Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Psalm 83;1-18

Ikwọ Asaph.+ 83  O Abasi, kûdop uyo;+ Kûtre ndisioro uyo, kûnyụn̄ udop utie, O Abasi.+   Koro, sese! mme asua fo ke ẹsịn editịm;+ Ndien mmọ eke ẹnen̄erede ẹsua fi ẹmenede ibuot mmọ.+   Mmọ ẹmedụk odu n̄kari n̄kari ẹban̄a ikọt fo;+ Ẹnyụn̄ ẹdụk odu ẹban̄a ikọt fo emi afo edịpde.+   Mmọ ẹdọhọ ẹte: “Ẹdi nnyịn isobo mmọ ifep man mmọ ẹkûdi aba idụt,+ Man ẹkûti aba enyịn̄ Israel.”+   Koro mmọ ẹdianade kiet ẹdụk odu ke ofụri esịt;+ Ẹmekam ẹdụk ediomi ẹban̄a fi,+   Mme tent Edom+ ye eke nditọ Ishmael, Moab+ ye mme Hagrite,+   Gebal ye Ammon+ ye Amalek, Philistia+ ọkọrọ ye mme andidụn̄ Tyre.+   N̄ko, Assyria amadiana ye mmọ;+ Mmọ ẹmekabade ẹdi ubọk ẹnọ nditọ Lot.+ Selah.   Nam mmọ nte akanamde ye Midian,+ nte akanamde ye Sisera,+ Nte akanamde ye Jabin+ ke itịghede mmọn̄ Kishon.+ 10  Ẹma ẹsobo mmọ ke En-dor;+ Mmọ ẹkabade ẹdi ifụm ẹnọ isọn̄.+ 11  Amaedi mbọn̄ mmọ, nam mmọ nte akanamde Oreb ye Zeeb,+ Nyụn̄ nam ye kpukpru mbọn̄ mmọ nte akanamde Zebah ye Zalmunna,+ 12  Emi ẹkedọhọde ẹte: “Ẹyak nnyịn ida ebietidụn̄ Abasi inyene.”+ 13  O Abasi mi, nam mmọ ẹtie nte nsat ikọn̄,+ Ẹtie nte nnyanyan̄a ke iso ofụm.+ 14  Ẹtie nte ikan̄ eke atade akai+ Ẹnyụn̄ ẹtie nte edemeikan̄ eke ọfọpde mme obot,+ 15  Afo akpakam ada ọkpọsọn̄ oyobio fo ebịne mmọ kpasụk ntre+ Onyụn̄ ada ọkpọsọn̄ ofụm fo etịmede mmọ.+ 16  Da esuene fụk mmọ iso,+ Man mme owo ẹyom enyịn̄ fo, O Jehovah.+ 17  O mmọ ẹkpekam ẹkop bụt ye editịmede esịt ke nsinsi,+ Ẹkpekam ẹdia esuene ẹnyụn̄ ẹtak;+ 18  Man mme owo ẹkpefiọk+ ẹte ke afo, emi enyịn̄ fo edide Jehovah,+ Afo ikpọn̄ edi Ata Edikon̄+ ke ofụri isọn̄.+

Mme Ikọ Idakisọn̄