Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Nehemiah 3;1-32

3  Ndien Eliashib+ akwa oku ye nditọete esie, mme oku, ẹdaha ẹda ẹbọp Inuaotop Erọn̄.+ Mmọ ẹnam enye asana+ ẹnyụn̄ ẹdọn̄ mme usụn̄; ẹnyụn̄ ẹnam enye asana tutu esịm Tọwa Meah+ ye Tọwa Hananel.+  Ndien mbon Jericho+ ẹbọp ẹdiana mmọ. Zaccur eyen Imri onyụn̄ ọbọp adiana mmọ.  Nditọ Hassenaah ẹbọp Inuaotop Iyak;+ mmọ ẹkenam obubọk esie+ ndien ekem ẹdọn̄ mme usụn̄ esie,+ ye mme ukwak usịnusụn̄ esie ye mme eto usịnusụn̄ esie.+  Ndien Meremoth+ eyen Urijah+ eyen Hakkoz ada adiana mmọ ke utom edidiọn̄, Meshullam+ eyen Berechiah eyen Meshezabel onyụn̄ ada adiana mmọ ke utom edidiọn̄; ndien Zadok eyen Baana ada adiana mmọ ke utom edidiọn̄.  Mbon Tekoa+ ẹda ẹdiana mmọ ke utom edidiọn̄ emi; edi ikpọ owo+ mmọ ikosụkke ibuot inam utom ke idak mme eteufọk mmọ.  Ndien Joiada eyen Paseah ye Meshullam eyen Besodeiah ẹdiọn̄ Inuaotop Akani Obio;+ mmọ ẹkesiak eto ndien ekem ẹdọn̄ mme usụn̄ esie ye mme ukwak usịnusụn̄ esie ye mme eto usịnusụn̄ esie.+  Ndien Melatiah owo Gibeon+ ye Jadon owo Meronoth,+ mbon Gibeon+ ye Mizpah+ emi ẹdude ke idak andikara+ edem Akpa+ oko, ẹda ẹdiana mmọ ke utom edidiọn̄.  Uzziel eyen Harhaiah, odom-gold+ ada adiana enye ke utom edidiọn̄; ndien Hananiah kiet ke otu mme anam edifuọn̄ aran+ ada adiana enye ke utom edidiọn̄; ndien mmọ ẹbri mbatmbat itiat ke Jerusalem tutu esịm Ntatara Ibibene.+  Ndien Rephaiah eyen Hur, kpa ọbọn̄ ubak mbahade ikpehe Jerusalem, ada adiana mmọ ke utom edidiọn̄. 10  Ndien Jedaiah eyen Harumaph ada adiana mmọ ke utom edidiọn̄ ke iso ufọk esiemmọ;+ ndien Hattush eyen Hashabneiah ada adiana enye ke utom edidiọn̄. 11  Ndien Malchijah eyen Harim+ ye Hasshub eyen Pahath-moab+ ẹdiọn̄ ikpehe efen emi ẹkedomode, ọkọrọ ye Tọwa Usan̄uyo.+ 12  Ndien Shallum eyen Hallohesh, kpa ọbọn̄+ ubak mbahade ikpehe Jerusalem, enye ye nditọ esie iban, ẹda ẹdiana enye ke utom edidiọn̄. 13  Hanun ye mme andidụn̄ Zanoah+ ẹkediọn̄ Inuaotop Itịghede;+ mmọ ẹkebọp enye ẹnyụn̄ ẹdọn̄ mme usụn̄ esie,+ ye mme ukwak usịnusụn̄+ esie ye mme eto usịnusụn̄+ esie ẹnyụn̄ ẹbọp ibibene emi ọniọn̄de cubit tọsịn kiet tutu esịm Inuaotop Ebok Ntọn̄.+ 14  Ndien Malchijah eyen Rechab, kpa ọbọn̄ ikpehe Beth-haccherem+ ọkọdiọn̄ Inuaotop Ebok Ntọn̄; enye ọkọbọp enye onyụn̄ ọdọn̄ mme usụn̄ esie, ye mme ukwak usịnusụn̄ esie ye mme eto usịnusụn̄ esie. 15  Ndien Shallun eyen Colhozeh, kpa ọbọn̄ ikpehe Mizpah+ ọkọdiọn̄ Inuaotop Idịm Mmọn̄;+ enye ọkọbọp onyụn̄ odori ọkọm onyụn̄ ọdọn̄ mme usụn̄+ esie, ye mme ukwak usịnusụn̄ esie ye mme eto usịnusụn̄ esie, n̄ko ye ibibene N̄kpọdiọhọ Mmọn̄+ Edịk emi adade esịm In̄wan̄esa Edidem+ tutu ekesịm Udịghiukot+ emi otode Obio David+ osụhọde. 