Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 98;1-9

Ikwọ. 98  Mbufo ẹkwọ obufa ikwọ ẹnọ Jehovah,+Koro mme n̄kpọ emi enye anamde ẹdide utịbe.+Ubọk nnasia esie, kpa edisana ubọk esie, amada edinyan̄a esie edi.+   Jehovah amanam ẹfiọk edinyan̄a esie;+Enye ayarade edinen ido esie ke iso mme idụt.+   Enye emeti ima-mfọnido esie ye edinam akpanikọ esie emi enye okowụtde ufọk Israel.+Kpukpru mme utịt isọn̄ ẹmekụt edinyan̄a emi Abasi nnyịn ọnọde.+   Mbufo kpukpru mbio isọn̄, ẹsio n̄kpo edikan ẹnọ Jehovah.+Ẹdat esịt ẹnyụn̄ ẹsio n̄kpo idara ẹnyụn̄ ẹkwọ edinem ikwọ.+   Ẹda harp ẹkwọ edinem ikwọ ẹnọ Jehovah,+Ẹda harp ye uyo edinem ikwọ.+   Ẹda obukpon̄ ye uyom nnụk+Ẹsio n̄kpo edikan ke iso Jehovah, kpa Edidem.   Yak inyan̄ okpot ye se iyọhọde ke esịt,+Isọn̄ ye mme andidụn̄ enye.+   Yak mme akpa mmọn̄ ẹkwak ubọk;Yak kpukpru mme obot ẹsio n̄kpo idara+   Ke iso Jehovah, koro enye emedi ndikpe ikpe nnọ isọn̄.+Enye eyekpe ikpe ọnọ isọn̄ ke edinen ido+Onyụn̄ ekpe ikpe mme owo nte enende.+

Mme Ikọ Idakisọn̄