Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Numbers 1;1-54

1  Ndien ke akpa usen, ke ọyọhọ ọfiọn̄ iba, ke ọyọhọ isua iba, tọn̄ọ nte mmọ ẹkewọn̄ọ ke isọn̄ Egypt,+ Jehovah ọdọhọ Moses ke tent usopidem,+ ke wilderness Sinai,+ ete:  “Mbufo ẹbat+ ofụri esop nditọ Israel nte mme ubon mmọ ye ufọk mme ete mmọ ẹdide, ye nte ibat enyịn̄ mmọ ẹdide, kpukpru irenowo, owo mmọ kiet kiet,  ọtọn̄ọde ke owo isua edịp dọk,+ kpukpru owo emi ẹsikade ekọn̄ ke Israel.+ Afo ye Aaron ẹnyene ndisịn mmọ enyịn̄ ke n̄wed nte udịmekọn̄ mmọ ẹdide.  “Yak ndusụk owo ẹdu ye mbufo, owo kiet ke esien kiet kiet; mmọ kiet kiet ẹdi etubom ufọk mme ete mmọ.+  Ndien mmọ emi ẹdi enyịn̄ irenowo emi ẹdidade ye mbufo: Ke esien Reuben,+ Elizur+ eyen Shedeur;  ke esien Simeon,+ Shelumiel+ eyen Zurishaddai;  ke esien Judah,+ Nahshon+ eyen Amminadab;  ke esien Issachar,+ Nethanel+ eyen Zuar;  ke esien Zebulun,+ Eliab+ eyen Helon; 10  eke nditọ Joseph:+ ke esien Ephraim,+ Elishama eyen Ammihud; ke esien Manasseh,+ Gamaliel eyen Pedahzur; 11  ke esien Benjamin,+ Abidan+ eyen Gideoni; 12  ke esien Dan,+ Ahiezer+ eyen Ammishaddai; 13  ke esien Asher,+ Pagiel+ eyen Ochran; 14  ke esien Gad,+ Eliasaph+ eyen Deuel;+ 15  ke esien Naphtali,+ Ahira+ eyen Enan. 16  Mmọ emi ẹdi mbon oro ẹkotde ẹsio ke otu mbon esop, kpa mbọn̄+ esien mme ete mmọ. Mmọ ẹdi etubom mme tọsịn ke Israel.”+ 17  Ntre Moses ye Aaron ẹda irenowo emi ẹsiakde enyịn̄ mmọ mi. 18  Mmọ ẹnyụn̄ ẹkot ofụri esop ẹbon ọtọkiet ke akpa usen ke ọyọhọ ọfiọn̄ iba, man ẹfiọk ubon+ emi mmọ ẹtode ke ufọk mme ete mmọ, nte ibat enyịn̄ mmọ ẹdide, ọtọn̄ọde ke owo isua edịp dọk,+ owo mmọ kiet kiet, 19  kpa nte Jehovah okowụkde Moses; ndien enye esịn mmọ enyịn̄ ke n̄wed+ ke wilderness Sinai. 20  Ke otu nditọ Reuben, akpan+ Israel, nte emana mmọ ẹdide ke ubon mmọ ye ke ufọk mme ete mmọ, nte ibat enyịn̄ mmọ ẹdide, owo mmọ kiet kiet, ọtọn̄ọde ke owo isua edịp dọk, kpukpru irenowo emi ẹsikade ekọn̄, 21  mbon oro ẹsịnde enyịn̄ ke n̄wed ke esien Reuben, ẹdi owo tọsịn aba ye itiokiet ikie ition.+ 22  Ke otu nditọ Simeon,+ nte emana mmọ ẹdide ke ubon mmọ ye ke ufọk mme ete mmọ, mbonufọk esie emi ẹsịnde enyịn̄ ke n̄wed nte ibat enyịn̄ mmọ ẹdide, owo mmọ kiet kiet, ọtọn̄ọde ke owo isua edịp dọk, kpukpru irenowo emi ẹsikade ekọn̄, 23  mbon oro ẹsịnde enyịn̄ ke n̄wed ke esien Simeon ẹdi owo tọsịn aba ye efịtenan̄ ikie ita.