Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 85;1-13

Ẹnọ adausụn̄. Eke nditọ Korah. Ikwọ. 85  O Jehovah, afo emenem esịt ye isọn̄ fo;+ Afo amada nditọ Jacob emi ẹkemụmde nte mbuotekọn̄ ọnyọn̄ edi.+   Afo amadahado ke ndudue ikọt fo;+ Omofụk kpukpru idiọkn̄kpọ mmọ.+ Selah.   Afo amafara ke kpukpru ifụtesịt fo;+ Omonyụn̄ ọwọn̄ọde ikan̄-ikan̄ iyatesịt fo efep.+   Fiak tan̄ nnyịn bon, O Abasi edinyan̄a nnyịn,+ Kûnyụn̄ uyat esịt aba ye nnyịn.+   Nte afo ediyat esịt ye nnyịn ke nsinsi?+ Nte afo ediwụt iyatesịt fo ke ofụri emana?+   Nte afo udufiakke udemede nnyịn,+ Man ikọt fo ẹkpedat esịt ke afo?+   O Jehovah, wụt nnyịn ima-mfọnido fo,+ Nyụn̄ nọ nnyịn edinyan̄a fo.+   Ami nyokop se ata Abasi kpa Jehovah editịn̄de,+ Koro enye eyetịn̄ aban̄a emem ọnọ ikọt+ esie ye mbon emi ẹsọn̄ọde ẹda ye enye, Edi yak mmọ ẹkûfiak ẹkebuọt idem ke idemmọ.+   Ke akpanikọ edinyan̄a esie emekpere ọnọ mmọ eke ẹbakde enye,+ Man ubọn̄ odụn̄ ke isọn̄ nnyịn.+ 10  Amaedi ima-mfọnido ye akpanikọ, mmọ ẹmesobo ye kiet eken;+ Edinen ido ye emem—mmọ ẹmetịm kiet eken inua.+ 11  Akpanikọ eyetịbe ke isọn̄,+ Edinen ido oyonyụn̄ etie ke heaven osụk iso ese.+ 12  N̄ko, Jehovah ọyọnọ se ifọnde,+ Isọn̄ nnyịn oyonyụn̄ on̄wụm mbun̄wụm esie.+ 13  Edinen ido ayasan̄a enye ke iso,+ Enye oyonyụn̄ ada ikpat esie asiak usụn̄.+

Mme Ikọ Idakisọn̄