Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 89;1-52

Maskil. Eke Ethan eyen Zerah.+ 89  Ami nyọkwọ mban̄a ima-mfọnido oro Jehovah owụtde ke nsinsi.+Nyada inua mi nnam ẹfiọk edinam akpanikọ fo ke ofụri emana.+   Koro ndọhọde nte: “Ima-mfọnido ọyọsọn̄ọ ada ke nsinsi;+Amaedi mme heaven, afo ọmọsọn̄ọ owụk akpanikọ fo ke mmọ.”+   “Ami mmodiomi ediomi ye owo emi mmekde;+Mmọn̄wọn̄ọ nnọ David asan̄autom mi,+   ‘Nyanam mfri fo ọsọn̄ọ ada ke nsinsi,+Nyonyụn̄ nnam ebekpo fo+ ada ke ofụri emana.’” Selah.   Mme heaven ẹyetoro utịbe edinam fo, O Jehovah,+Ih, ẹyetoro edinam akpanikọ fo ke esop ndisana owo.   Koro anie ke enyọn̄ ke ẹkeme ndimen ndomo ye Jehovah?+Anie ke otu nditọ Abasi ebiet Jehovah?+   Ẹnyene nditen̄e Abasi ke otu ndisana owo;+Enye okpon onyụn̄ enyene uten̄e ke otu kpukpru mbon oro ẹdude ẹkanade enye.+   O Jehovah Abasi mme udịm,+Anie okop odudu nte afo, O Jah?+Akpanikọ fo onyụn̄ akan fi okụk.+   Afo amakara mbufụt inyan̄;+Ke ini enye adahade afo osụk enye enịm.+ 10  Afo amanuak Rahab+ kpa nte owo eke ẹwotde.+Afo amada odudu ubọk fo asuan mme asua fo.+ 11  Heaven edi okwo,+ isọn̄ n̄ko edi okwo;+Isọn̄ ye se iyọhọde ke esịt+—⁠afo akanam mmọ.+ 12  Edere ye usụk—⁠afo akanam mmọ;+Tabor+ ye Hermon+—⁠ẹsio n̄kpo idara ke enyịn̄ fo.+ 13  Ọkpọsọn̄ ubọk edi okwo,+Ubọk fo ọmọsọn̄,+Ubọk nnasia fo okon̄.+ 14  Afo amada edinen ido ye unenikpe owụk ebekpo fo;+Ima-mfọnido ye akpanikọ ẹmedi ke iso fo.+ 15  Mmọ emi ẹfiọkde n̄kpo idara ẹkop inemesịt.+Mmọ ke ẹsan̄a ke un̄wana iso fo, O Jehovah.+ 16  Mmọ ẹdara ke enyịn̄ fo kpukpru usen+Edinen ido fo onyụn̄ emenede mmọ enịm ke enyọn̄.+ 17  Koro afo edide uyai odudu mmọ;+Mfọn fo onyụn̄ emenede nnụk nnyịn ke enyọn̄.+ 18  Koro otuekọn̄ nnyịn otode Jehovah,+Edidem nnyịn onyụn̄ otode Edisana Abasi Israel.+ 19  Ini oro afo eketịn̄ ikọ ke n̄kukụt ọnọ mbon emi ẹsọn̄ọde ẹda ye afo,+Ndien afo ọdọhọ ete:“Mmọnọ ọkpọsọn̄ owo un̄wam;+Mmemenede owo emi ẹmekde ke otu mme owo nnịm ke enyọn̄.+ 20  Mmokụt David asan̄autom mi;+Mmeyet enye edisana aran mi,+ 21  Ubọk mi ọyọsọn̄ọ odu ye enye,+Ubọk mi oyonyụn̄ ọsọn̄ọ enye idem.+ 22  Asua ndomokiet idifịkke enye,+Eyen ukwan̄ido ekededi idinyụn̄ itụhọkede enye.+ 23  Ndien nyanuak mme asua esie mbai mbai ke iso esie,+Nnyụn̄ nyịbi mbon oro ẹnen̄erede ẹsua enye.+ 24  Ndien akpanikọ mi ye ima-mfọnido mi ẹdu ye enye,+Ẹnyụn̄ ẹmenede nnụk esie ke enyịn̄ mi.+ 25  Ndien mmesịn ubọk esie ke inyan̄+Mmonyụn̄ nsịn ubọk nnasia esie ke akpa mmọn̄.