Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Numbers 13;1-33

13  Edikem Jehovah ọdọhọ Moses ete:  “Sio mme owo dọn̄ ẹkeyep isọn̄ Canaan, emi ndinọde nditọ Israel.+ Sio owo kiet kiet ke esien mme ete mmọ dọn̄, owo kiet kiet emi edide ọbọn̄+ ke otu mmọ.”  Ntre Moses etie ke wilderness Paran+ osio mmọ ọdọn̄ ẹka, kpa nte Jehovah eketemede. Kpukpru irenowo emi ẹkedi mme etubom nditọ Israel.  Ndien enyịn̄ mmọ ẹdi emi: Shammua eyen Zaccur, ke esien Reuben;  Shaphat eyen Hori, ke esien Simeon;  Caleb+ eyen Jephunneh, ke esien Judah;  Igal eyen Joseph, ke esien Issachar;  Hoshea+ eyen Nun, ke esien Ephraim;  Palti eyen Raphu, ke esien Benjamin; 10  Gaddiel eyen Sodi, ke esien Zebulun; 11  ke esien Joseph,+ eke esien Manasseh,+ Gaddi eyen Susi; 12  Ammiel eyen Gemalli, ke esien Dan; 13  Sethur eyen Michael, ke esien Asher; 14  Nahbi eyen Vophsi, ke esien Naphtali; 15  Geuel eyen Machi, ke esien Gad. 16  Mmọ emi ẹdi enyịn̄ irenowo emi Moses okosiode ọdọn̄ ẹkeyep isọn̄ oro. Ndien Moses osio Hoshea eyen Nun enyịn̄ Jehoshua.+ 17  Ke ini Moses ọdọn̄de mmọ ẹka ẹkeyep isọn̄ Canaan, enye ọdọhọ mmọ ete: “Ẹsan̄a mi ẹdọk ẹka Negeb,+ ẹnyụn̄ ẹdọk ẹka ikpehe emi etiede obot obot.+ 18  Mbufo ẹse nte isọn̄ oro etiede+ ye mme andidụn̄ ke esịt, m̀mê mmọ ẹkop odudu m̀mê ikopke, mîdịghe m̀mê mmọ ẹwak m̀mê iwakke; 19  ye nte isọn̄ emi mmọ ẹdụn̄de ke esịt etiede, m̀mê ọfọn m̀mê ifọnke, ye nte mme obio emi mmọ ẹdụn̄de ke esịt etiede, m̀mê ẹdi mme itienna mîdịghe m̀mê ẹdi n̄kpọsọn̄ obio emi ẹbọpde ibibene ẹkanade; 20  ye nte isọn̄ oro etiede, m̀mê ọfọn n̄kpọ m̀mê ifọnke,+ m̀mê eto ẹdu ke esịt m̀mê idụhe. Mbufo ẹnyene uko+ ẹnyụn̄ ẹda ndusụk mbun̄wụm isọn̄ oro ẹdi.” Emi ekedi ini oro mme akpa mfri grape ẹdatde.+ 21  Ntre mmọ ẹdọk ẹkeyep isọn̄ oro ọtọn̄ọde ke wilderness Zin+ tutu esịm Rehob+ ke ebiet emi ẹtode ẹdụk Hamath.+ 22  Ke ini mmọ ẹdọkde ẹdụk Negeb,+ mmọ ndien ẹsan̄a ẹdisịm Hebron.+ Ndien Ahiman ye Sheshai ye Talmai,+ nditọ Anak,+ ẹma ẹdu do. Edi ẹkebọp Hebron+ isua itiaba mbemiso Zoan+ eke Egypt. 23  Ke ini mmọ ẹdide ẹdisịm itịghede mmọn̄ Eshcol,+ mmọ ẹsịbe n̄kọk vine emi etuek grape eyịrede.+ Ndien owo iba ẹda anyan eto ẹmen etuek emi, ye ndusụk pomegranate+ ye ndusụk fig. 24  Mmọ ẹsio ebiet oro enyịn̄ itịghede mmọn̄ Eshcol,*+ ke ntak etuek grape oro nditọ Israel ẹkesịbede do. 25  Ekem ke utịt usen aba+ mmọ ẹnyọn̄ ẹdi ke ẹma ẹkeyep isọn̄ oro. 26  Ntre mmọ ẹsan̄a ẹdisịm Moses ye Aaron ye ofụri esop nditọ Israel ke wilderness Paran, ke Kadesh.+ Ndien mmọ ẹda etop ẹsọk mmọ ye ofụri esop ẹnyụn̄ ẹwụt mmọ mbun̄wụm isọn̄ oro. 27  Ndien mmọ ẹbụk ẹnọ enye ẹte: “Nnyịn ima ika ikodụk isọn̄ emi afo ọkọdọn̄de nnyịn ika, ndien enye ọfiọrọ mmọn̄eba ye aranọkwọk,+ ndien se mbun̄wụm+ esie mi. 28  Edi se nnyịn ikụtde edi nte ke mbon oro ẹdụn̄de ke isọn̄ oro ẹdi n̄kpọsọn̄ owo, mme obio mmọ ẹnyene ibibene emi ẹkon̄de etieti;+ ndien, n̄ko, nnyịn ima ikụt nditọ Anak do.+ 29  Mbon Amalek+ ẹdụn̄ ke isọn̄ Negeb,+ mme Hittite ye mbon Jebus+ ye mme Amorite+ ẹnyụn̄ ẹdụn̄ ke ikpehe emi etiede obot obot, mbon Canaan+ ẹnyụn̄ ẹdụn̄ ke mbeninyan̄ ye ke mben Jordan.” 30  Ekem Caleb+ odomo ndinam mbio emi ẹdop uyo ke iso Moses onyụn̄ ọdọhọ ete: “Ẹyak nnyịn idọk ika do nnennen, ndien nnyịn iyada enye inyene, koro ke akpanikọ, nnyịn iyakan enye.”+ 31  Edi mbon oro ẹkesan̄ade ye enye ẹdọk ẹka ẹdọhọ ẹte: “Nnyịn idikemeke ndidọk n̄kan̄wana ye mbon oro, koro mmọ ẹkopde odudu ẹkan nnyịn.”+ 32  Ndien mmọ ẹdọdiọn̄ ẹnọ nditọ Israel idiọk etop+ ẹban̄a isọn̄ oro mmọ ẹkekade ẹkeyep, ẹte: “Isọn̄ oro nnyịn ikakade ikeyep edi isọn̄ oro adiade mme andidụn̄ enye; ndien kpukpru mbon oro nnyịn ikokụtde ẹdi ata nnyan owo.+ 33  Do ke nnyịn ikokụt mme Nephilim, nditọ Anak,+ emi ẹmanade ẹto mme Nephilim; tutu nnyịn idikabade itie nte mme ataktak ke enyịn nnyịn, inyụn̄ itie kpa ntre ke enyịn mmọ.”+

Mme Ikọ Idakisọn̄

Ọwọrọ “Etuek Grape.”