Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 84;1-12

Ẹnọ adausụn̄ ke Gittith.+ Eke nditọ Korah. Ikwọ. 84  Akwa tent utuakibuot fo eye didie ntem,+O Jehovah mme udịm!+   Okụre Jehovah ọdọn̄ ukpọn̄ mi tutu akpa mba.+Esịt mi ye obụkidem mi ẹsio n̄kpo idara ẹnọ odu-uwem Abasi.+   Inuen akam okụt ufọk,Akadan̄abasi onyụn̄ okụt efọk ọnọ idemesie,Emi enye ọdọn̄de nditọ esie—⁠Akwa itieuwa fo, O Jehovah mme udịm, Edidem mi ye Abasi mi!   Mmọ emi ẹdụn̄de ke ufọk fo ẹkop inemesịt!+Mmọ ẹyesụk ẹtoro fi.+ Selah.   Mbon emi odudu mmọ otode fi,+Emi esịt mmọ odude ke usụn̄ ufọk fo, ẹkop inemesịt.+   Ke ini ẹsan̄ade ẹbe unaisọn̄ itịghede ikọt eto baca,+Mmọ ẹnam enye akabade idịm,Anditeme+ ada itoro ọyọhọ idemesie.   Mmọ ẹyesan̄a ẹnyụn̄ ẹdọdiọn̄ ẹkop odudu;+Mmọ kiet kiet ẹda ke iso Abasi ke Zion.+   O Jehovah Abasi mme udịm, kop akam mi;+Kpan̄ utọn̄, O Abasi Jacob.+ Selah.   O otuekọn̄ nnyịn, O Abasi, se,+Nyụn̄ tịn̄ enyịn ke iso enye emi afo eyetde aran.+ 10  Koro usen kiet ke okụre fo ọfọn akan tọsịn ke ebiet en̄wen.+Ami mmemek ndida ke asan̄udọk ke ufọk Abasi mi+Akan ndisan̄a n̄kanade mme tent idiọkido.+ 11  Koro Jehovah Abasi edi utịn+ ye otuekọn̄;+Enye ọnọ mfọn ye ubọn̄.+Jehovah idisịnke mbon oro usụn̄ mmọ mînyeneke ndudue baba eti n̄kpọ kiet.+ 12  O Jehovah mme udịm, owo emi ọbuọtde idem ye afo okop inemesịt.+

Mme Ikọ Idakisọn̄