Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 97;1-12

97  Jehovah amakabade edi edidem!+ Yak isọn̄ adara.+Yak ediwak isuo ẹdat esịt.+   Obubịt enyọn̄ ye ọkpọsọn̄ ekịm ẹdu ẹkanade enye;+Edinen ido ye edinen ikpe ẹdi iwụk ebiet ebekpo esie.+   Ikan̄ asan̄a enye ke iso,+Onyụn̄ ata mme asua esie akanade.+   Emịnen̄mịnen̄ esie esịn un̄wana ke isọn̄;+Isọn̄ okụt onyụn̄ odu ke ọkpọsọn̄ ubiak.+   Mme obot ẹtara nte obukpa ọkwọk ke ntak Jehovah,+Ke ntak Ọbọn̄ ofụri isọn̄.+   Mme heaven ẹmebụk edinen ido esie,+Kpukpru owo ẹnyụn̄ ẹkụt ubọn̄ esie.+   Yak bụt anam kpukpru mbon emi ẹnamde n̄kpọ ẹnọ edisọi mbiet ekededi,+Mbon oro ẹbụrede mbụre ke mme abasi eke mînyeneke ufọn.+Mbufo kpukpru mme abasi, ẹnụhọ ẹnọ enye.+   Zion okop onyụn̄ adat esịt,+N̄kpri obio Judah ẹnyụn̄ ẹdara+Ke ntak mme ubiereikpe fo, O Jehovah.+   Koro afo, O Jehovah, edide Ata Edikon̄ ke ofụri isọn̄;+Afo emenen̄ede okon̄ ke edikon̄ ebiet fo akan kpukpru mme abasi eken.+ 10  O mbufo emi ẹmade Jehovah,+ ẹsua se idiọkde.+Enye ekpeme ukpọn̄ mbon oro ẹsọn̄ọde ẹda ye enye;+Anyan̄a mmọ osio ke ubọk mme idiọkowo.+ 11  Un̄wana amayama ọnọ edinen owo,+Mbon emi esịt mmọ enende ẹnyụn̄ ẹkop idatesịt.+ 12  Ẹdat esịt ke Jehovah, O mbufo ndinen owo,+Ẹnyụn̄ ẹnọ ekọm ke edisana n̄kpọ emi ẹdade ẹti enye.+

Mme Ikọ Idakisọn̄