+ 24  Ke otu nditọ Gad,+ nte emana mmọ ẹdide ke ubon mmọ ye ke ufọk mme ete mmọ, nte ibat enyịn̄ mmọ ẹdide ọtọn̄ọde ke owo isua edịp dọk, kpukpru owo emi ẹsikade ekọn̄, 25  mbon oro ẹsịnde enyịn̄ ke n̄wed ke esien Gad+ ẹdi owo tọsịn aba ye ition, ikie itiokiet ye aba ye duop.+ 26  Ke otu nditọ Judah,+ nte emana mmọ ẹdide ke ubon mmọ ye ke ufọk mme ete mmọ, nte ibat enyịn̄ mmọ ẹdide ọtọn̄ọde ke owo isua edịp dọk, kpukpru owo emi ẹsikade ekọn̄, 27  mbon oro ẹsịnde enyịn̄ ke n̄wed ke esien Judah ẹdi owo tọsịn ata ye duopenan̄ ikie itiokiet.+ 28  Ke otu nditọ Issachar,+ nte emana mmọ ẹdide ke ubon mmọ ye ke ufọk mme ete mmọ, nte ibat enyịn̄ mmọ ẹdide ọtọn̄ọde ke owo isua edịp dọk, kpukpru owo emi ẹsikade ekọn̄, 29  mbon oro ẹsịnde enyịn̄ ke n̄wed ke esien Issachar ẹdi owo tọsịn aba ye duopenan̄ ikie inan̄.+ 30  Ke otu nditọ Zebulun,+ nte emana mmọ ẹdide ke ubon mmọ ye ke ufọk mme ete mmọ, nte ibat enyịn̄ mmọ ẹdide ọtọn̄ọde ke owo isua edịp dọk, kpukpru owo emi ẹsikade ekọn̄, 31  mbon oro ẹsịnde enyịn̄ ke n̄wed ke esien Zebulun ẹdi owo tọsịn aba ye efịteba ikie inan̄.+ 32  Ke otu nditọ Joseph: eke nditọ Ephraim+ nte emana mmọ ẹdide ke ubon mmọ ye ke ufọk mme ete mmọ, nte ibat enyịn̄ mmọ ẹdide ọtọn̄ọde ke owo isua edịp dọk, kpukpru owo emi ẹsikade ekọn̄, 33  mbon oro ẹsịnde enyịn̄ ke n̄wed ke esien Ephraim+ ẹdi owo tọsịn aba ikie ition.+ 34  Ke otu nditọ Manasseh,+ nte emana mmọ ẹdide ke ubon mmọ ye ke ufọk mme ete mmọ, nte ibat enyịn̄ mmọ ẹdide ọtọn̄ọde ke owo isua edịp dọk, kpukpru owo emi ẹsikade ekọn̄, 35  mbon oro ẹsịnde enyịn̄ ke n̄wed ke esien Manasseh ẹdi owo tọsịn edịp ye duopeba ikie iba.+ 36  Ke otu nditọ Benjamin,+ nte emana mmọ ẹdide ke ubon mmọ ye ke ufọk mme ete mmọ, nte ibat enyịn̄ mmọ ẹdide ọtọn̄ọde ke owo isua edịp dọk, kpukpru owo emi ẹsikade ekọn̄, 37  mbon oro ẹsịnde enyịn̄ ke n̄wed ke esien Benjamin ẹdi owo tọsịn edịp ye efịt ikie inan̄.+ 38  Ke otu nditọ Dan,+ nte emana mmọ ẹdide ke ubon mmọ ye ke ufọk mme ete mmọ, nte ibat enyịn̄ mmọ ẹdide ọtọn̄ọde ke owo isua edịp dọk, kpukpru owo emi ẹsikade ekọn̄, 39  mbon oro ẹsịnde enyịn̄ ke n̄wed ke esien Dan ẹdi owo tọsịn ata ye iba ikie itiaba.