Be ka se isịnede

Be ka se isịnede

Mme Ntiense Jehovah

Mek usem Efịk

Psalm 86;1-17

Akam David. 86  O Jehovah, biọn̄ utọn̄. Yere mi,+Koro ami ndide owo ukụt ye ubuene.+   O kpeme ukpọn̄ mi, koro ami nsọn̄ọde nda ye afo.+Afo edi Abasi mi, nyan̄a asan̄autom fo oro ọbuọtde idem ye afo.+   Tua mi mbọm, O Jehovah,+Koro ami nsemede n̄kot fi kpukpru usen.+   Nam ukpọn̄ asan̄autom fo adara,+Koro afo, O Jehovah, ke ami mmenede ukpọn̄ mi nnọ.+   Koro afo ọfọnde,+ O Jehovah, onyụn̄ enyịmede ndifen nnọ;+Ima-mfọnido oro afo owụtde kpukpru mbon oro ẹsemede ẹkot fi onyụn̄ okpon.+   O Jehovah, biọn̄ utọn̄ ke akam mi;+Nyụn̄ kpan̄ utọn̄ ke eseme mi.+   Ami nyeseme n̄kot fi ke usen nnanenyịn,+Koro afo eyeyere mi.+   O Jehovah, idụhe eke ebietde fi ke otu mme abasi,+Inyụn̄ idụhe utom ekededi eke ebietde okwo.+   Kpukpru mme idụt emi afo akanamde ẹyedi,+Mmọ ẹyenyụn̄ ẹdi ẹdinụhọ ke iso fo, O Jehovah,+ Ẹnyụn̄ ẹnọ enyịn̄ fo ubọn̄.+ 10  Koro afo okponde onyụn̄ anamde mme utịben̄kpọ;+Afo edi Abasi, afo ikpọn̄-ikpọn̄.+ 11  Teme mi usụn̄ fo, O Jehovah.+Ami nyasan̄a ke akpanikọ fo.+Nam ofụri esịt mi abak enyịn̄ fo.+ 12  O Jehovah Abasi mi, ami mmotoro fi ke ofụri esịt mi,+Nyonyụn̄ nnọ enyịn̄ fo ubọn̄ ke nsinsi, 13  Koro ima-mfọnido emi afo owụtde mi okponde,+Afo omonyụn̄ anyan̄a ukpọn̄ mi osio ke ata editụn̄ọ Udi.*+ 14  O Abasi, mbon iseri ẹmedaha ẹda ẹnam ikọ ye ami;+Ndien esop mbon ufịk ẹmeyom ukpọn̄ mi,+Mmọ inyụn̄ inịmke fi ke iso mmọ.+ 15  Edi afo, O Jehovah, edi Abasi mbọm ye mfọn,+Usọpke iyatesịt+ omonyụn̄ awak ima-mfọnido ye akpanikọ.+ 16  Wọn̄ọde se mi nyụn̄ tua mi mbọm.+Nọ asan̄autom fo odudu fo,+Nyụn̄ nyan̄a eyen ofụn an̄wan fo.+ 17  Nam idiọn̄ọ eti ido ye ami,Man mbon oro ẹsuade mi ẹkpekụt ẹnyụn̄ ẹdia bụt.+Koro afo, O Jehovah, aman̄wam mi onyụn̄ ọdọn̄ mi esịt.+

Mme Ikọ Idakisọn̄

Heb., “Sheol.”