Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Nahum 1;1-15

1  Etop emi aban̄a Nineveh:+ N̄wed n̄kukụt Nahum, owo Elkosh:  Jehovah edi Abasi emi oyomde san̄asan̄a utuakibuot+ onyụn̄ osiode usiene; Jehovah osio usiene+ onyụn̄ ofụt esịt.+ Jehovah osio mme asua+ esie usiene, onyụn̄ ayat esịt ye mme asua esie.+  Jehovah isọpke iyatesịt,+ enye onyụn̄ enen̄ede okop odudu,+ edi Jehovah iditreke ndinọ ufen.+ Ofụm nsobo ye oyobio ẹdi usụn̄ esie, obubịt enyọn̄ onyụn̄ edi ntọn̄ ikpat esie.+  Enye aduat inyan̄,+ onyụn̄ anam enye asat; enye onyụn̄ anam mmọn̄ asat ke kpukpru akpa.+ Bashan ye Carmel ẹmeyemede,+ nsehe Lebanon omonyụn̄ eyemede.  Ikpọ obot ẹmenyek ke ntak esie, n̄kpri obot ẹmenyụn̄ ẹtara.+ Iso esie eyesịn isọn̄ enyek; ọkọrọ ye ererimbot ye kpukpru mme andidụn̄ ke esịt.+  Anie ekeme ndida ke ini enye ofụtde esịt?+ Anie onyụn̄ ekeme ndida ke ikan̄-ikan̄ iyatesịt esie?+ Enye ayan̄wan̄a ifụtesịt esie ọduọk nte ikan̄,+ ikpọ itiat ẹyenyụn̄ ẹduọn̄ọ ke ntak esie.  Jehovah ọfọn,+ onyụn̄ edi ọkpọsọn̄ ebiet+ ke usen nnanenyịn.+ Enye onyụn̄ ọfiọk mmọ eke ẹyomde ubọhọ ẹto enye.+  Enye ayada mmọn̄ ukwọ eke asan̄ade ebe osobo obio oro ofụri ofụri,+ ekịm oyonyụn̄ ebịne mme asua esie.+  Nso ke mbufo ẹdiduak ẹban̄a Jehovah?+ Enye oyosobo ofụri ofụri. Nnanenyịn iditọn̄ọke aba ntak idu.+ 10  Okposụkedi mmọ ẹban̄de nte ikọt n̄kukịm+ ẹnyụn̄ ẹkpade mmịn nte ẹn̄wọn̄ beer+ emi ẹdade wheat ẹnam, ikan̄ ayata mmọ nte nyanyan̄a eke asatde ama.+ 11  Owo eke aduakde idiọk aban̄a Jehovah,+ onyụn̄ ọnọde item eke mînyeneke ufọn,+ oyoto fi ke esịt ọwọrọ. 12  Ntem ke Jehovah ọdọhọ ete: “Okposụkedi mmọ ẹkenyenede kpukpru n̄kpọ, mmọ eke ẹtiede ntem ẹnyụn̄ ẹwakde, idem kpa ye oro, ẹyesịbe mmọ ẹfep;+ ndien owo ayasan̄a ke ufọt mmọ ebe. Ndien nyotụhọde fi, mbak nditọn̄ọ ntak ntụhọde fi.+ 13  Ndien ke emi nyobụn̄ ọkpọnọ esie mfep ke itọn̄ fo,+ nyonyụn̄ n̄kịbi n̄kpọkọbi emi ẹdade ẹkọbi fi.+ 14  Ndien Jehovah ọmọnọ ewụhọ aban̄a fi ete, ‘Owo iditọn̄ọke aba ntak itọ baba n̄kpọ kiet eke ekerede enyịn̄ fo.+ Nyesịbe edisọi mbiet ye editara mbiet mfep ke ufọk mme abasi fo.+ Nyanam udi nnọ fi,+ koro afo udịghe n̄kpọ ndomokiet.’ 15  “Sese! Ikpat owo emi adade eti mbụk edi ke enyọn̄ ikpọ obot, enye emi ọkwọrọde emem.+ O Judah, dia usọrọ fo.+ Sio mme akan̄a fo;+ koro obukpo owo baba kiet mîditọn̄ọke ntak isan̄a ke ufọt fo ibe.+ Ẹyesịbe enye ẹfep ofụri ofụri.”+

Mme Ikọ Idakisọn̄