+ 40  Ke otu nditọ Asher,+ nte emana mmọ ẹdide ke ubon mmọ ye ke ufọk mme ete mmọ, nte ibat enyịn̄ mmọ ẹdide ọtọn̄ọde ke owo isua edịp dọk, kpukpru owo emi ẹsikade ekọn̄, 41  mbon oro ẹsịnde enyịn̄ ke n̄wed ke esien Asher ẹdi owo tọsịn aba ye kiet ikie ition.+ 42  Ke otu nditọ Naphtali,+ nte emana mmọ ẹdide ke ubon mmọ ye ke ufọk mme ete mmọ, nte ibat enyịn̄ mmọ ẹdide ọtọn̄ọde ke owo isua edịp dọk, kpukpru owo emi ẹsikade ekọn̄, 43  mbon oro ẹsịnde enyịn̄ ke n̄wed ke esien Naphtali ẹdi owo tọsịn aba ye duopeta ikie inan̄.+ 44  Mmọ emi ẹdi mbon oro ẹkesịnde enyịn̄ ke n̄wed, emi Moses ekesịnde enyịn̄, ọkọrọ ye Aaron ye mbọn̄ Israel, owo duopeba. Mmọ kiet kiet ẹkeda ke ibuot ufọk mme ete mmọ. 45  Ndien kpukpru mbon oro ẹkesịnde enyịn̄ ke n̄wed ke otu nditọ Israel nte ufọk mme ete mmọ ẹdide ọtọn̄ọde ke owo isua edịp dọk, kpukpru owo emi ẹsikade ekọn̄ ke Israel, ẹdi, 46  ih, kpukpru mbon oro ẹkesịnde enyịn̄ ke n̄wed ẹkedi owo tọsịn ikie itiokiet ye ita, ikie ition ye aba ye duop.+ 47  Edi owo iketieneke isịn nditọ Levi+ enyịn̄ ke n̄wed nte esien mme ete mmọ ẹdide.+ 48  Ntre Jehovah ọdọhọ Moses ete: 49  “Esien Levi kpọt ke afo mûdusịnke enyịn̄ ke n̄wed, kûda ibat mmọ udian ke otu ibat nditọ Israel.+ 50  Nyụn̄ mek nditọ Levi ẹse ẹban̄a tent utuakibuot emi Ntiense+ odude ye kpukpru n̄kpoduoho esie ye kpukpru se idude ke esịt.+ Mmọ ẹdibiom tent utuakibuot ye kpukpru n̄kpoduoho esie,+ mmọ ẹdinyụn̄ ẹnam utom ke esịt;+ mmọ ẹnyụn̄ ẹnyene ndinam nna n̄kanade tent utuakibuot.+ 51  Ndien ke ini ẹyomde ndiwụhọde tent utuakibuot, nditọ Levi ẹdikpọk enye;+ ndien ke ini ẹyomde ndiwụk tent utuakibuot, nditọ Levi ẹdiwụk enye; ndien ẹnyene ndiwot owo efen ekededi eke asan̄ade ekpere.+ 52  “Ndien nditọ Israel ẹnyene ndinam nna ke itienna mmọ, owo kiet kiet ke otu esie emi esịnede esien ita+ ke udịmekọn̄ mmọ. 53  Ndien nditọ Levi ẹnyene ndinam nna n̄kanade tent utuakibuot emi Ntiense odude, mbak ndiyat esịt+ ye esop nditọ Israel; nditọ Levi ẹnyụn̄ ẹnyene ndinam utom tent utuakibuot emi Ntiense odude.”+ 54  Ndien nditọ Israel ẹnam kpukpru se Jehovah okowụkde Moses. Mmọ ẹnam kpa ntre.+

Mme Ikọ Idakisọn̄