Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 90;1-17

Akam Moses, owo ata Abasi.+ 90  O Jehovah, afo edi ata ebietidụn̄ nnyịn+ Ke ofụri emana.+   Mbemiso mme obot ẹkemanade,+ M̀mê mbemiso afo akanamde isọn̄+ ye ererimbot amana nte ke ubiak uman, Ke nsinsi nsinsi afo edi Abasi.+   Afo anam owo afiak ke ntan,+ Onyụn̄ ọdọhọ ete: “Mbufo nditọ owo, ẹfiak ke ntan.”+   Koro ke enyịn fo isua tọsịn kiet ẹtie nte n̄kpọn̄ ke ini enye ebede,+ Ye nte ikpehe ini ukpeme kiet ke okoneyo.+   Afo ọmọkpọri mmọ efep;+ mmọ ẹwara ẹbe nte ndap;+ Mmọ ẹtie nte awawa mbiet emi etịbede ke usenubọk.+   Enye esehe ke usenubọk onyụn̄ ọkọri;+ Ndien eyemede ke mbubreyo onyụn̄ asat.+   Koro nnyịn imesịm utịt ke iyatesịt fo,+ Ifụtesịt fo onyụn̄ etịmede nnyịn.+   Afo omobon mme ndudue nnyịn ke iso fo,+ Ye mme ndịben̄kpọ nnyịn ke nyayama iso fo.+   Koro kpukpru mme usen nnyịn ẹsụhọrede ke ntak ifụtesịt fo;+ Mme isua nnyịn ẹnyụn̄ ẹkụre ata iwiwa.+ 10  Isua uwem nnyịn edi ata ye duop;+ Ndien ke ata nsọn̄idem odude, edi isua anan̄,+ Kpa ye oro, mmọ ẹyọhọ ye afanikọn̄ ye ọkpọsọn̄ ubiak;+ Koro mmọ ẹwarade ndibe, ndien nnyịn ibe ifep.+ 11  Anie ọfiọk odudu iyatesịt fo+ Anie onyụn̄ ọfiọk ifụtesịt fo emi okponde nte uten̄e fo?+ 12  Kam wụt nnyịn nte ikpabatde usen nnyịn+ Ke usụn̄ oro edinamde nnyịn inyene esịt ọniọn̄.+ 13  Fiak di, O Jehovah!+ Edibịghi adan̄a didie?+ Nyụn̄ tua mme asan̄autom fo mbọm.*+ 14  Da ima-mfọnido fo yụhọ nnyịn ke usenubọk,+ Man nnyịn isio n̄kpo idara inyụn̄ idat esịt ke ofụri usen uwem nnyịn.+ 15  Nam idatesịt nnyịn ekem ye mme usen emi afo otụhọrede nnyịn,+ Kpa mme isua emi nnyịn ikụtde nnanenyịn.+ 16  Wụt mme asan̄autom fo utom fo+ Nyụn̄ wụt nditọ mmọ ubọn̄ fo.+ 17  Ndien yak uyai Jehovah Abasi nnyịn odoro nnyịn,+ Nyụn̄ nam utom ubọk nnyịn ọsọn̄ọ ada ọnọ nnyịn.+ Ih, nam utom ubọk nnyịn ọsọn̄ọ ada.+

Mme Ikọ Idakisọn̄

At. Ed., “tua n̄kpọfiọk ban̄a mme asan̄autom fo.”