Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Numbers 14;1-45

14  Ndien ofụri esop ẹfiori n̄kpo, mbio emi ẹnyụn̄ ẹmenede uyo ẹtua eyet+ ofụri okoneyo oro.  Kpukpru nditọ Israel ẹtọn̄ọ ndisụk Moses ye Aaron uyo,+ ofụri esop ẹnyụn̄ ẹnam ikọ ye mmọ ẹte: “Ọkpọkọfọn nnyịn ndikpan̄a ke isọn̄ Egypt, mîdịghe ikpan̄a ke wilderness emi!  Nso inam Jehovah adade nnyịn edi isọn̄ emi ete idikpan̄a ke akan̄kan̄?+ Iban nnyịn ye nditọ nnyịn ẹyekabade ẹdi n̄kpọ mbụme.+ Nte ikpọfọnke nnyịn ikan ndifiak nnyọn̄ Egypt?”+  Mmọ ẹkam ẹdọhọ kiet eken ẹte: “Ẹyak nnyịn imek etubom, ẹnyụn̄ ẹyak nnyịn ifiak inyọn̄ Egypt!”+  Ntem Moses ye Aaron ẹduọ ẹkịbi iso+ mmọ ke isọn̄ ke iso ofụri esop nditọ Israel.  Ndien Joshua eyen Nun+ ye Caleb eyen Jephunneh,+ emi ẹketienede ẹkeyep isọn̄ oro, ẹwak+ ọfọn̄idem mmọ,  mmọ ẹnyụn̄ ẹdọhọ ofụri esop nditọ Israel ẹte: “Isọn̄ oro ikakade ikeyep edi ata eti isọn̄.+  Edieke Jehovah enemde esịt ye nnyịn,+ enye ayada nnyịn odụk isọn̄ emi onyụn̄ ada enye ọnọ nnyịn, kpa isọn̄ emi ọfiọrọde mmọn̄eba ye aranọkwọk.+  Ẹkûkam ẹsọn̄ ibuot+ ye Jehovah; mbufo ẹkûnyụn̄ ẹfehe mbio idụt oro,+ koro mmọ ẹtiede nte udia ẹnọ nnyịn. Ebiet ubọhọ mmọ ọmọkpọn̄ mmọ,+ Jehovah onyụn̄ odu ye nnyịn.+ Ẹkûfehe mmọ.”+ 10  Edi ofụri esop ẹdọhọ ke imọn̄ itọn̄ọ mmọ ke itiat.+ Ndien ubọn̄ Jehovah ọbiọn̄ọde ke tent usopidem ke iso kpukpru nditọ Israel.+ 11  Ekem Jehovah ọdọhọ Moses ete: “Adan̄a didie+ ke mbio emi ẹdinam n̄kpọ ye ami ke unana ukpono,+ adan̄a didie ke mmọ ẹdinyụn̄ ẹnana mbuọtidem ke idemmi kpa ye ofụri idiọn̄ọ oro n̄kanamde ke otu mmọ?+ 12  Yak nda idiọk udọn̄ọ nsịn ke otu mmọ nnyụn̄ nsuan mmọ, nnyụn̄ nnam fi akabade edi idụt eke okponde onyụn̄ okopde odudu akan mmọ.”+ 13  Edi Moses ọdọhọ Jehovah ete: “Do nditọ Egypt, emi afo akadade odudu fo osio mbio emi ke otu mmọ, iditreke ndikop emi.+ 14  Ndien mmọ ẹyetịn̄ ẹnọ mme andidụn̄ isọn̄ emi. Mmọ ẹmekop ẹte afo edi Jehovah ke otu mbio emi,+ emi owụtde mmọ idem iso ye iso.+ Ẹmenyụn̄ ẹkop ẹte afo edi Jehovah ye nte ke obubịt enyọn̄ fo mmọdo ada ke enyọn̄ ebietidụn̄ mmọ, afo onyụn̄ ebem mmọ iso asan̄a ke adaha obubịt enyọn̄ ke uwemeyo ye ke adaha ikan̄ ke okoneyo.+ 15  Edieke afo owotde mbio emi nte owo kiet,+ mme idụt emi ẹkekopde etop fo ẹyedọhọ ẹte, 16  ‘Edi koro Jehovah mîkemeke ndida mbio emi ndụk isọn̄ oro enye ọkọn̄wọn̄ọde ọnọ mmọ anam enye owot mmọ ke wilderness.’+ 17  Ke emi, mbọk, yak odudu fo ọdọdiọn̄ okpon,+ O Jehovah, kpa nte afo ọkọdọhọde ete, 18  ‘Jehovah, isọpke iyatesịt+ edi awak ima-mfọnido,+ efen ndudue ye ubiatibet,+ edi ididehedei iyak owo ọbọhọ ufen idiọkn̄kpọ,+ ada ufen ndudue mme ete amia nditọ ye nditọ nditọ mmọ, onyụn̄ ada amia ọyọhọ emana ita ye ọyọhọ emana+ inan̄.’ 19  Mbọk, fen mbio emi ndudue mmọ nte ima-mfọnido fo okponde, kpa nte afo ekefende mmọ toto ke Egypt sịm emi.”+ 20  Ekem Jehovah ọdọhọ ete: “Mmefen, kpa nte afo ọdọhọde.+ 21  Ndien, n̄ko, ma uwem mi, ubọn̄ Jehovah ọyọyọhọ ke ofụri isọn̄.+ 22  Edi amaedi kpukpru mbon emi ẹkekụtde ubọn̄+ mi ye mme idiọn̄ọ+ emi n̄kanamde ke Egypt ye ke wilderness edi ẹsụk ẹdomo+ mi ofụri utịm ikoduop emi, inyụn̄ ikopke uyo+ mi, 23  mmọ idikwe isọn̄ emi n̄kọn̄wọn̄ọde nnọ mme ete mmọ, ih, kpukpru mbon oro ẹnamde n̄kpọ ye ami ke unana ukpono idikwe isọn̄ oro.