Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Nehemiah 5;1-19

5  Ndien mbio obio ye iban mmọ ẹnen̄ede ẹseme+ ẹban̄a nditọete mmọ emi ẹdide mme Jew.+  Ndien ama odu mbon emi ẹdọhọde ẹte: “Nnyịn imọnọ nditọiren nnyịn ye nditọiban nnyịn ke ubiọn̄ man inyene wheat* idia idu uwem.”+  Ama onyụn̄ odu mbon emi ẹdọhọde ẹte: “Nnyịn imọnọ in̄wan̄ nnyịn ye in̄wan̄ vine nnyịn ye ufọk nnyịn ke ubiọn̄+ man ikpenyene wheat ke ini unana udia.”  Ndien odu mbon emi ẹkedọhọde ẹte: “Nnyịn imada mme in̄wan̄ nnyịn ye mme in̄wan̄ vine+ nnyịn ibuọt okụk ida ikpe utomo edidem.+  Ndien, ke emi, obụkidem nnyịn edi ukem ye obụkidem nditọete nnyịn;+ nditọiren nnyịn ẹdi ukem ye nditọiren mmọ, edi sese, nnyịn imosụhọde nditọiren nnyịn ye nditọiban nnyịn inịm ke ifịn,+ ẹma ẹnyụn̄ ẹsosụhọde ndusụk nditọiban nnyịn; ndien nnyịn inyeneke odudu ke adan̄aemi mme in̄wan̄ nnyịn ye mme in̄wan̄ vine nnyịn ẹdide eke mbon en̄wen.”  Ndien esịt ayat mi etieti ke ndondo oro n̄kopde eseme mmọ ye ikọ emi.  Ntre ami ntie n̄kere n̄kpọ emi ke esịt mi, nnyụn̄ nsua nnọ+ mbọn̄ ye mme udiana andikara, nnyụn̄ ndọhọ mmọ nte: “Mbufo owo kiet kiet ẹmebọ nditọete mbufo akwa udori.”+ N̄ko, ami ndiomi akwa esop ke ntak mmọ.+  Ndien ndọhọ mmọ nte: “Nte ukeme nnyịn edide, nnyịn ima ifak+ nditọete nnyịn emi ẹdide mme Jew oro ẹkenyamde ẹnọ mme idụt; ndi mbufo ke emi ẹmọn̄ ẹnyam nditọete+ mbufo, nte mbufo ẹdinyam mmọ ẹnọ nnyịn?” Ntem mmọ isioroke uyo, inyụn̄ ikwe se ẹbọrọde.+  Ndien ami ndọhọ nte: “Se mbufo ẹnamde ifọnke.+ Nte mbufo ikpasan̄ake ke mbak+ Abasi+ nnyịn ke ntak esuene+ mme idụt, kpa mme asua nnyịn?+ 10  Ndien n̄ko ami, nditọete mi ye mme asan̄autom mi imọnọ mmọ okụk ye wheat ke ebuọt. Mbọk ẹyak nnyịn itre ndinọ ebuọt emi ke udori.+ 11  Mbọk, ẹfiak ẹyak in̄wan̄+ mmọ, ye in̄wan̄ vine mmọ ye in̄wan̄ olive mmọ ye ufọk mmọ, ye mbahade kiet ke itie ikie ke okụk mmọ ye wheat mmọ, obufa wine ye aran oro mbufo ẹkebọde mmọ ke udori, ẹnọ mmọ mfịn emi.” 12  Ntem mmọ ẹbọrọ ẹte: “Nnyịn iyafiak iyak inọ+ mmọ, idinyụn̄ iyomke n̄kpọ ndomokiet+ ke esịt. Nnyịn iyanam kpa nte afo ọdọhọde.”+ Ntre ami n̄kot mme oku nnyụn̄ nnam mmọ ẹn̄wọn̄ọ ke iyanam kpasụk ntre.+ 13  Ndien n̄ken̄ ikpanesịt ọfọn̄idem mi nnyụn̄ ndọhọ nte: “Ata Abasi akpakam eken̄ kpukpru owo eke mînamke ikọ emi ntem osio ke ufọk ye inyene esie; ndien enye akpakam eken̄ enye osio tutu enye edi ukpọk.” Ntem ofụri esop ẹbọrọ: “Amen!”+ Ndien mmọ ẹtọn̄ọ nditoro Jehovah.+ Mmọ ẹnyụn̄ ẹnam nte ekemde ye ikọ emi.+ 14  N̄kpọ en̄wen: Toto ke usen emi enye ekenịmde mi nte andikara+ ke isọn̄ Judah, ọtọn̄ọde ke ọyọhọ isua edịp+ esịm ọyọhọ isua edịp ye duopeba+ emi Edidem Artaxerxes+ akarade, oro edi isua duopeba, ami ye nditọete mi ikataha uyo oro ẹsinọde andikara.+ 15  Amaedi n̄kani mme andikara emi ẹkebemde mi iso, mmọ ẹma ẹfịk mme owo, ẹnyụn̄ ẹbọ mmọ shekel silver aba ke usen ke usen ndida ndep uyo ye wine. Mme asan̄autom mmọ ẹnyụn̄ ẹkara mme owo.+ Edi ami n̄kanamke ntem+ ke ntak mbak Abasi.+ 16  Ndien, ami n̄ko mma nsịn ifịk nnam utom edibọp ibibene emi,+ nnyịn ikonyụn̄ inyeneke baba in̄wan̄+ kiet; ndien kpukpru mme asan̄autom mi ẹsop idem ọtọkiet do ndinam utom emi. 17  Ndien mme Jew ye mme udiana andikara, irenowo ikie ye aba ye duop, ye mbon oro ẹtode mme idụt emi ẹkande nnyịn ẹkụk ẹdu ye ami ke okpokoro.+ 18  Ndien se ẹnamde ẹnọ mi ke usen ke usen ekedi ayara enan̄ kiet, nti erọn̄ itiokiet ye mme inuen, ọkọrọ ye nsio nsio orụk wine+ barasuene. Edi kpa ye oro, n̄koyomke uyo emi ẹsinọde andikara, koro utom okokponde ọnọ mme owo. 19  O Abasi mi, ti+ ndifọn mfọn ye ami, ke kpukpru se nnamde ke ibuot mbio emi.+

Mme Ikọ Idakisọn̄

Mîdịghe, emi ekeme ndidi “barley.”