Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 88;1-18

Ikwọ nditọ Korah. Ẹnọ adausụn̄ ke Mahalath ndida nnọ ibọrọ. Maskil eke Heman+ eyen Zerah. 88  O Jehovah, Abasi edinyan̄a mi,+ Mmeseme ke uwemeyo,+ Mmeseme n̄ko ke okoneyo ke iso fo.+   Akam mi eyedi ke iso fo.+ Biọn̄ utọn̄ ke eseme mi.+   Koro nnanenyịn oyụhọ ukpọn̄ mi,+ Uwem mi onyụn̄ ekpere Udi.*+   Ẹbat mi ẹsịn ke otu mmọ eke ẹsụhọrede ke obube;+ Mmakabade ntie nte owo emi mînyeneke odudu,+   Emi ọbọhọde ufụn kpa nte mme akpan̄kpa,+ Ukem nte mbon oro ẹwotde emi ẹnade ke udi,+ Emi afo mûtịghi aba, Emi ẹnyụn̄ ẹsịbede ẹkpọn̄ edinyan̄a fo.+   Afo emesịn mi ke ata editụn̄ọ obube, Ke n̄kịmn̄kịm ebiet, ke akwa editụn̄ọ ukpe.+   Ifụtesịt fo omofụk mi,+ Afo omonyụn̄ ada kpukpru aya fo otụhọde mi.+ Selah.   Afo amanam mme ọdiọn̄ọ mi ẹdu anyan usụn̄ ẹkpọn̄ mi;+ Afo emenịm mi nte ata mbubiam n̄kpọ ọnọ mmọ.+ Ẹmekụk mi ẹsịn ndien n̄kemeke ndiwọrọ.+   Ukụt esịn enyịn ẹkịm mi.+ Mmeseme n̄kot fi kpukpru usen, O Jehovah;+ Mmatat ekaubọk mi nnọ fi.+ 10  Nte afo edinam utịben̄kpọ ọnọ mme akpan̄kpa?+ Mîdịghe ndi mbon oro mînyeneke odudu ke n̄kpa ẹdidaha ẹda,+ Ndi mmọ ẹditoro fi?+ Selah. 11  Nte ẹditan̄a ima-mfọnido fo ke udi, Ye edinam akpanikọ fo ke itie nsobo?+ 12  Nte ẹdifiọk utịben̄kpọ fo ke ekịm,+ M̀mê edinen ido fo ke isọn̄ emi ẹma ẹkefre?+ 13  O Jehovah, mmeseme n̄kot fi nyom un̄wam,+ Akam mi onyụn̄ edi ke iso fo ke usenubọk.+ 14  O Jehovah, ntak emi afo otopde ukpọn̄ mi ọduọk?+ Ntak emi afo edịpde mi iso fo?+ 15  Mmokụt ukụt toto ke uyen nnyụn̄ n̄kpere ndikpa;+ Mmọyọ mme enyene-ndịk n̄kpọ emi ẹtode fi ata etieti.+ 16  Ikan̄-ikan̄ iyatesịt fo obụmede ofụk mi;+ Ndịk fo enịme mi ibifịk.+ 17  Mmọ ẹkan mi ẹkụk nte mmọn̄ kpukpru usen;+ Kpukpru mmọ ẹmetọ ẹfụk mi inikiet. 18  Afo amanam ufan ye nsan̄a mi ẹdu anyan usụn̄ ẹkpọn̄ mi;+ N̄kịmn̄kịm ebiet ẹdi mme ọdiọn̄ọ mi.+

Mme Ikọ Idakisọn̄

Heb., “Sheol.”