+ 24  Amaedi Caleb+ asan̄autom mi, koro spirit efen odude enye ke idem, enye onyụn̄ etienede mi ke ofụri esịt,+ nyada enye ndụk isọn̄ emi enye akakade ekeyep, nditọ esie ẹyenyụn̄ ẹda isọn̄ oro ẹnyene.+ 25  Ke adan̄aemi mbon Amalek ye mbon Canaan+ ẹsụk ẹdụn̄de ke unaisọn̄ itịghede, n̄kpọn̄ mbufo ẹwọn̄ọde ẹkesan̄a usụn̄ Ididuot Inyan̄+ ẹka wilderness.” 26  Ndien Jehovah ọdọhọ Moses ye Aaron ete: 27  “Adan̄a didie ke idiọk esop emi ẹdisụk mi uyo?+ Mmokop nsụkuyo emi nditọ Israel ẹsụkde mi.+ 28  Dọhọ mmọ ete, ‘“Ma uwem mi,” Jehovah ọdọhọ, “nyanam ye mbufo kpa nte mbufo ẹketịn̄de ẹsịn mi ke utọn̄!+ 29  Okpo mbufo ẹyeduọn̄ọ+ ke wilderness emi, ih, kpukpru mbufo emi ẹkesịnde enyịn̄ ke n̄wed ọtọn̄ọde ke owo isua edịp dọk, emi ẹkesụkde mi uyo.+ 30  Amaedi mbufo, mbufo ididụkke isọn̄ oro n̄kemenerede ubọk+ mi n̄n̄wọn̄ọ nte nyodụn̄ ye mbufo, ke mîbọhọke Caleb eyen Jephunneh ye Joshua eyen Nun.+ 31  “‘“Ndien amaedi n̄kpri nditọ mbufo emi mbufo ẹkedọhọde ke mmọ ẹdikabade ẹdi n̄kpọ mbụme,+ nyada mmọ ndụk, ndien mmọ ẹyekụt isọn̄ oro mbufo ẹkesịnde.+ 32  Edi okpo mbufo ẹyeduọn̄ọ ke wilderness+ emi. 33  Ndien nditọ mbufo ẹyeyo nte mme ekpemerọn̄ ke wilderness+ ke isua aba, mmọ ẹyenyụn̄ ẹbọ ufen mme edinam use+ mbufo, tutu akpatre owo ke otu mbufo akpa ke wilderness.+ 34  Ibat usen emi mbufo ẹkedade ẹyep isọn̄ oro, usen aba,+ usen kiet ke isua kiet, usen kiet ke isua kiet,+ ke mbufo ẹdibọ ufen ndudue mbufo ke isua aba,+ ndien mbufo ẹyekụt nte etiede ke ini ndian̄arede idem n̄kpọn̄ mbufo.+ 35  “‘“Ami Jehovah ntịn̄ n̄kpọ emi, nyonyụn̄ nnam ntem ye ofụri idiọk esop+ emi, kpa mmọ oro ẹsopde idem ẹn̄wana ye ami: Mmọ ẹyesịm utịt mmọ ke wilderness emi, do ke mmọ ẹdinyụn̄ ẹkpan̄a.+ 36  Ndien mbon oro Moses ọkọdọn̄de ẹkeyep isọn̄ oro, emi ẹkenyụn̄ ẹnyọn̄de ẹdinam ofụri esop ẹsụk enye uyo, ke ndida idiọk etop emi aban̄ade isọn̄ oro ndi,+ 37  ih, mbon oro ẹkedade idiọk etop emi aban̄ade isọn̄ oro ẹdi, ẹyebọ ufen ẹnyụn̄ ẹkpan̄a ke iso Jehovah.+ 38  Edi Joshua eyen Nun ye Caleb eyen Jephunneh, emi ẹketienede ẹkeyep isọn̄ oro, ẹyedu uwem.”’”+ 39  Ke ini Moses etịn̄de mme ikọ emi ọnọ kpukpru nditọ Israel, mmọ ẹtọn̄ọ ndifụhọ etieti.+ 40  Ndien mmọ ẹbak ẹdemede ke usenubọk ẹdomo ndidọk n̄ka enyọn̄ obot, ẹte: “Sese nnyịn mi, nnyịn inyụn̄ inyene ndidọk n̄ka ebiet emi Jehovah ọkọdọhọde. Koro nnyịn imanam idiọkn̄kpọ.”+ 41  Edi Moses ọdọhọ ete: “Ntak emi mbufo mîkopke uyo Jehovah?+ Mbufo idikwe unen ke se ẹyomde ndinam oro. 42  Ẹkûdọk ẹka, koro Jehovah mîdụhe ye mbufo, mbak mme asua mbufo ẹdikan mbufo.+ 43  Koro mbon Amalek ye mbon Canaan ẹdude do ke iso mbufo;+ mbufo ẹyenyụn̄ ẹkpan̄a ke akan̄kan̄, koro mbufo ẹfiakde edem ẹtre nditiene Jehovah, Jehovah ididụhe ye mbufo.”+ 44  Edi mmọ ẹkohode idem ẹdọk ẹka enyọn̄ obot+ oro, edi Moses ye ekebe ediomi Jehovah iwọrọke ikpọn̄ itienna.+ 45  Ndien mbon Amalek+ ye mbon Canaan emi ẹdụn̄de ke obot oro ẹsụhọde ẹdi ẹdiwot mmọ ẹnyụn̄ ẹsuan mmọ tutu esịm Hormah.+

Mme Ikọ Idakisọn̄