Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Numbers 17;1-13

17  Ndien Jehovah ọdọhọ Moses ete:  “Dọhọ nditọ Israel nyụn̄ bọ kpukpru mbọn̄+ mmọ esan̄+ kiet ke esien kiet, nte ufọk mme ete mmọ edide, esan̄ duopeba. Wet enyịn̄ owo kiet kiet ke esan̄ esie.  Nyụn̄ wet enyịn̄ Aaron ke esan̄ Levi, koro esan̄ kiet enyene etubom ufọk mme ete mmọ.  Nyụn̄ bon mmọ ke tent usopidem ke iso Ntiense,+ ke ebiet emi nsiwụtde mbufo idem.+  Ndien ama ekem owo emi ndimekde,+ esan̄ esie eyesehe, ndien nyanam nsụkuyo+ emi nditọ Israel ẹsụkde mi etre, emi mmọ ẹsụkde mbufo.”+  Ntre Moses emen ikọ emi etịn̄ ọnọ nditọ Israel, ndien kpukpru mbọn̄ mmọ ẹda esan̄ kiet kiet ẹsọk enye, ọbọn̄ kiet esan̄ kiet, nte ufọk mme ete mmọ edide, esan̄ duopeba;+ esan̄ Aaron onyụn̄ esịne ke otu esan̄ mmọ.+  Ndien Moses atan̄ mme esan̄ oro okobon ke iso Jehovah ke tent Ntiense.+  Edikem ke ndan̄nsiere ke ini Moses odụkde tent Ntiense, sese! esan̄ Aaron eke ufọk Levi esehe, onyụn̄ asiaha ikọn̄, onyụn̄ osion̄o flawa, ndien on̄wụm ndatndat almond.  Ndien Moses atan̄ kpukpru esan̄ oro ke iso Jehovah ọwọrọ edisọk kpukpru nditọ Israel, ndien mmọ ẹse, owo kiet kiet onyụn̄ emen esan̄ esiemmọ. 10  Ekem Jehovah ọdọhọ Moses ete: “Da esan̄+ Aaron fiak dinịm ke iso Ntiense man etie nte idiọn̄ọ+ ọnọ nditọ nsọn̄ibuot,+ man nsụkuyo emi mmọ ẹsụkde mi etre, mbak mmọ ẹdikpan̄a.” 11  Kpa idaha oro, Moses anam kpa nte Jehovah okowụkde enye. Enye anam kpa ntre. 12  Ndien nditọ Israel ẹdọhọ Moses ẹte: “Sese nnyịn imọn̄ ikpan̄a, nnyịn imọn̄ itak, kpukpru nnyịn imọn̄ itak.+ 13  Owo ekededi eke asan̄ade ekpere+ tent utuakibuot Jehovah ayakpa!+ Nte nnyịn idikpan̄a ntem?”+

Mme Ikọ Idakisọn̄