Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Nehemiah 10;1-39

10  Ndien mmọ emi ẹkedade ufịkn̄kpọ+ ẹfịk idiọn̄ọ ẹkedi: Nehemiah+ owo Tirshatha,+ eyen Hacaliah,+ Ye Zedekiah,  Seraiah,+ Azariah, Jeremiah,  Pashhur, Amariah, Malchijah,  Hattush, Shebaniah, Malluch,  Harim,+ Meremoth, Obadiah,  Daniel,+ Ginnethon, Baruch,  Meshullam, Abijah, Mijamin,  Maaziah, Bilgai ye Shemaiah, mmọ emi ẹkedi mme oku.  N̄ko nditọ Levi: Jeshua+ eyen Azaniah, Binnui ke otu nditọ Henadad,+ Kadmiel 10  ye nditọete mmọ Shebaniah,+ Hodiah, Kelita, Pelaiah, Hanan, 11  Mica, Rehob, Hashabiah, 12  Zaccur, Sherebiah,+ Shebaniah, 13  Hodiah, Bani, ye Beninu. 14  Mme etubom mbio obio: Parosh, Pahath-moab,+ Elam, Zattu, Bani, 15  Bunni, Azgad, Bebai, 16  Adonijah, Bigvai, Adin, 17  Ater, Hezekiah, Azzur, 18  Hodiah, Hashum, Bezai, 19  Hariph, Anathoth, Nebai, 20  Magpiash, Meshullam, Hezir, 21  Meshezabel, Zadok, Jaddua, 22  Pelatiah, Hanan, Anaiah, 23  Hoshea, Hananiah, Hasshub, 24  Hallohesh, Pilha, Shobek, 25  Rehum, Hashabnah, Maaseiah, 26  ye Ahijah, Hanan, Anan, 27  Malluch, Harim, Baanah. 28  Amaedi mbon eken, mme oku,+ nditọ Levi,+ mme ekpeme-inuaotop,+ mme ọkwọikwọ,+ mme Nethinim+ ye kpukpru owo oro ẹkedian̄arede idem ẹkpọn̄ mbon isọn̄+ oro man ẹnịm ibet+ ata Abasi, ibanndọ mmọ, nditọiren mmọ ye nditọiban mmọ, ye kpukpru owo emi ẹnyenede ibuot ẹnyụn̄ ẹfiọkde n̄kpọ,+ 29  mmọ ẹkediana ye nditọete mmọ,+ ikpọ owo mmọ,+ ẹn̄wọn̄ọ un̄wọn̄ọ+ emi asan̄ade ye isụn̄i,+ ndisan̄a ke ibet ata Abasi, emi ẹkenọde ẹbe ke ubọk Moses asan̄autom ata Abasi,+ ndinịm+ nnyụn̄ nnam kpukpru mme ibet Jehovah Ọbọn̄+ nnyịn ye mme ubiereikpe esie ye mme ewụhọ+ esie; 30  ye nte ke nnyịn inyeneke ndinọ mbon isọn̄ oro nditọiban nnyịn, inyụn̄ inyeneke ndida nditọiban mmọ nnọ nditọiren nnyịn.+ 31  Amaedi mbon isọn̄ oro,+ emi ẹdade mme n̄kpọurua ye kpukpru orụk udia* ke usen sabbath ẹdi ndinyam, nnyịn inyeneke ndibọ mmọ n̄kpọ ndomokiet ke sabbath+ m̀mê ke edisana usen,+ nnyịn inyụn̄ inyene ndiyak isọn̄ ọduọk odudu ke ọyọhọ isua itiaba+ inyụn̄ iyak kpukpru isọn ẹtak.+ 32  N̄ko nnyịn imowụk idem nnyịn ewụhọ ite ke nnyịn owo kiet kiet iyọnọ ọyọhọ ubak shekel ita kpukpru isua ke utom ufọk Abasi nnyịn,+ 33  kaban̄a uyo emi ẹtan̄de-tan̄ ẹkọk+ ye uwa n̄kpasịp ofụri ini+ ye edifọp uwa ofụri ini ke mme sabbath,+ ye kaban̄a mbufa ọfiọn̄,+ ye kaban̄a usọrọ edikem ini+ ye kaban̄a ndisana+ n̄kpọ ye uwa idiọkn̄kpọ+ ndida nsio isop nnọ Israel nnyụn̄ nda nnam kpukpru utom ufọk Abasi.+ 34  N̄ko, nnyịn ima isịn afia+ iban̄a ifia+ emi mme oku, nditọ Levi ye mbio obio ẹnyenede ndida ndi ufọk Abasi nnyịn, nte ufọk mme ete ete nnyịn edide, ke ini oro ẹnịmde, ke isua ke isua, man ẹda ẹbara ikan̄ ke itieuwa Jehovah Abasi nnyịn,+ nte ekemde ye se ẹkewetde ke ibet;+ 35  ndinyụn̄ nda akpa mfri eke ẹdatde ke isọn̄+ nnyịn ye akpa mfri eke ẹdatde ke kpukpru mbun̄wụm ke kpukpru orụk eto,+ ke isua ke isua, ndi ufọk Jehovah; 36  ye akpan+ ke otu nditọ nnyịn ye akpa ke otu ufene+ nnyịn, nte ekemde ye se ẹwetde ke ibet,+ akpa ke otu enan̄ nnyịn ye ke otu erọn̄+ nnyịn, ndida mmọ ndi ufọk Abasi nnyịn, ndinọ mme oku emi ẹsan̄ade utom ufọk Abasi nnyịn.+ 37  N̄ko, nnyịn inyene ndida akpa mbun̄wụm wheat emi ẹkọkde+ ye mme etịbe+ nnyịn ye mbun̄wụm kpukpru orụk eto,+ obufa wine+ ye aran+ nsọk mme oku ke ufọk udia+ ufọk Abasi nnyịn, nnyịn inyụn̄ inyene ndinọ nditọ Levi+ ọyọhọ mbak duop ke se itode isọn̄ nnyịn, koro mmọ nditọ Levi ẹdi mmọ emi ẹbọde ọyọhọ mbak duop ke kpukpru mme obio nnyịn emi ẹtọde in̄wan̄. 38  Ndien oku kpa eyen Aaron, enyene ndidu ye nditọ Levi ke ini nditọ Levi ẹbọde ọyọhọ mbak duop; ndien nditọ Levi ẹnyene ndisio ọyọhọ mbak duop ke ọyọhọ mbak duop oro ndinọ ke ufọk Abasi nnyịn,+ ke itie unịmn̄kpọ ufọk udia.+ 39  Koro nditọ Israel ye nditọ Levi ẹnyene ndida etịbe+ n̄kpasịp ye obufa wine+ ye aran, ndi ufọk udia, ndien do ke n̄kpoduoho edisana ebiet ye mme oku emi ẹsan̄ade utom+ ẹdu, ọkọrọ ye mme ekpeme-inuaotop+ ye mme ọkwọikwọ;+ ndien nnyịn inyeneke ndifre ufọk Abasi nnyịn.+

Mme Ikọ Idakisọn̄

Eyedi wheat m̀mê barley.