Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Nehemiah 2;1-20

2  Edikem ke ọfiọn̄ Nisan,+ ke ọyọhọ isua edịp+ emi Edidem Artaxerxes+ akarade, wine onyụn̄ ọdiọhọ enye ke iso, ndien ami mmen wine oro nnọ edidem nte nsinamde.+ Edi akananam ntiehe mfụhọ mfụhọ ke iso esie.+  Ntre edidem obụp mi ete: “Nso inam iso etiede fi mfụhọ mfụhọ+ ke ini afo mûdọn̄ọke? Emi idịghe n̄kpọ efen ikan mfụhọ esịt.”+ Ntem ndịk anam mi etieti.  Ndien ami ndọhọ edidem nte: “Itọn̄ uwem ọsọn̄ edidem ke nsinsi!+ Ntak emi iso mîkpetiehe mi mfụhọ mfụhọ ke adan̄aemi obio+ emi ẹkebụkde mme ete ete mi+ anade ndon, mme inuaotop esie ẹnyụn̄ ẹtade ikan̄?”+  Ekem edidem obụp mi ete: “Nso ke afo oyom?”+ Inikiet inikiet ami mbọn̄ akam+ nnọ Abasi enyọn̄.+  Ekem mbọrọ edidem nte: “Edieke ọfọnde edidem ke enyịn,+ edieke asan̄autom fo onyụn̄ okụtde mfọn ke iso fo,+ dọn̄ mi n̄ka Judah, kpa obio emi mme ete ete mi ẹbụhọde, man n̄kafiak mbọp+ enye.”  Ntem edidem ọdọhọ mi, ke adan̄aemi ọbọn̄ an̄wan esie etiede enye ke n̄kan̄, ete: “Isan̄ fo edibịghi didie, afo edinyụn̄ ọnyọn̄ edi ini ewe?” Ntre ọfọn+ edidem ke enyịn ndidọn̄ mi n̄ka, ke mma n̄kasian enye ini oro nnịmde.+  Ndien ndọhọ edidem nte: “Edieke edidem amade, yak ẹnọ mi leta+ nda nsọk mme andikara+ edem Akpa*+ oko, man mmọ ẹyak mi mbe n̄kesịm Judah;  yak ẹnọ mi leta n̄ko nda nsọk Asaph, andikpeme akai edidem, man enye ọnọ mi eto eke ndidade nnam mme inuaotop Ọkpọsọn̄ Ebiet+ temple,+ ye eke ibibene+ obio ye eke ufọk emi ndidụn̄de.” Ntre edidem ọnọ mi leta, koro eti ubọk Abasi mi odude ye ami.+  Ekem ami ndi ndisịm mme andikara+ edem Akpa oko nnyụn̄ nnọ mmọ leta edidem. N̄ko-n̄ko, edidem ama ọdọn̄ mme etubom udịmekọn̄ ye mme awat enan̄-mbakara ẹsan̄a ye ami. 10  Ke ini Sanballat+ owo Beth-horon,+ ye Tobiah+ owo Ammon+ emi edide isụn̄utom, ẹkopde n̄kpọ emi, mmọ ẹse enye ke ata idiọkn̄kpọ,+ nte ke owo edi ndiyom se ifọnde nnọ nditọ Israel. 11  Ndien ndi ndisịm Jerusalem, nnyụn̄ ndu do usen ita. 12  Ekem ndaha ke enyọn̄ ke okoneyo, irenowo ifan̄ ẹnyụn̄ ẹsan̄a ye ami, ami nnyụn̄ ntịn̄ke nnọ baba owo kiet+ se Abasi mi esịnde mi ke esịt ete nnam nnọ Jerusalem,+ ndien ufene baba kiet ikodụhe ye ami ke mîbọhọke ufene oro n̄kawatde. 13  Ndien ami ndaha nsan̄a Inuaotop Itịghede+ ke okoneyo n̄wọrọ nnyụn̄ mbe ke iso Idịm Mmọn̄ Akamba Urụkikọt n̄kesịm Inuaotop Ebok Ntọn̄,+ ndien ntịm nse mme ibibene+ Jerusalem, nte mmọ ẹwụrede ye nte mme inuaotop+ esie ẹketade ikan̄. 14  Ndien nsan̄a ke Inuaotop Idịm Mmọn̄+ mbe n̄kesịm N̄kpọdiọhọ Mmọn̄ Edidem, itie inyụn̄ idụhe inọ ufene oro ndorode ke enyọn̄ esie ndisan̄a mbe. 15  Ndien nsan̄a itịghede+ oro ndọk ke okoneyo, nnyụn̄ ntịm nse ibibene oro; ekem mfiak edem nnyụn̄ ndito Inuaotop Itịghede+ ndụk, ndien mfiak edem. 16  Ndien mme udiana andikara+ ikọdiọn̄ọke ebiet emi n̄kakade ye se n̄kanamde; n̄konyụn̄ ntịn̄ke kan̄a n̄kpọ ndomokiet nnọ mme Jew ye mme oku ye mbọn̄ ye mme udiana andikara ye mbon eken emi ẹkenamde utom. 17  Ekem ndọhọ mmọ nte: “Mbufo ẹmekụt idiọk idaha emi nnyịn idude, nte Jerusalem anade ndon ye nte mme inuaotop esie ẹnyụn̄ ẹtade ikan̄. Mbufo ẹdi nnyịn ifiak ibọp ibibene Jerusalem, mbak nnyịn idika iso idi n̄kpọ esuene.”+ 18  Ndien ami ntịn̄ nnọ mmọ mban̄a ubọk+ Abasi mi, nte enye okodude ye ami,+ n̄ko ye se edidem eketịn̄de+ ye ami. Ntem mmọ ẹdọhọ ẹte: “Ẹyak nnyịn idaha ke enyọn̄ inyụn̄ ibọp.” Ntre mmọ ẹsịn udọn̄ ẹnọ kiet eken ndinam eti utom emi.+ 19  Ndien ke ini Sanballat,+ owo Beth-horon ye Tobiah,+ owo Ammon+ emi edide isụn̄utom,+ ye Geshem+ owo Arabia,+ ẹkopde n̄kpọ emi, mmọ ẹtọn̄ọ ndisak nnyịn nsahi+ nnyụn̄ nsịn nnyịn ke ndek, ẹte: “Nso ke mbufo ẹnanam emi? Nte mbufo ẹsọn̄ ibuot ye edidem?”+ 20  Ndien ami mbọrọ nnyụn̄ ndọhọ mmọ nte: “Abasi enyọn̄+ edi Enye emi edinamde nnyịn ikụt unen,+ ndien nnyịn ke idem nnyịn, kpa mme asan̄autom esie, iyadaha ida inyụn̄ ibọp; edi mbufo inyeneke udeme+ m̀mê unen m̀mê n̄kpọ editi+ ndomokiet ke Jerusalem.”

Mme Ikọ Idakisọn̄

Oro edi, “Euphrates.”