Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 91;1-16

91  Owo ekededi emi odụn̄de ke ndịbe ebiet+ Ata Edikon̄+ Eyenyene itieidụn̄ ke mfụt Ata Ọkpọsọn̄.+   Ami nyọdọhọ Jehovah nte: “Afo edi ebiet ubọhọ mi ye ọkpọsọn̄ ebiet mi,+ Abasi mi, emi ndibuọtde idem.”+   Koro enye ayanyan̄a fi osio ke afia omụm inuen,+ Osio ke udọn̄ọ nsobo.+   Enye ayada ntan̄ esie ofụk fi,+ Afo oyonyụn̄ edịbe ke idak mba esie.+ Akpanikọ+ esie eyedi akwa otuekọn̄+ ye ibibene ukpeme.   Afo udufeheke n̄kpọndịk ekededi ke okoneyo,+ M̀mê idan̄+ eke efede ke uwemeyo,   M̀mê idiọk udọn̄ọ eke asan̄ade ke ekịm,+ M̀mê nsobo eke abiatde ke ufọt uwemeyo.+   Owo tọsịn kiet ẹyeduọn̄ọ fi ke n̄kan̄ Tọsịn duop ẹyenyụn̄ ẹduọn̄ọ ke ubọk nnasia fo; Edi enye idisan̄ake ikpere fi.+   Afo edisese mmọ ke enyịn kpọt+ Onyụn̄ okụt nte ẹsiode mme idiọkowo usiene.+   Koro afo ọdọhọde ete: “Jehovah edi ebiet ubọhọ mi,”+ Afo amanam Ata Edikon̄ edi ebietidụn̄ fo;+ 10  Baba afanikọn̄ kiet idisịmke fi,+ Udọn̄ọ idikam isan̄ake ikpere tent fo.+ 11  Koro enye ọyọnọ mme angel esie ewụhọ aban̄a fi,+ Man ẹkpeme fi ke kpukpru usụn̄ fo.+ 12  Mmọ ẹyekama fi ke ubọk mmọ,+ Mbak afo udutuak ukot fo ke itiat ekededi.+ 13  Afo ayanuak abak ayara ekpe ye ebre ke ikpat;+ Oyonyụn̄ edịghi ekpe ye akamba urụkikọt.+ 14  Koro enye amade mi,+ Ami n̄ko nyọnọ enye edinyan̄a.+ Ami nyekpeme enye koro enye ọfiọkde enyịn̄ mi.+ 15  Enye eyeseme okot mi, ndien ami nyeyere enye.+ Nyodu ye enye ke ini nnanenyịn.+ Nyanyan̄a enye nnyụn̄ nọ enye ubọn̄.+ 16  Nyada ediwak usen nyụhọ enye,+ Nyonyụn̄ nnam enye okụt edinyan̄a mi.+

Mme Ikọ Idakisọn̄