nna ke mme otu emi ẹsịnede esien ita ita,+ ntem ke mmọ ẹkenyụn̄ ẹdaha isan̄,+ mmọ kiet kiet ke ubon mmọ nte ufọk mme ete mmọ ẹdide.

Mme Ikọ Idakisọn̄