Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 94;1-23

94  O Jehovah, Abasi usiene,+O Abasi usiene, yama!+   Menede idem, O Ebiereikpe ererimbot.+Sio mbon iseri usiene.+   Adan̄a didie, O Jehovah,+Adan̄a didie ke mme idiọkowo ẹdidara?+   Mmọ ẹmen̄wan̄a ikọ, mmọ ẹtịn̄ ikọ inyeneke ufat;+Kpukpru mbon ibak ẹbụre mbụre ẹban̄a idemmọ.+   Mmọ ẹmenuak ikọt fo, O Jehovah,+Ẹnyụn̄ ẹtụhọde udeme fo.+   Mmọ ẹwot ebeakpa ye odudụn̄,+Ẹnyụn̄ ẹwot nditọakpa.+   Ndien mmọ ẹdọhọ ẹte: “Jah ikwe;+Abasi Jacob inyụn̄ ifiọkke.”+   Ẹfiọk, mbufo emi mînyeneke ibuot ke otu mbio obio;+Amaedi mbufo mme ndisịme, ini ewe ke mbufo ẹdinyene ikike?+   Nte Enye emi akanamde utọn̄ ikemeke ndikop n̄kpọ?+Mîdịghe nte Enye emi akanamde enyịn ikemeke ndikụt n̄kpọ?+ 10  Nte Enye emi enen̄erede mme idụt ikemeke ndinọ nsuannọ,+Kpa Enye emi ekpepde owo ifiọk?+ 11  Jehovah ọfiọk ekikere mme owo, nte ke etie nte ibifịk.+ 12  Owo emi okopde inemesịt edi owo emi afo enen̄erede,+ O Jah,Emi afo onyụn̄ adade ibet fo ekpep enye,+ 13  Man ọnọ enye ifụre ke mme usen afanikọn̄,+Tutu ẹtịbi obube ẹnọ mme idiọkowo.+ 14  Koro Jehovah mîdisịnke ikọt esie,+Enye idinyụn̄ ikpọn̄ke udeme esie.+ 15  Koro ubiereikpe ayafiak ekedi edinen,+Ndien kpukpru mmọ eke esịt mmọ enende ẹyetiene emi. 16  Anie edidaha ada an̄wana ye mme anamidiọk ọnọ mi?+Anie edin̄wana ye mbon ibak ọnọ mi?+ 17  Mîkpedịghe emi Jehovah akan̄wamde mi,+Akayak esisịt ukpọn̄ mi okpodu ke ndobo.+ 18  Ke ini n̄kọdọhọde nte: “Ukot mi oyofụmede,”+Ima-mfọnido fo, O Jehovah, okomụm mi akama.+ 19  Ke ini ediwak ekikere ẹtịmerede mi esịt,+Ndọn̄esịt fo enem ukpọn̄ mi.+ 20  Nte afo edisan̄a n̄kpọ ye ebekpo emi ọnọde afanikọn̄+Ke adan̄aemi enye adade ewụhọ etịbi mfịna?+ 21  Mmọ ẹbụmede ẹn̄wana ye ukpọn̄ edinen owo+Ẹnyụn̄ ẹnam ikpe etịp iyịp emi mîduehe.+ 22  Edi Jehovah ayakabade edi edikon̄ ebiet ubọhọ ọnọ mi,+Abasi mi oyonyụn̄ edi akwa itiat ubọhọ mi.+ 23  Ndien enye ayanam ibak mmọ afiak etiene mmọ+Oyonyụn̄ ada afanikọn̄ mmọ osobo mmọ.+Jehovah Abasi nnyịn oyosobo mmọ.+

Mme Ikọ Idakisọn̄