Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 92;1-15

Ikwọ usen sabbath. 92  Ọfọn ndikọm Jehovah+Nnyụn̄ n̄kwọ edinem ikwọ nnọ enyịn̄ fo, O Ata Edikon̄;+   Ndibụk ima-mfọnido fo ke usenubọk+Ndinyụn̄ mbụk edinam akpanikọ fo ke okoneyo,+   Ke ndido urụk duop ye ke ndido urụk ita,+Ye ke ọkpọsọn̄ ikwọ harp.+   Koro afo amanam mi ndara, O Jehovah, ke edinam fo;Mmosio n̄kpo idara mban̄a mme utom emi ubọk fo anamde.+   Mme utom fo ẹkponi adan̄a didie, O Jehovah!+Ekikere fo otụn̄ọ etieti.+   Anana-ibuot owo ndomokiet ikemeke ndifiọk mmọ,+Emi inyụn̄ ikemeke ndin̄wan̄a ndisịme owo ndomokiet.+   Ke ini mme idiọkowo ẹfiaride nte mbiet+Kpukpru mbon ibak ẹnyụn̄ ẹsehede,Edi man ẹkpesobo mmọ ẹfep ke nsinsi.+   Edi afo omokon̄ ke nsinsi, O Jehovah.+   Koro, sese! mme asua fo, O Jehovah,+Sese! mme asua fo ẹyetak;+Ẹyesuan kpukpru mbon ibak.+ 10  Edi afo eyemenede nnụk mi ke enyọn̄ nte eke editịm;+Nyeyere obufa aran.+ 11  Ndien nyosụk enyịn mi nse mme asua mi;+Utọn̄ mi oyokop aban̄a mmọ eke ẹdahade ẹda ẹn̄wana ye ami, kpa mme anamidiọk. 12  Edinen owo eyesehe nte eyop;+Enye ọyọkọri okpon nte eto cedar ke Lebanon.+ 13  Mbon oro ẹtọde ke ufọk Jehovah,+Mmọ ẹyesehe ke okụre Abasi nnyịn.+ 14  Mmọ ẹyeka iso ẹn̄wụm mfri ke ini usọn̄,+Ẹyeka iso ẹkponi ẹnyụn̄ ẹsehe,+ 15  Man ẹtan̄a ẹte ke Jehovah edi edinen.+Enye edi Akwa Itiat mi,+ emi mînyeneke ukwan̄ido.+

Mme Ikọ Idakisọn̄