16  Nehemiah eyen Azbuk, kpa ọbọn̄ ubak mbahade ikpehe Beth-zur+ ada adiana enye ke utom edidiọn̄ tutu esịm iso Itie Ubụkowo+ David ye n̄kpọdiọhọ mmọn̄+ emi ẹkenamde onyụn̄ esịm Ufọk N̄kpọsọn̄ Owo.+ 17  Ndien nditọ Levi,+ emi Rehum eyen Bani+ akadade usụn̄, ẹda ẹdiana enye ke utom edidiọn̄; ndien Hashabiah, kpa ọbọn̄ ubak mbahade ikpehe Keilah+ ada adiana enye ke utom edidiọn̄ eke ikpehe obio esie. 18  Ndien nditọete mmọ ẹda ẹdiana enye ke utom edidiọn̄, Bavvai eyen Henadad, kpa ọbọn̄ ubak mbahade ikpehe Keilah, akada mmọ usụn̄. 19  Ndien Ezer eyen Jeshua+ kpa ọbọn̄ Mizpah,+ ada adiana enye ọdiọn̄ ikpehe efen emi ẹdomode ke iso itie emi ẹsan̄ade ẹdọk Ufọk N̄kpọekọn̄ ke Adaha Ibibene.+ 20  Ndien Baruch eyen Zabbai+ esịn idem+ anam utom onyụn̄ ọdiọn̄ ikpehe efen emi ẹdomode, ọtọn̄ọde ke Adaha Ibibene tutu esịm inuaotop ufọk Eliashib+ kpa akwa oku. 21  Ndien Meremoth eyen Urijah+ kpa eyen Hakkoz ada adiana enye ọdiọn̄ ikpehe efen emi ẹdomode, ọtọn̄ọde ke inuaotop ufọk Eliashib tutu esịm ebiet emi ufọk Eliashib etrede. 22  Ndien mme oku, kpa mbon Ikpehe Jordan,+ ẹda ẹdiana enye ke utom edidiọn̄. 23  Ndien Benjamin ye Hasshub ẹda ẹdiana mmọ ke utom edidiọn̄ emi ke iso ufọk mmọ. Azariah eyen Maaseiah eyen Ananiah onyụn̄ ada adiana mmọ anam utom edidiọn̄ emi ekpere ufọk esie. 24  Binnui eyen Henadad ada adiana enye ọdiọn̄ ikpehe efen emi ẹdomode, ọtọn̄ọde ke ufọk Azariah tutu esịm Adaha Ibibene+ onyụn̄ esịm inụk. 25  Palal eyen Uzai ada adiana enye ke utom edidiọn̄ ke iso Adaha Ibibene ye tọwa emi ọwọrọde ke Ufọk Edidem,+ eke enyọn̄ enyọn̄ Okụre Ufọk Ukpeme.+ Ndien Pedaiah eyen Parosh+ ada adiana enye. 26  Ndien mme Nethinim+ ẹkedụn̄ ke Ophel;+ edi mmọ ẹkenam utom edidiọn̄ tutu esịm iso Inuaotop Mmọn̄+ ke n̄kan̄ edem usiahautịn ye tọwa emi ọwọrọde ada. 27  Mbon Tekoa+ ẹda ẹdiana mmọ ẹdiọn̄ ikpehe efen emi ẹdomode, ọtọn̄ọde ke akwa tọwa emi ọwọrọde ada tutu esịm ibibene Ophel. 28  Ndien mme oku ẹnam utom edidiọn̄ ke enyọn̄ Inuaotop Enan̄-mbakara,+ owo kiet kiet ke iso ufọk esiemmọ. 29  Zadok+ eyen Immer ada adiana mmọ ke utom edidiọn̄, ke iso ufọk esiemmọ. Ndien Shemaiah eyen Shecaniah kpa andikpeme Inuaotop Edem Usiahautịn+ ada adiana enye ke utom edidiọn̄. 30  Ndien Hananiah eyen Shelemiah ye Hanun ọyọhọ eyen Zalaph itiokiet ẹda ẹdiana enye ẹdiọn̄ ikpehe efen emi ẹdomode. Ndien Meshullam+ eyen Berechiah onyụn̄ ada adiana enye ke utom edidiọn̄ ke iso ufọk* esiemmọ.+ 31  Ndien Malchijah, owo n̄ka mme odom-gold,+ ada adiana mmọ ke utom edidiọn̄ tutu esịm ufọk mme Nethinim+ ye mme anyamurua,+ ke iso Inuaotop Unam Ndụn̄ọde tutu esịm ubet enyọn̄ ufọk inụk. 32  Ndien mme odom-gold ye mme anyamurua ẹdiọn̄ ufọt ubet enyọn̄ ufọk inụk ye Inuaotop Erọn̄.+

Mme Ikọ Idakisọn̄

M̀mê, “ubet.”