+ 26  Enye eseme okot mi ete, ‘Afo edi Ete mi,+Abasi mi+ ye Akwa Itiat edinyan̄a mi.’+ 27  N̄ko, ami nyanam enye edi akpan,+Andikon̄ n̄kan ke otu ndidem isọn̄.+ 28  Nyenịm ima-mfọnido mi nnọ enye ke nsinsi,+Ndinyụn̄ mbiatke ediomi oro n̄kanamde ye enye.+ 29  Ndien nyanam mfri esie odu ke nsinsi+Ebekpo esie oyonyụn̄ ebịghi nte mme usen heaven.+ 30  Edieke nditọ esie ẹdikpọn̄de ibet mi+Mîdinyụn̄ isan̄ake ke mme ubiereikpe mi,+ 31  Edieke mmọ ẹbiatde mme ewụhọ miMînyụn̄ inịmke mme ibet mi, 32  Ami n̄ko nyada eto ntụnọ mmọ ke ntak ubiatibet mmọ+Nnyụn̄ nda ikpa mmia mmọ ke ndudue mmọ.+ 33  Edi ndibọhọ enye ima-mfọnido mi,+Ndinyụn̄ mbiatke edinam akpanikọ mi.+ 34  Ndibiatke ediomi mi,+Ndinyụn̄ n̄kpụhọke ikọ inua mi.+ 35  Sia mma n̄kọn̄wọn̄ọ ke edisana idaha mi,+Ndisụhu nsu nnọ David.+ 36  Mfri esie oyodu ke nsinsi,+Ebekpo esie oyonyụn̄ ebịghi nte utịn ke iso mi.+ 37  Ẹyesọn̄ọ ẹwụk ebekpo esie ke nsinsi nte ọfiọn̄,Ye nte ntiense akpanikọ ke ikpaenyọn̄.” Selah. 38  Edi afo omotop ọduọk onyụn̄ ese ke ndek;+Afo omofụt esịt ye enye emi afo eyetde aran.+ 39  Afo emesịn ediomi asan̄autom fo ke ndek;Amasabade anyanya esie ke nditop nnịm ke isọn̄.+ 40  Afo omowụri kpukpru itienna ufene esie emi ẹnamde ke itiat;+Afo omowụri mme ibibene ukpeme esie.+ 41  Kpukpru mbon oro ẹsan̄ade ke usụn̄ ẹbe ẹmebụme enye;+Enye amakabade edi n̄kpọ esuene ọnọ mbọhọidụn̄ esie.+ 42  Afo ememenede ubọk nnasia mme asua esie ke enyọn̄;+Amanam kpukpru mme asua esie ẹdara.+ 43  Akan oro, afo n̄ko amanam akan̄kan̄ esie etie nte asua,+Ndien afo uyakke enye akan ke ekọn̄.+ 44  Afo amanam enye etre ndisem,+Omonyụn̄ onụk ebekpo esie ọduọk ke isọn̄.+ 45  Afo amanam mme usen uyen esie ẹmụhọ;Amada bụt ofụk enye.+ Selah. 46  O Jehovah, adan̄a didie ke afo edidịbe? Ke nsinsi?+Nte iyatesịt fo edisak nte ikan̄ ke nsinsi?+ 47  Ti ibat isua uwem mi.+Nte afo okobot kpukpru nditọ owo ke ikpîkpu?+ 48  Anie owo odu uwem eke mîdikwe n̄kpa?+Nte enye ekeme ndinyan̄a ukpọn̄ esie nsio Udi* ke ubọk?+ Selah. 49  O Jehovah, enye n̄kani edinam ima-mfọnido fo,Emi afo ke edinam akpanikọ ọkọn̄wọn̄ọde ọnọ David?+ 50  O Jehovah, ti nte ẹsuenede mme asan̄autom fo,+Nte mbiomde esuene ofụri ediwak owo ke ikpanesịt mi,+ 51  Nte mme asua fo ẹsuenede, O Jehovah,+Nte mmọ ẹsuenede nde ikpat owo emi afo eyetde aran.+ 52  Itoro enyene Jehovah ke nsinsi. Amen ye Amen.+

Mme Ikọ Idakisọn̄

Heb., “Sheol.”